Read Gobaith i Gymru Josua 15 Bible Online

Josua 15 - Gobaith i Gymru bible

Josua 15

¹Roedd y tir gafodd ei roi i lwyth Jwda yn dilyn y ffin gydag Edom i Anialwch Sin yn y Negef i lawr yn y de.

²Roedd y ffin yn y de yn dechrau o ben isaf y Môr Marw, [38]

³heibio i'r de o Fwlch y Sgorpion, ar draws i Sin ac yna i'r ochr isaf i Cadesh-barnea. Yna roedd yn croesi i Hesron, ac yn mynd i fyny i Adar, cyn troi i gyfeiriad Carca.

⁴Wedyn roedd yn croesi i Atsmon ac yn dilyn Wadi'r Aifft yr holl ffordd i Fôr y Canoldir. Dyna oedd y ffin yn y de.

⁵Y Môr Marw at aber Afon Iorddonen oedd y ffin i'r dwyrain. Wedyn roedd y ffin ogleddol yn ymestyn o aber yr Iorddonen ar ben uchaf y Môr Marw,

⁶i fyny i Beth-hogla, yna ar draws o du uchaf Beth-araba at Garreg Bohan (mab Reuben).

⁷Ymlaen wedyn i Debir o Ddyffryn Achor, cyn troi i'r gogledd i gyfeiriad Gilgal (sydd gyferbyn â Bwlch Adwmim, i'r de o'r ceunant.) Yna heibio Dyfroedd En-shemesh cyn belled ag En-rogel [39].

⁸Wedyn roedd y ffin yn dilyn Dyffryn Hinnom at y llethr sydd i'r de o dre'r Jebwsiaid (sef Jerwsalem). Yna i'r gorllewin, ac i gopa'r mynydd sydd gyferbyn â Dyffryn Ben-hinnom ac i'r gogledd o Ddyffryn Reffaïm.

⁹O dop y mynydd roedd yn mynd at ffynnon dyfroedd Nefftoach, at drefi Mynydd Effron, ac yna'n troi i gyfeiriad Baäla (sef Ciriath-iearim).

¹⁰Wedyn roedd yn troi i'r gorllewin o Baäla i gyfeiriad Mynydd Seir, ac yn croesi i dref Cesalon ar lethr gogleddol Mynydd Iearim, cyn mynd i lawr i Beth-shemesh a chroesi i Timna.

¹¹Yna i gyfeiriad y gogledd at lethrau Ecron, ymlaen i Shicron, croesi i Fynydd Baäla, ac i Iabneël a Môr y Canoldir.

¹²Môr y Canoldir ei hun oedd y ffin orllewinol. Dyna oedd ffiniau teuluoedd llwyth Jwda.

¹³Cafodd tref Ciriath-arba (sef Hebron) ei rhoi i Caleb fab Jeffwnne, fel roedd yr ARGLWYDD wedi gorchymyn i Josua. (Arba oedd hynafiad yr Anaciaid.)

¹⁴Dyma Caleb yn gyrru allan dri cawr oedd yn ddisgynyddion i Anac, sef Sheshai, Achiman a Talmai.

¹⁵Yna dyma fe'n ymosod ar y bobl oedd yn byw yn Debir. (Ciriath-seffer oedd yr hen enw ar Debir.)

¹⁶Roedd Caleb wedi dweud, “Bydd pwy bynnag sy'n ymosod ar dref Ciriath-seffer ac yn ei choncro yn cael priodi fy merch Achsa.”

¹⁷Othniel, mab Cenas (brawd Caleb) wnaeth goncro'r dref, a dyma Caleb yn rhoi ei ferch, Achsa, yn wraig iddo.

¹⁸Pan briododd hi Othniel, dyma hi'n ei berswadio i adael iddi ofyn i'w thad am fwy o dir. Wrth iddi ddod i lawr oddi ar gefn ei hasyn, dyma ei thad Caleb yn gofyn iddi, “Beth sy'n bod?”

¹⁹A dyma hi'n ateb, “Dw i eisiau gofyn am rodd arall gen ti. Rwyt ti wedi rhoi tir i mi yn y Negef, ond wnei di roi ffynhonnau dŵr i mi hefyd?” A dyma Caleb yn rhoi'r ffynhonnau uchaf a'r ffynhonnau isaf iddi.

