Read Guarayu MARCOS 8 Bible Online

MARCOS 8 - Guarayu bible

MARCOS 8

¹Ñepëi arɨ pɨpe seta ava oyemboya iri Jesús rese yuvɨreko ndipoi rumo mba'e ikaru agwä, sese oñe'ë gwemimbo'e eta upe aipo e'i:

²— Iparaɨsu katu ko ava yuvɨreko cheu, esepia mbosapɨ arɨ yuvɨrekoi yande pɨri, iyavei ndipoi ete mba'e sembi'urä.

³Amondopase sëtäve sɨepore'ɨ̇ reseve, vɨrovɨapi-api tiëtera tɨepore'ɨ̇ perɨ rupi yuvɨreko viña, esepia seta ava yugweru amombrɨ sui.

⁴Semimbo'e eta omboyevɨ yuvɨreko chupe: — ¿Marä ya'era vo ava to'u mba'e mondo ko'ave, ava pore'ɨ̇save?

⁵Jesús rumo oporandu gwemimbo'e eta upe: — ¿Mbovɨ vo mboyape pe pereko? — Orovɨreko ñuvɨrïo ova mboyape — e'i semimbo'e yuvɨreko chupe.

⁶Evokoiyase pegwapɨ ɨvɨ arɨve e'i ava re'ɨi upe, a'ese oipɨsɨ ñuvɨrïo ova mboyape, avɨye ndeu e'i Tüpä upe, ichui omboya'o-ya'o mboyape imondo gwemimbo'e upe, semimbo'e evokoiyase omondo ava re'ɨi upe, egwë e'i yapo yuvɨreko.

⁷Iyavei vɨreko movɨrö pirami yuvɨreko; Jesús sese avei avɨye ndeu e'i iri Tüpä upe, ipare opa omondo pemboya'o-ya'o e'i gwemimbo'e upe.

⁸Opakatu ite ava okaru va'e i'ɨtarö yuvɨreko, ipare opa omonu'ä sumbɨrer omboapɨpopa ñuvɨrïo ova ɨruova tuprɨ yuvɨreko.

⁹Okaru va'e retakwer a'e cuatro mil tuprɨ. Ipare Jesús avɨye peso tuprɨ e'i ava upe,

¹⁰ipare yuvɨro'a voi ete ɨarusu pɨpe gwemimbo'e eta reseve yuvɨraso Dalmanuta ɨvɨ rese.

¹¹Ipare fariseo eta oyepota Jesús ñe'ë poepɨ-epɨ agwä yuvɨreko. Seko'ä agwä, oporandu ɨva pendar poromondɨisa rese Tüpä sui ete pi'ä ou oya yuvɨreko chupe.

¹²Jesús ipɨtü'ë puku aipo e'i: — ¿Ma'erä vo ko ava oipota ɨva pendar poromondɨisa che rekokwer kwa agwä yuvɨreko? Namboyekwai chietera rumo ñepëi evokoi nungar mba'e peü.

¹³Evokoiyase oseyapa ava oso, ipare yuvɨro'a iri ɨarusu pɨpe osasa ɨpa rovai yuvɨraso.

¹⁴Sesarai aipo mba'e gwembi'urä sui yuvɨreko, ñepëimi tëi mboyape vɨraso ɨarusu pɨpe yuvɨreko.

¹⁵Jesús aipo e'i: — Peikwa katu fariseo mboyape mboapeposa sui Herodes mboyape mboapeposa sui aveino.

¹⁶Semimbo'e eta oñemoñeta ndayarekoi ete mboyape e'i tëi oyeupe yuvɨreko.

¹⁷Jesús oikwa voi ete ipɨ'a ñemoñetasa, sese aipo e'i: — ¿Ma'erä vo mboyape ndorovɨrekoi peye? ¿Ndapeikwa vɨtei vo mba'e che rembiapo agwer? ¿Yavai vɨte tie seroya agwä peü?

¹⁸¿Oime tëi peresa ndapesepiai rumo, iyavei oime tëi penambi ndapesendui rumo mba'e? ¿Ndapeyemoma'endu'a iri vo?

¹⁹Akoi amboya'o-ya'ose poyandepo mboyape sui ava cinco mil va'e to'u, ¿mbovɨ ɨruova vo pemonu'ä sumbɨrer? A'e omboyevɨ yuvɨreko chupe: — Opayandepo yovaive ñuvɨrïo tuprɨ.

²⁰— Iyavei akoi amboya'o-ya'ose ñuvɨrïo ova mboyape sui ava cuatro mil va'e to'u, ¿mbovɨ ɨruova vo pemonu'ä sumbɨrer no? A'e omboyevɨ yuvɨreko: — Ñuvɨrïo ova ɨruova tuprɨ.

