Gujarati Common Language Bible - પવિત્ર બાઇબલ C.L. bible online

ગીતશાસ્ત્ર 119

¹ [1] પ્રભુના નિયમ અનુસાર વર્તી નિષ્કલંક જીવન જીવનારાઓને ધન્ય છે.

²ઈશ્વરનાં સાક્ષ્યવચનો પાળનારાઓને તથા સંપૂર્ણ દયથી તેમની શોધ કરનારાઓને ધન્ય છે.

³તેઓ કદી દુરાચાર આચરતા નથી; પરંતુ તેઓ ઈશ્વરના માર્ગમાં ચાલે છે.

⁴તમે જ અમને તમારા આદેશો ખંતથી પાળવાનું ફરમાવ્યું છે.

⁵તમારાં ફરમાનોનું પાલન કરવા મારું આચરણ દઢ થાય તો કેવું સારું!

⁶જો હું તમારી સર્વ આજ્ઞાઓ ધ્યાનમાં રાખું તો હું કદી લજ્જિત થઈશ નહિ.

⁷હું તમારાં ધારાધોરણો સમજીશ, ત્યારે હું નિખાલસ દયથી તમારો આભાર માનીશ.

⁸હું તમારાં ફરમાન પાળીશ; તમે કદી મારો ત્યાગ કરશો નહિ.

⁹યુવાન માણસ પોતાનું આચરણ કેવી રીતે શુદ્ધ રાખી શકે? તમારા બોધ પ્રમાણે વર્તવાથી.

¹⁰હું મારા સંપૂર્ણ દયથી તમને શોધું છું; તમારી આજ્ઞાઓનું પાલન ચૂકીને મને ભટકવા ન દેશો.

¹¹હું તમારી વિરુદ્ધ પાપ ન કરું તે માટે મેં તમારો સંદેશ મારા હૃદયમાં સંઘરી રાખ્યો છે. [2]

¹²હે પ્રભુ, એકમાત્ર તમે જ સ્તુતિપાત્ર છો; તમારાં ફરમાનો મને શીખવો.

¹³તમારા મુખનાં સર્વ ચુકાદા હું મારા હોઠોથી મુખપાઠ કરીશ.

¹⁴પુષ્કળ સંપત્તિમાં રાચવા કરતાં તમારાં નિયમનોનાં અનુસરણમાં મને વધુ આનંદ મળે છે.

¹⁵હું તમારા આદેશોનું મનન કરીશ, અને મારી દષ્ટિ સદા તમારા માર્ગો પર રાખીશ.

¹⁶તમારાં ફરમાનોથી હું પ્રસન્‍ન થાઉં છું; હું તમારા શિક્ષણને વીસરીશ નહિ.

¹⁷આ તમારા સેવક સાથે ઉદારતાથી વર્તો, જેથી હું જીવતો રહું અને તમારા શિક્ષણને અનુસરું.

¹⁸તમારા નિયમશાસ્ત્રમાંનાં અજાયબ સત્યો સમજવા માટે મારી આંખો ઉઘાડો.

¹⁹હું તો આ પૃથ્વી પર પ્રવાસી છું; તમારી આજ્ઞાઓ મારાથી સંતાડશો નહિ.

²⁰તમારાં ધારાધોરણો માટે મારો પ્રાણ હરહમેશ તીવ્ર ઝંખનામાં ઝૂર્યા કરે છે.

²¹તમે ગર્વિષ્ઠોને ધમકાવો છો, અને તમારી આજ્ઞાઓથી ભટકી જનારા શાપિત છે.

²²તેમની નિંદા અને અપમાનો મારાથી દૂર કરો, કારણ, હું તમારાં સાક્ષ્યવચનોનું પાલન કરું છું.

²³ભ્રષ્ટ શાસકો ભલે મારી વિરુદ્ધ એકત્ર થઈ કાવતરાં ઘડે, તોપણ તમારો આ સેવક તમારા આદેશોનું મનન કરશે.

