Read Gobaith i Gymru Josua 12 Bible Online

Josua 12 - Gobaith i Gymru bible

Josua 12

¹Dyma'r brenhinoedd wnaeth pobl Israel eu trechu i'r dwyrain o'r Afon Iorddonen, a'r tiroedd wnaethon nhw eu meddiannu — o Geunant Arnon i Fynydd Hermon, sef yr holl dir i'r dwyrain o Ddyffryn Iorddonen: [28]

²Sihon, brenin yr Amoriaid, oedd yn byw yn Cheshbon ac yn teyrnasu o Aroer, ger Ceunant Arnon. Roedd yn teyrnasu o ganol Ceunant Arnon i Ddyffryn Jabboc, sef y ffin gyda tiriogaeth pobl Ammon — yn cynnwys hanner Gilead.

³Roedd ei diriogaeth yn cynnwys y tir sydd i'r dwyrain o Ddyffryn Iorddonen, yr holl ffordd o Lyn Galilea [29] i'r Môr Marw. [30] Yna o Beth-ieshimoth yn y dwyrain i lawr i'r de cyn belled â llethrau Mynydd Pisga.

⁴Og, brenin Bashan — un o'r ychydig Reffaiaid oedd ar ôl. Roedd Og yn teyrnasu o Ashtaroth ac Edrei,

⁵a'i diriogaeth yn ymestyn o Fynydd Hermon i Salca yn y gogledd, Bashan yn y dwyrain, ac i'r gorllewin at y ffin gyda teyrnasoedd Geshwr a Maacha, a hanner arall Gilead at y ffin gyda teyrnas Sihon, oedd yn frenin yn Cheshbon.

⁶Roedd Moses, gwas yr ARGLWYDD, a phobl Israel wedi eu trechu nhw a rhannu eu tiroedd nhw rhwng llwythau Reuben, Gad, a hanner llwyth Manasse. [31†]

⁷A dyma'r brenhinoedd wnaeth Josua a pobl Israel eu trechu i'r gorllewin o'r Afon Iorddonen — o Baal-gad yn Nyffryn Libanus yn y gogledd i lawr i Fynydd Halac ac at wlad Edom yn y de. (Rhannodd Josua y tiroedd yma i gyd rhwng llwythau Israel.

⁸Roedd yn cynnwys y bryniau a'r iseldir, Dyffryn Iorddonen, [32] y llethrau, anialwch Jwda a'r Negef, sef tiroedd yr Hethiaid, Amoriaid, Canaaneaid, Peresiaid, Hefiaid a Jebwsiaid):

⁹Brenin Jericho; brenin Ai, ger Bethel;

¹⁰brenin Jerwsalem; brenin Hebron;

¹¹brenin Iarmwth; brenin Lachish;

¹²brenin Eglon; brenin Geser;

¹³brenin Debir; brenin Geder;

¹⁴brenin Horma; brenin Arad;

¹⁵brenin Libna; brenin Adwlam;

¹⁶brenin Macceda; brenin Bethel;

¹⁷brenin Tappŵach; brenin Cheffer;

¹⁸brenin Affec; brenin Lasaron;

¹⁹brenin Madon; brenin Chatsor;

²⁰brenin Shimron-meron; brenin Achsaff;

²¹brenin Taanach; brenin Megido;

²²brenin Cedesh; brenin Jocneam, ger Mynydd Carmel;

²³brenin Dor, ar yr arfordir; brenin Goïm, ger Gilgal;

²⁴a brenin Tirsa. Tri deg un o frenhinoedd i gyd.