Read Gobaith i Gymru Josua 21 Bible Online

Josua 21 - Gobaith i Gymru bible

Josua 21

¹Dyma arweinwyr llwyth Lefi yn mynd at Eleasar yr offeiriad, Josua fab Nwn ac arweinwyr llwythau Israel,

²yn Seilo yn Canaan. A dyma nhw'n dweud wrthyn nhw, “Roedd yr ARGLWYDD wedi gorchymyn i Moses roi trefi i ni fyw ynddyn nhw, gyda tir pori o'u cwmpas nhw i'n hanifeiliaid.” [47†]

³Felly, fel roedd yr ARGLWYDD wedi dweud, dyma bobl Israel yn rhoi trefi gyda tir pori o'u cwmpas nhw, i lwyth Lefi:

⁴Y teuluoedd oedd yn ddisgynyddion i Cohath gafodd y rhai cyntaf. Cafodd y Lefiaid oedd yn ddisgynyddion Aaron yr offeiriad un deg tair o drefi o diriogaeth llwythau Jwda, Simeon a Benjamin.

⁵A dyma'r gweddill o ddisgynyddion Cohath yn cael deg tref o diriogaeth llwythau Effraim, Dan a hanner llwyth Manasse.

⁶Cafodd disgynyddion Gershon un deg tair o drefi o diriogaeth llwythau Issachar, Asher, Nafftali, a hanner arall llwyth Manasse yn Bashan.

⁷Cafodd y teuluoedd oedd yn ddisgynyddion i Merari un deg dwy o drefi o diriogaeth Reuben, Gad a Sabulon.

⁸Dyma'r trefi, gyda'u tir pori, wnaeth pobl Israel eu rhoi i lwyth Lefi, fel roedd yr ARGLWYDD wedi gorchymyn i Moses:

⁹O diriogaeth llwythau Jwda a Simeon,

¹⁰y trefi gafodd eu rhoi i deuluoedd Cohath, oedd yn ddisgynyddion i Aaron yr offeiriad — nhw gafodd y rhai cyntaf:

¹¹Ciriath-arba, sef Hebron, ym mryniau Jwda. (Arba oedd hynafiad yr Anaciaid.)

¹²Ond roedd y tir agored a'r pentrefi o'i chwmpas eisoes wedi cael eu rhoi i Caleb fab Jeffwnne.

¹³Felly i ddisgynyddion Aaron yr offeiriad dyma nhw'n rhoi Hebron (oedd yn dref lloches i rywun oedd wedi lladd person arall), Libna,

¹⁴Iattir, Eshtemoa,

¹⁵Cholon, Debir,

¹⁶Ain, Iwtta, a Beth-shemesh, a'r tir pori o gwmpas pob un. Naw o drefi wedi eu cymryd o diriogaeth y ddau lwyth yma.

¹⁷O diriogaeth llwyth Benjamin dyma nhw'n rhoi Gibeon, Geba,

¹⁸Anathoth, ac Almon, a'r tir pori o gwmpas pob un. Pedair o drefi i gyd.

¹⁹Felly cafodd un deg tair o drefi eu rhoi i'r offeiriad, disgynyddion Aaron.

²⁰Cafodd gweddill y teuluoedd oedd yn ddisgynyddion i Cohath (o lwyth Lefi) y trefi canlynol: O diriogaeth llwyth Effraim dyma nhw'n rhoi

²¹Sichem, ym mryniau Effraim (oedd yn dref lloches i rywun oedd wedi lladd person arall), Geser,

²²Cibtsaim, a Beth-choron, a'r tir pori o gwmpas pob un. Pedair o drefi i gyd.

²³O diriogaeth llwyth Dan dyma nhw'n rhoi Eltece, Gibbethon,

²⁴Aialon, a Gath-rimmon, a'r tir pori o gwmpas pob un. Pedair o drefi i gyd.

²⁵O diriogaeth hanner llwyth Manasse dyma nhw'n rhoi Taanach a Jibleam [48], a'r tir pori o'u cwmpas nhw. Dwy dref i gyd.

²⁶Felly cafodd y deg tref yma eu rhoi i weddill y teuluoedd oedd yn ddisgynyddion i Cohath.

²⁷Dyma'r trefi gafodd eu rhoi i deuluoedd disgynyddion Gershon, o lwyth Lefi: O hanner llwyth Manasse dyma nhw'n rhoi Golan yn Bashan (oedd yn dref lloches i rywun oedd wedi lladd person arall) a Beeshtera, a'r tir pori o'u cwmpas nhw. Dwy dref i gyd.

²⁸O diriogaeth llwyth Issachar: Cishon, Daberath,

²⁹Iarmwth, ac En-gannïm, a'r tir pori o gwmpas pob un. Pedair o drefi i gyd.

³⁰O diriogaeth llwyth Asher: Mishal, Abdon,

³¹Helcath, a Rechob, a'r tir pori o gwmpas pob un. Pedair o drefi i gyd.

³²O diriogaeth llwyth Nafftali: Cedesh yn Galilea (oedd yn dref lloches i rywun oedd wedi lladd person arall), Chamath-dor, a Cartan, a'r tir pori o gwmpas pob un. Tair o drefi i gyd.

³³Felly cafodd yr un deg tair tref yma eu rhoi i deuluoedd disgynyddion Gershon.

³⁴Dyma'r trefi gafodd eu rhoi i deuluoedd gweddill llwyth Lefi, sef disgynyddion Merari: O diriogaeth llwyth Sabulon: Jocneam, Carta,

³⁵Dimna, a Nahalal, a'r tir pori o gwmpas pob un. Pedair o drefi i gyd.

³⁶O diriogaeth llwyth Reuben: Betser, Iahats,

³⁷Cedemoth, a Meffaäth, a'r tir pori o gwmpas pob un. Pedair o drefi i gyd.

³⁸O diriogaeth llwyth Gad: Ramoth yn Gilead (oedd yn dref lloches i rywun oedd wedi lladd person arall), Machanaîm,

³⁹Cheshbon, a Iaser, a'r tir pori o gwmpas pob un. Pedair o drefi i gyd.

⁴⁰Felly cafodd yr un deg dwy tref yma eu rhoi i weddill llwyth Lefi, sef disgynyddion Merari.

⁴¹Cafodd pedwar deg wyth o drefi i gyd, gyda'u tir pori, eu rhoi i lwyth Lefi, o fewn tiroedd pobl Israel.

⁴²Roedd tir pori o gwmpas pob un o'r trefi.

⁴³Felly dyma'r ARGLWYDD yn rhoi i bobl Israel yr holl dir roedd wedi ei addo i'w hynafiaid nhw. Dyma nhw'n ei goncro ac yn setlo i lawr i fyw ynddo.

⁴⁴A dyma'r ARGLWYDD yn rhoi heddwch iddyn nhw fel roedd e wedi addo ar lw i'w hynafiaid. Roedd wedi eu helpu i goncro eu gelynion i gyd.

⁴⁵Roedd pob un addewid wnaeth yr ARGLWYDD i bobl Israel wedi dod yn wir.