²⁰Dyma'r tir gafodd ei roi i deuluoedd llwyth Jwda:

²¹Y trefi i lawr yn y de ar y ffin gydag Edom: Cabseël, Eder, Iagwr,

²²Cina, Dimona, Adada,

²³Cedesh, Chatsor, Ithnan,

²⁴Siff, Telem, Bealoth,

²⁵Chatsor-chadatta, Cerioth-chetsron (sef Chatsor),

²⁶Amam, Shema, Molada,

²⁷Chatsar-gada, Cheshmon, Beth-pelet,

²⁸Chatsar-shwal, Beersheba, Bisiothia,

²⁹Baäla, Ïim, Etsem,

³⁰Eltolad, Cesil, Horma,

³¹Siclag, Madmanna, Sansanna,

³²Lebaoth, Shilchim, Ain a Rimmon. Dau ddeg naw o drefi, a'r pentrefi o'u cwmpas.

³³Yna'r trefi ar yr iseldir: Eshtaol, Sora, Ashna,

³⁴Sanoach, En-gannïm, Tappŵach, Enam,

³⁵Iarmwth, Adwlam, Socho, Aseca,

³⁶Shaaraim, Adithaïm, a Gedera (neu Gederothaim) — un deg pedair o drefi, a'r pentrefi o'u cwmpas.

³⁷Hefyd trefi Senan, Chadasha, Migdal-gad,

³⁸Dilean, Mitspe, Iocteël,

³⁹Lachish, Botscath, Eglon,

⁴⁰Cabbon, Lachmas, Citlish,

⁴¹Gederoth, Beth-dagon, Naäma, a Macceda — un deg chwech o drefi, a'r pentrefi o'u cwmpas.

⁴²Trefi Libna, Ether, Ashan,

⁴³Ifftach, Ashna, Netsib,

⁴⁴Ceila, Achsib, a Maresha — naw o drefi, a'r pentrefi o'u cwmpas.

⁴⁵Yna Ecron a'r trefi a'r pentrefi o'i chwmpas hi,

⁴⁶ac i gyfeiriad y gorllewin, y trefi oedd yn ymyl Ashdod, a'r pentrefi o'u cwmpas.

⁴⁷Ashdod ei hun, a Gasa a'r trefi a'r pentrefi o'u cwmpas — yr holl ffordd at Wadi'r Aifft ac arfordir Môr y Canoldir.

⁴⁸Wedyn y trefi yn y bryniau: Shamîr, Iattir, Socho,

⁴⁹Danna, Ciriath-sanna (sef Debir),

⁵⁰Anab, Eshtemoa, Anim,

⁵¹Gosen, Holon, a Gilo — un deg un o drefi, a'r pentrefi o'u cwmpas.

⁵²Hefyd Arab, Dwma, Eshan,

⁵³Janwm, Beth-tappwach, Affeca,

⁵⁴Chwmta, Ciriath-arba (sef Hebron), a Sior — naw o drefi, a'r pentrefi o'u cwmpas.

⁵⁵Yna Maon, Carmel, Siff, Iwtta,

⁵⁶Jesreel, Iocdeam, Sanoach,

⁵⁷Cain, Gibea, a Timna — deg o drefi, a'r pentrefi o'u cwmpas.

⁵⁸Chalchwl, Beth-tswr, Gedor,

⁵⁹Maarath, Beth-anoth, ac Eltecon — chwech o drefi, a'r pentrefi o'u cwmpas.

⁶⁰Ciriath-baal (sef Ciriath-iearim) a Rabba — dwy dref, a'r pentrefi o'u cwmpas.

⁶¹Yna'r trefi yn yr anialwch — Beth-araba, Midin, Sechacha,

⁶²Nibshan, Tre'r Halen, ac En-gedi — chwech o drefi, a'r pentrefi o'u cwmpas.

⁶³Ond wnaeth dynion Jwda ddim llwyddo i goncro'r Jebwsiaid oedd yn byw yn Jerwsalem. Felly mae'r Jebwsiaid yn dal i fyw gyda phobl Jwda hyd heddiw.