²¹Evokoiyase aipo e'i chupe: — ¿Ndapesendukwa vɨtei ete vo ko ñe'ësa?

²²Oyepotase tekwa Betsaida ve yuvɨraso, a'e ramoseve voi gweru ndasesapɨsoi va'e Jesús upe, epokomi tëi sese oya yuvɨreko.

²³Jesús oipopɨsɨ ndasesapɨsoi va'e seraso kokotɨ tekwa sui. A'eve omoakɨ̇ sesa gwendɨ pɨpe, omondo avei opo i'arɨve ipare oporandu chupe eresepia vo mba'e e'i.

²⁴Ndasesapɨsoi va'e oma'ese, aipo e'i: — Asepia ava. Inungar ɨvɨra ogwata va'e yuvɨreko.

²⁵Jesús omondo iri opo sesa rese, ipare a'e mbɨa oma'e tuprɨ iyavei okwera ite. Opakatu mba'e osepia tuprɨ.

²⁶Evokoiyase Jesús omondo sëtäve, aipo e'i chupe: — Ani ereyevɨ iri tekwave.

²⁷Ko ipare, yuvɨraso Jesús gwemimbo'e eta reseve ɨvɨ tekwa Cesarea rupi Filipo ɨvɨ rese. Perɨ rupi, Jesús oporandu gwemimbo'e eta upe: — ¿Marä e'i vo ava oñe'ë yuvɨreko che rese?

²⁸A'e omboyevɨ yuvɨreko chupe: — Amove ava Juan Oporoapirämo va'e e'i yuvɨreko ndeu, ambuae evokoiyase Elías, ambuae Tüpä ñe'ë mombe'usar mboetasa e'i yuvɨreko ndeu.

²⁹Pe aveino, ¿ava ko sekoi peye ru cheu? — e'i oporandu gwemimbo'e upe. Pedro omboyevɨ chupe: — Nde ni'ä Poropɨsɨrösar ereiko.

³⁰Jesús aipo e'i imondopa pemombe'ui rene ñepëi ava upe.

³¹Jesús omboɨpɨ oporombo'e che ava ɨvate katu va'e Ra'ɨrɨ che paraɨsu itera, iyavei opakatu judío rerekwareta, pa'i rerekwar ɨvate katu va'e iyavei Moisés porokwaita rese oporombo'e va'e remiamotare'ɨ̇. A'e avei che yuka ukara yuvɨreko, akwerayevɨra rumo mbosapɨ arɨ rupi.

³²A'e omboyekwa tuprɨ ite chupe. Evokoiyase Pedro vɨraso kokotɨmi chupe oñe'ëgäta agwä.

³³Oyemboyere rumo, oma'e gwemimbo'e eta rese, oñe'ëgäta Pedro upe aipo e'i: — ¡Esɨrɨ che sui, Karugwar! Esepia nde nandepɨ'añemoñetai mba'e Tüpä upendar rese; ava nungar tëi nde pɨ'añemoñeta eiko.

³⁴Ipare Jesús, oñe'ë gwemimbo'e eta upe iyavei ambuae ava upe aipo e'i: — Akoi ava ogwata pota va'e che rupi, topoi mba'e gwemimbotar tëi aposa sui, iyavei inungar-ra kurusu rese ovosɨira viña, toyemoigätu voi che rekokwer rese oparaɨsu agwä iyavei togwata tuprɨ che rupi.

³⁵Esepia akoi ava gwetekwer tëi raɨsupar, okañɨ tëietera; akoi ava omokañɨ tëi va'e rumo gwetekwer che rekokwer rese ñe'ësa ñepɨsɨrösa sui avei, a'e oñepɨsɨröra.

³⁶¿Avɨyeai anga'u pi'ä ava upe opakatu mba'e ɨvɨ pɨpendar pɨsɨ agwä tëi, a'e ae tëi omokañɨ gwekokwer ipɨpe yuvɨreko?

³⁷Anise, ¿mbovɨ pi'ä omondora ava gwekokwer repɨrä viña?

³⁸Esepia akoi ava yuvɨnochiai va'e che sui iyavei che ñe'ëngagwer sui ava angaipa viyar ndaseko tuprɨi va'e rovai, che avei ava ɨvate katu va'e Ra'ɨrɨ, egwë a'era akoi ayevɨse che Ru reko pirätä porañetesa pɨpe, sembigwai re'ɨi ɨva pendar maräne'ɨ̇ reseve kuri.