²⁴તમારા આદેશો મારો આનંદ છે; તેઓ મારા સલાહકારો છે.

²⁵હું મૃત્યુને આરે આવી પડયો છું; તમારાં કથન પ્રમાણે મને જીવંત રાખો.

²⁶મેં મારું આચરણ તમારી સમક્ષ કબૂલ્યું અને તમે મને ઉત્તર આપ્યો; હવે તમારાં ફરમાન મને શીખવો.

²⁷મને તમારા આદેશોનો અર્થ સમજાવો, એટલે હું તમારાં અજાયબ કાર્યોનું મનન કરીશ.

²⁸મારો પ્રાણ શોકને લીધે પીગળી જાય છે; તમારા શિક્ષણ પ્રમાણે મને શક્તિ આપો.

²⁹અસત્યનો માર્ગ મારાથી દૂર રાખો, કૃપા કરી મને તમારો નિયમ શીખવો.

³⁰મેં સાચો માર્ગ પસંદ કર્યો છે; મેં તમારાં ધારાધોરણો મારી સમક્ષ રાખ્યાં છે.

³¹હે પ્રભુ, હું તમારા હુકમોને વળગી રહ્યો છું; મને લજ્જિત થવા દેશો નહિ.

³²હું તમારી આજ્ઞાઓના માર્ગમાં દોડીશ કારણ, તમે મારી સમજ વધારતા જાઓ છો.

³³હે પ્રભુ, મને, તમારાં ફરમાનોનો અર્થ શીખવો, અને હું તેમને અંત સુધી પાળીશ.

³⁴તમારું નિયમશાસ્ત્ર મને સમજાવો એટલે હું તેનું પાલન કરીશ, મારા સંપૂર્ણ દયથી હું તેને અનુસરીશ.

³⁵તમારી આજ્ઞાઓના માર્ગમાં મને દોરી જાઓ; કારણ, તેમાં જ મને આનંદ મળે છે.

³⁶મારા દયને ધનદોલતના લોભ પ્રત્યે નહિ, પરંતુ તમારાં સાક્ષ્યવચનો તરફ વાળો.

³⁷મારી દષ્ટિ વ્યર્થ મૂર્તિઓ તરફ ફરતી અટકાવો, અને તમારા શિક્ષણ વડે મને જીવન બક્ષો

³⁸તમારા ભક્તો માટેની તમારી પ્રતિજ્ઞા તમારા આ સેવક માટે પણ પૂર્ણ કરો.

³⁹તમારાં ધારાધોરણો શ્રેષ્ઠ છે; તે વડે મારાથી ભયજનક અપમાનો દૂર કરો.

⁴⁰જુઓ, હું તમારા આદેશોની તીવ્ર અભિલાષા રાખું છું, તમારી ઉદ્ધારક શક્તિથી મને નવું જીવન આપો.

⁴¹હે પ્રભુ, મારા પર તમારો પ્રેમ દર્શાવો, અને તમારા વચન પ્રમાણે મારો ઉદ્ધાર કરો.

⁴²તેથી હું મારી નિંદા કરનારાઓને જવાબ આપી શકીશ; કારણ, હું તમારા બોધ પર ભરોસો રાખું છું.

⁴³મારા મુખમાંથી તમારાં સત્ય કથન લઈ ન લો; કારણ, હું તમારાં ધારાધોરણોની આશા રાખું છું.

⁴⁴હું સદાસર્વદા તમારો નિયમ નિરંતર પાળીશ.

⁴⁵હું સંપૂર્ણ સ્વાતંયમાં જીવન જીવીશ; કારણ, મેં તમારા આદેશો ખંતથી શોયા છે.

⁴⁶હું રાજાઓ સમક્ષ તમારાં સાક્ષ્યવચનો પ્રસિદ્ધ કરીશ, અને હું શરમાઈશ નહિ.

