Read Gobaith i Gymru Josua 19 Bible Online

Josua 19 - Gobaith i Gymru bible

Josua 19

¹Teuluoedd llwyth Simeon gafodd yr ail ran. Roedd eu tir nhw o fewn tiriogaeth Jwda.

²Roedd eu tir nhw yn cynnwys Beersheba [43], Molada,

³Chatsar-shwal, Bala, Etsem,

⁴Eltolad, Bethwl, Horma,

⁵Siclag, Beth-marcaboth, Chatsar-swsa,

⁶Beth-lebaoth, a Sharwchen — un deg tair o drefi, a'r pentrefi o'u cwmpas.

⁷Ain, Rimmon, Ether, ac Ashan — pedair o drefi, a'r pentrefi o'u cwmpas.

⁸Hefyd y pentrefi oedd o'u cwmpas nhw yr holl ffordd i Baalath-beër (sef Rama yn y Negef). Dyma'r tir gafodd ei roi i deuluoedd llwyth Simeon.

⁹Cafodd tir Simeon ei gymryd allan o gyfran Jwda, am fod gan Jwda ormod o dir. Felly roedd tir llwyth Simeon o fewn ffiniau Jwda.

¹⁰Teuluoedd llwyth Sabulon gafodd y drydedd ran. Roedd ffin eu tiriogaeth nhw yn ymestyn yr holl ffordd i Sarid yn y de-ddwyrain.

¹¹Roedd yn mynd i gyfeiriad y gorllewin i Marala, heibio Dabbesheth ac at y ceunant wrth Jocneam.

¹²O Sarid roedd yn troi i gyfeiriad y dwyrain at y ffin gyda Cisloth-tabor, yna ymlaen i Daberath, ac i fyny i Jaffia.

¹³Wedyn roedd yn croesi drosodd i Gath-heffer ac Eth-catsin ac ymlaen i Rimmon cyn troi i gyfeiriad Nea.

¹⁴Wedyn roedd yn mynd rownd i'r gogledd i Channathon ac yn gorffen yn Nyffryn Ifftachél.

¹⁵Roedd eu tiriogaeth nhw yn cynnwys Catta, Nahalal, Shimron, Idala, a Bethlehem. Roedd ganddyn nhw un deg dwy o drefi i gyd, a'r pentrefi o'u cwmpas.

¹⁶Dyma'r tir gafodd ei roi i deuluoedd llwyth Sabulon, yn cynnwys y trefi yma i gyd a'r pentrefi o'u cwmpas.

¹⁷Teuluoedd llwyth Issachar gafodd y bedwaredd ran.

¹⁸Roedd eu tiriogaeth nhw yn cynnwys Jesreel, Ceswloth, Shwnem,

¹⁹Chaffaraïm, Shion, Anacharath,

²⁰Rabbith, Cishon, Ebes,

²¹Remeth, En-gannïm, En-hada a Beth-patsets.

²²Roedd eu ffin yn cyffwrdd Mynydd Tabor, Shachatsima a Beth-shemesh, ac yn gorffen wrth yr Afon Iorddonen. Un deg chwech o drefi i gyd, a'r pentrefi o'u cwmpas.

²³Dyma'r tir gafodd ei roi i deuluoedd llwyth Issachar, yn cynnwys y trefi yma i gyd a'r pentrefi o'u cwmpas.

²⁴Teuluoedd llwyth Asher gafodd y bumed ran.

²⁵Roedd eu tiriogaeth nhw yn cynnwys Helcath, Chali, Beten, Achsaff,

²⁶Alammelech, Amad, a Mishal. Roedd eu ffin nhw yn mynd o Carmel yn y gorllewin i Shichor-libnath.

²⁷Wedyn roedd yn troi i'r dwyrain i gyfeiriad Beth-dagon, at ffin llwyth Sabulon a Dyffryn Ifftachél i'r gogledd, yna i Beth-emec a Neiel, ac yna ymlaen i Cabwl yn y gogledd.

