Read Guarayu 2 TESALONICENSES 3 Bible Online

2 TESALONICENSES 3 - Guarayu bible

2 TESALONICENSES 3

¹Che rɨvrɨ eta, ko mba'e ipa va'e amombe'u pota peü, peyerure katu ore rese, evokoiyase toyepota pɨ'aivi yande Yar ñe'ëngagwer opakatu rupi, tipɨsɨsa tuprɨ imboeteisa pɨpe inungar oyepota pe pa'üve.

²Peyerure avei ore repɨ agwä rese ava ndasekoporäi va'e, ipɨ'a ñemoñeta rai va'e sui, esepia ni'ä ndaopakatui Tüpä rese ipɨ'añemoñeta yuvɨreko.

³Yande Yar rumo seko ɨ̇vi va'e, a'e pe rekokwer movɨräkwära iyavei peräröra mba'e tëi sui.

⁴Iyavei oroyeroya ite yande Yar rese mba'e pe rembiapo agwer rese peyapo vɨteño va'erä avei akoi pe kwaisa agwer rese.

⁵Yande Yar tape pɨtɨ̇vɨï pe poroaɨsu agwä inungar Tüpä oporoaɨsu, iyavei perekora Cristo pirätäsa pe paraɨsusa pa'üve.

⁶Che rɨvrɨ eta, pekwaisa yande Yar Jesucristo rer pɨpe, akoi ndoporavɨkɨ potai va'e yande rɨvrɨ pe pa'üve peyepepɨño ichui, akoi ndovɨroya potai va'e avei ore porombo'esa oromombe'u va'e peü.

⁷Peikwa marä peyera ore rekokwer moña agwä peiko: ore oroikose pe pa'üve ndorereko maräi ete,

⁸ndoro'u tëi avei ambuae ava rembi'u imboepɨre'ɨ̇prɨ. Ore rumo oroporavɨkɨ iyavei orekwerai arɨ pɨ̇tü reseve ambuae ava mañeko tëi e'ɨ̇ agwä.

⁹Iya ite ni'ä mba'e rese porandu agwä peü ore pɨtɨ̇vɨï agwä rese viña; ore rumo oroporavɨkɨ pe ore rekokwer rupi pe gwata agwä rese.

¹⁰Iyavei oroiko vɨtese pe pa'üve oromondo ko pe kwaitarä: Akoi ndoporavɨkɨ potai va'e, a'e tokaru eme.

¹¹Oroyandu avei pe pa'ü pendar yuvɨrekoiño tëi va'e ndoporavɨkɨi va'e avei, evokoi omañeko tëi ambuae ava rekokwer yuvɨreko.

¹²Ore oromondo akoi ava upe mborokwaita yande Yar Jesucristo rer pɨpe, oporavɨkɨ tuprɨ agwä iyavei oipɨsɨ va'erä mba'e gwekove agwä yuvɨreko.

¹³Che rɨvrɨ eta, pekwerai rene mba'e avɨye va'e apo agwä.

¹⁴Akoi oimese ndovɨroyai va'e ore remimombe'u ko kwachiar pɨpe, peikwa tuprɨ evokoi nungar, peyemboyai rene sese, ipɨpe sui tochï a'e oiko.

¹⁵Pereko eme katu yamotare'ɨ̇sa pɨpe, iyakatu rumo pemboarakwa katuñora inungar yande rɨvrɨ.

¹⁶Avɨye yande Yar upe, a'e tombou gweko tuprɨsa pe reko tuprɨ agwä peü, arɨ yakatu rupi opakatu pe reko pɨpe. Iyavei yande Yar tasekoi arɨ rupi pe rese.

¹⁷Che Pablo, aikwachia ko ma'endu'asa che po pɨpe ite peü. Egwë e'i che rembikwachia ikwaprɨ opakatu che kwachiar pɨpe.

¹⁸Yande Yar Jesucristo taperovasa opakatu pe rereko yepi.