⁴⁷હું તમારી આજ્ઞાઓથી આનંદ પામું છું; કારણ, હું તેમને સાચા દયથી ચાહું છું.

⁴⁸હું હાથ જોડીને તમારી આજ્ઞાઓનું સન્માન કરું છું અને તેમને ચાહું છું; હું તમારા આદેશોનું મનન કરીશ.

⁴⁹તમારી જે પ્રતિજ્ઞાથી તમે મને આશા બંધાવી છે, તેને તમારા આ સેવકના હક્કમાં સંભારો.

⁵⁰તમારું શિક્ષણ મને નવું જીવન બક્ષે છે; મારી વિપત્તિમાં એ જ મારું સાંત્વન છે.

⁵¹ગર્વિષ્ઠ જનો મારો સતત ઉપહાસ કરે છે, છતાં હું તમારા નિયમથી વિમુખ થયો નથી.

⁵²જ્યારે હું તમારાં ચિરકાલીન ધારાધોરણો યાદ કરું છું, ત્યારે હે પ્રભુ, મને સાંત્વન મળે છે.

⁵³તમારા નિયમનો ત્યાગ કરનાર દુષ્ટોને જોઈને મને ઝનૂન ચડે છે.

⁵⁴મારી આ જીવનયાત્રામાં તમારાં ફરમાન મારાં ગીત બન્યાં છે.

⁵⁵હે પ્રભુ, હું રાત્રે પણ તમારા નામનું સ્મરણ કરું છું, અને તમારા નિયમનું પાલન કરું છું.

⁵⁶હું તમારા આદેશો પાળું છું, એ જ મારી દિનચર્યા છે.

⁵⁷હે પ્રભુ, તમે મારે માટે વારસાના હિસ્સા જેવા છો; મેં કહ્યું છે તેમ હું તમારાં કથનોનું પાલન કરીશ.

⁵⁸હું મારા સંપૂર્ણ દયથી તમારી કૃપા યાચું છું; તમારાં વચન પ્રમાણે મારા પર અનુકંપા દર્શાવો.

⁵⁹જ્યારે મેં મારા વર્તન વિષે વિચાર કર્યો, ત્યારે હું તમારાં સાક્ષ્યવચનો પ્રતિ વળ્યો છું.

⁶⁰તમારી આજ્ઞાઓ પાળવામાં મેં તત્પરતા દાખવી છે, અને કદી વિલંબ કર્યો નથી.

⁶¹જો કે દુષ્ટોના ફાંદાઓ મને ફસાવે તોપણ હું તમારા નિયમને વીસરતો નથી.

⁶²તમારા નેક ધારાધોરણોને લીધે હું મધરાતે ઊઠીને તમારો આભાર માનીશ.

⁶³તમારા આદેશોનું પાલન કરનાર તમારા સર્વ ભક્તોનો હું સાથી છું.

⁶⁴હે પ્રભુ, તમારા પ્રેમથી પૃથ્વી ભરપૂર છે; મને તમારાં સાક્ષ્યવચનો શીખવો.

⁶⁵હે પ્રભુ, તમારા વચન પ્રમાણે તમે તમારા આ સેવક પર ભલાઈ દર્શાવી છે.

⁶⁶મને વિવેકબુદ્ધિ અને જ્ઞાન શીખવો. કારણ, મેં તમારી આજ્ઞાઓ પર ભરોસો રાખ્યો છે.

⁶⁷શિક્ષા પામ્યા પહેલાં હું ભટકી ગયો હતો, પરંતુ હવે તમારા શિક્ષણનું પાલન કરું છું.

⁶⁸તમે ભલા છો અને ભલાઈ આચરો છો મને તમારાં ફરમાનો શીખવો.

⁶⁹ગર્વિષ્ઠો મારા પર જૂઠાં આળ મૂકે છે. પરંતુ હું સંપૂર્ણ દયથી તમારા આદેશો પાળું છું.