²⁸Yna i Ebron, Rechob, Hammon, a Cana, yr holl ffordd i Sidon Fawr.

²⁹[29-30] Wedyn roedd yn troi i gyfeiriad Rama a tref gaerog Tyrus, cyn troi i Chosa a mynd at y môr. Roedd ganddyn nhw ddau ddeg dwy o drefi i gyd, a'r pentrefi o'u cwmpas, gan gynnwys Mahalab [44], Achsib, Acco [45], Affec, a Rechob.

³⁰

³¹Dyma'r tir gafodd ei roi i deuluoedd llwyth Asher, yn cynnwys y trefi yma i gyd a'r pentrefi o'u cwmpas.

³²Teuluoedd llwyth Nafftali gafodd y chweched ran.

³³Roedd y ffin yn dechrau wrth Cheleff a'r dderwen yn Saänannim, yna mynd i Adami-necef, Iabneël, ymlaen i Lacwm, cyn gorffen wrth Afon Iorddonen.

³⁴Wedyn roedd yn troi i'r gorllewin at Asnoth-tabor ac ymlaen i Chwcoc. Roedd yn ffinio gyda llwyth Sabulon i'r de, a llwyth Asher i'r gorllewin, a Jwda wrth Afon Iorddonen yn y dwyrain.

³⁵Roedd y trefi caerog amddiffynnol yn cynnwys Sidim, Ser, Chamath, Raccath, Cinnereth,

³⁶Adama, Rama, Chatsor,

³⁷Cedesh, Edrei, En-chatsor,

³⁸Iron, Migdal-el, Chorem, Beth-anath, a Beth-shemesh. Roedd ganddyn nhw un deg naw o drefi i gyd, a'r pentrefi o'u cwmpas.

³⁹Dyma'r tir gafodd ei roi i deuluoedd llwyth Nafftali, yn cynnwys y trefi yma i gyd a'r pentrefi o'u cwmpas.

⁴⁰Teuluoedd llwyth Dan gafodd y seithfed ran.

⁴¹Roedd eu tir nhw'n cynnwys Sora, Eshtaol, Ir-shemesh,

⁴²Shaalabin, Aialon, Ithla,

⁴³Elon, Timna, Ecron,

⁴⁴Eltece, Gibbethon, Baalath,

⁴⁵Jehwd, Bene-berac, Gath-rimmon,

⁴⁶Me-iarcon, a Raccon, gan gynnwys y tir o flaen Jopa.

⁴⁷(Ond collodd llwyth Dan y tir gafodd ei roi iddyn nhw, felly dyma nhw'n mynd i'r gogledd ac yn ymosod ar Laish [46]. Dyma nhw'n cymryd y dref drosodd ac yn lladd pawb oedd yn byw yno, a newid enw'r dref i Dan, ar ôl eu hynafiad.)

⁴⁸Dyma'r tir gafodd ei roi i deuluoedd llwyth Dan, yn cynnwys y trefi yma i gyd a'r pentrefi o'u cwmpas.

⁴⁹Ar ôl rhannu'r tir i gyd rhwng y llwythau, dyma bobl Israel yn rhoi darn o dir i Josua fab Nwn.

⁵⁰Roedd yr ARGLWYDD wedi dweud y byddai e'n cael pa dref bynnag oedd e eisiau. Dewisodd Timnath-serach ym mryniau Effraim. Ailadeiladodd y dref, a byw yno.

⁵¹Dyma sut cafodd y tir ei rannu gan Eleasar yr offeiriad, Josua fab Nwn ac arweinwyr llwythau Israel. Cafodd y tir ei rannu drwy fwrw coelbren o flaen yr ARGLWYDD wrth y fynedfa i Babell Presenoldeb Duw yn Seilo. A dyna sut gwnaethon nhw orffen rhannu'r tir.