Read Guarayu 1 TIMOTEO 1 Bible Online

1 TIMOTEO 1 - Guarayu bible

1 TIMOTEO 1

¹Che Pablo, Cristo Jesús ñe'ë mombe'usar aiko, imbouprɨ Tüpä remimbotar rupi iyavei yande Pɨsɨrösar Cristo Jesús porokwaita rupi, a'e ni'ä yande remiarö sekoi,

²amondo ndeu che avɨravesa che ra'ɨrɨ Timoteo, Tüpä reroyasa pɨpe tombou yande Ru Tüpä, yande Yar Cristo Jesús oporovasasa, oporoparaɨsuerekosa nde reko tuprɨ agwä ndeu.

³Iyavei akoi aipo a'e ndeu che so agwä renonde Macedonia ve, nde epɨta ko tekwa Éfeso ve, eremboarakwara ko ava kokotɨ tëi oporomboarakwa va'e, toporomboarakwa eme pɨ'a ñemoñetasa kokotɨ-kotɨ tëi va'e rese yuvɨreko

⁴toyapɨsaka eme avei tekokwer ipapaprɨ tëi va'e rese, tekokwer araka'endar egwë e'i tëi va'e rese avei. A'e ichui osë yeakasa naporäi va'e yepi; ndayande pɨtɨ̇vɨï rumo Tüpä remimbotar reroya tuprɨ agwä rese.

⁵Sese ko amondo porokwaita ndeu yande yeaɨsu agwä yande pɨ'añemoñeta katuprɨsa pɨpe, yande reko yapɨsaka tuprɨsave, iyavei yande yeroyasa supiete va'e pɨpe.

⁶Esepia oime ava ichui oyearakwa mokañɨ oñe'ë-ñe'ë tëisa pɨpe yuvɨreko.

⁷Porombo'esar yuvɨrekoi pota tëi Tüpä porokwaita rese, ndosendukwai rumo oporombo'esa yuvɨreko, supi tuprɨ revo yaporombo'e e'i tëi yuvɨreko viña.

⁸Yaikwa ni'ä ko porokwaita avɨyeai ete, yaiporuse mba'e avɨye va'e apo agwä rese.

⁹Yaikwa avei akoi porokwaita nda'ei ava avɨye va'e upe narä. A'e rumo ndiporeroyai va'e mboarakwa agwä, ndayarakwa potai va'e upe narä, angaipa viyar upe narä avei, opakatu mba'e-mba'e tëi aposar upe narä avei, nomboetei va'e Tüpä iyavei chupendar pɨ'a ñemoñetasa; akoi vu, osɨ oyuka va'e; opakatu ava oporapichi va'e upendar,

¹⁰akoi oyemboagwasa tëi va'e, iyavei kuimba'e ambuae kuimba'e rese oyapo va'e mba'e, iyavei akoi vɨrokwa tëi va'e mbigwai ambuae ava sui, semiräñeteai va'e; iyavei akoi che amombe'u mba'e supiete va'e e'i tëi anga'u va'e, chupe narä ite ko porokwaita, imondosa avei opakatu porombo'esa nimaräi va'e amotare'ɨ̇sar upe narä.

¹¹Ko porombo'esa nimaräi va'e oyoya tuprɨ ñe'ësa porañete va'e poropɨsɨrösa rese. Tüpä sovasaprɨ sekoi, a'e che kwai va'e sese.

¹²Avɨye ndeu a'e yande Yar Jesucristo upe, a'e ni'ä ombou pirätäsa ko che ñe'ë agwä, esepia a'e oyeroya che rese sese che mondo oñe'ëngagwer mombe'u agwä,

¹³yepe che yɨpɨndar che ñe'ë-ñe'ë tëi sese; aseka-sekaño mba'e-mba'e tëi che rembiapogwä yamotare'ɨ̇mbave che yemboɨvateaisa pɨpe, Tüpä rumo che paraɨsuereko, esepia che a'ese nda'e vɨtei Cristo reroyasar aiko, iyavei ndaikwai mba'e ayapo va'e.

¹⁴Egwë e'i yande Yar ombou katu oporovasasa che rese, iyavei ombou che oyese yeroya agwä iyavei che poroaɨsu agwä Cristo Jesús rese che rekosa pɨpe.

¹⁵Iya peroya ko supiete va'e, che aipota avei opakatu oyapɨsakara yuvɨreko sese: Cristo Jesús ou ko ɨvɨ pɨpe ava yangaipa va'e pɨsɨrö agwä, che rumo yɨpɨndar aiko va'e ipa'üve.

¹⁶Sese Tüpä che paraɨsuereko, che rese rane Jesucristo reko mbegwe tuprɨsa mboyekwa agwä. Egwë e'i che rekokwer upe ambuae ava seroya agwä, ipɨpe sui osupitɨra tekovesa apɨre'ɨ̇ va'e yuvɨreko.

¹⁷¡Sese yamondo imboeteisa apɨre'ɨ̇ yande Rerekwar ɨvate katu ndopai va'e upe a'e nomanoi va'e, ndayasepiai va'e, a'e ñepëi va'e Tüpä! Amén.

¹⁸Che ra'ɨrɨ Timoteo, ko amondo nde kwaitära nde reko movɨräkwä agwä mba'e tëi rekopɨ agwä Cristo rese nde yeroyasa pɨpe nde pɨ'a ñemoñeta katuprɨsa pɨpe avei, supi tuprɨ Tüpä reroyasar oñe'ë yuvɨreko nde rese serer pɨpe. Amove ava opɨ'añemoñeta tuprɨ reroya e'ɨ̇save, omokañɨ uka Tüpä rese oyeroyasa.

²⁰Inungar va'e Himeneo iyavei Alejandro, a'e che amondo Karugwar povrɨve evokoiyase toikwa tiñe'ë-ñe'ë tëi eme Tüpä upe yamotare'ɨ̇save yuvɨreko che yapave.