⁷⁰તેમનાં હૃદયો નિષ્ઠુર અને લાગણીહીન છે, પરંતુ હું તમારા નિયમમાં આનંદ માણું છું.

⁷¹મને પડેલું દુ:ખ મારે માટે ગુણકારક થઈ પડયું; તેથી હું તમારાં ફરમાનો શીખ્યો.

⁷²સોનાચાંદીના લાખો સિકાકાઓ કરતાં તમારા મુખે પ્રગટેલો નિયમ મારે માટે વધુ મૂલ્યવાન છે.

⁷³તમારા જ હાથોએ મને સર્જીને ધરી રાખ્યો છે; તમારી આજ્ઞાઓ શીખવા માટે મને સમજ આપો.

⁷⁴તમારા ભક્તો મને જોઈને આનંદિત થશે; કારણ, મેં તમારા શિક્ષણ પર ભરોસો રાખ્યો છે.

⁷⁵હે પ્રભુ, તમારા ચુકાદા અદલ છે; હું જાણું છું કે તમારા વિશ્વાસુપણામાં જ તમે મને દુ:ખી કર્યો છે.

⁷⁶તમારા આ સેવકને આપેલા તમારા વચન પ્રમાણે તમારો પ્રેમ મને સાંત્વન પમાડો.

⁷⁷હું જીવતો રહું તે માટે મારા પર તમારી દયા દર્શાવો; કારણ, તમારા નિયમમાં જ હું આનંદ માણું છું.

⁷⁸મારા પર જૂઠા આરોપો મૂકનાર ગર્વિષ્ઠો લજ્જિત બનો, પરંતુ હું તમારા આદેશોનું મનન કરીશ.

⁷⁹તમારા ભક્તો મારા પ્રતિ ફરો, જેથી તેઓ તમારા આદેશો જાણી શકે.

⁸⁰હું તમારાં ફરમાનો સંપૂર્ણ દયથી પાળીશ; જેથી મારે શરમાવું ન પડે.

⁸¹તમારા ઉદ્ધાર માટે મારો પ્રાણ ઝૂરે છે; હું તમારા બોધની આશા રાખું છું.

⁸²“તમે મને ક્યારે સાંત્વન દેશો?” એમ કહેતાં કહેતાં મારી આંખોય તમારા વચનની પ્રતીક્ષામાં ઝાંખી પડી છે.

⁸³હું ધૂમાડાથી બગડેલી મશક જેવો બિનઉપયોગી બન્યો છું છતાં હું તમારાં ફરમાનો વિસરતો નથી.

⁸⁴તમારા આ સેવકના આયુષ્યના કેટલા દિવસો શેષ છે? મને સતાવનારાઓને તમે ક્યારે સજા કરશો?

⁸⁵તમારા નિયમનો અનાદર કરનાર ગર્વિષ્ઠોએ મને સપડાવવા ખાડા ખોદ્યા છે.

⁸⁶તમારી સર્વ આજ્ઞાઓ વિશ્વાસનીય છે; પણ જૂઠાણાં વડે તેઓ મને સતાવે છે, માટે મને સહાય કરો.

⁸⁷તેમણે મને પૃથ્વી પરથી લગભગ નષ્ટપ્રાય કરી દીધો હતો; તો પણ મેં તમારા આદેશોનો ત્યાગ કર્યો નથી.

⁸⁸તમારા અવિચળ પ્રેમને લીધે મારા જીવનનું રક્ષણ કરો; જેથી હું તમારા મુખનાં સાક્ષ્યવચનો પાળી શકું.

⁸⁹હે પ્રભુ, તમારો સંદેશ સર્વકાલીન છે; તે આકાશમાં અચળ છે.

⁹⁰તમે તમારા લોક પ્રત્યે પેઢી દર પેઢી વિશ્વાસુ રહો છો. તમે પૃથ્વીને તેની ભ્રમણકક્ષામાં સ્થાપી છે અને તેમાં તે જળવાઈ રહે છે.

⁹¹તમારા ક્રમ પ્રમાણે સૃષ્ટિ આજ દિન સુધી ટકી રહી છે; કારણ, તે તમને આજ્ઞાધીન છે.

⁹²મેં તમારા નિયમમાં આનંદ માણ્યો ન હોત, તો હું સતાવણીમાં જ મૃત્યુ પામ્યો હોત.

⁹³હું તમારા આદેશો કદી વીસરીશ નહિ; કારણ, તેમના દ્વારા તમે મને જીવતો રાખ્યો છે.

⁹⁴હું તમારો જ છું, મને ઉગારો; મેં તમારા આદેશો અનુસરવાનો યત્ન કર્યો છે.

⁹⁵દુષ્ટો મારો નાશ કરવા લાગ શોધે છે, પરંતુ હું તમારાં સાક્ષ્યવચનોનું પાલન કરીશ.

⁹⁶મેં જોયું છે કે સર્વ બાબતોને સીમા હોય છે, પરંતુ તમારી આજ્ઞાઓ અસીમ છે.

⁹⁷હું તમારા નિયમશાસ્ત્ર પર કેટલો પ્રેમ રાખું છું! આખો દિવસ હું તેનું જ મનન કરું છું.

⁹⁸તમારી આજ્ઞાઓ સદા મારી સાથે છે; તે મને મારા શત્રુઓ કરતાં વિશેષ જ્ઞાની બનાવે છે.

⁹⁹હું તમારાં સાક્ષ્યવચનોનું અયયન કરું છું, તેથી મારા સર્વ શિક્ષકો કરતાં મારામાં વધુ સમજ છે.

¹⁰⁰હું તમારા આદેશો પાળું છું. તેથી વૃદ્ધો કરતાં હું વિશેષ સમજુ છું.

¹⁰¹હું તમારું શિક્ષણ પાળવા ચાહું છું; તેથી મારા પગને પ્રત્યેક ભૂંડા માર્ગથી દૂર રાખું છું.

¹⁰²તમે પોતે જ મારા શિક્ષક છો, તેથી મેં તમારાં ધારાધોરણોનો ત્યાગ કર્યો નથી.

¹⁰³મારી રુચિને તમારા શબ્દો કેટલા મીઠા લાગે છે! તે મારી જીભને મધ કરતાં વધુ મીઠા લાગે છે.

¹⁰⁴તમારા આદેશોથી મને સમજણ મળે છે; તેથી હું પ્રત્યેક જૂઠા માર્ગને ધિક્કારું છું.

¹⁰⁵તમારો બોધ મારા પગ માટે માર્ગદર્શક દીવો છે; તે મારો માર્ગ અજવાળનાર પ્રકાશ છે.

¹⁰⁶તમારાં નેક ધારાધોરણ અનુસરવા મેં ગંભીર પ્રતિજ્ઞા લીધી છે; તે પાળવા હું ખંતથી યત્ન કરીશ.

¹⁰⁷મારા પર ભારે અત્યાચાર થઈ રહ્યો છે; માટે હે પ્રભુ, તમારા આપેલા વચન પ્રમાણે મને જીવંત રાખો.

¹⁰⁸હે પ્રભુ, સ્વેચ્છાપૂર્વક અપાયેલ મારા મુખનાં સ્તુત્યાર્પણ સ્વીકારો, અને તમારાં ધારાધોરણ મને શીખવો.

¹⁰⁹હું સદા જોખમનો સામનો કરું છું, છતાં તમારા નિયમને વીસરતો નથી.

¹¹⁰દુષ્ટોએ મારે માટે જાળ બિછાવી છે; પરંતુ હું તમારા આદેશોથી ભટકી ગયો નથી.

¹¹¹તમારા આદેશો મારો સાર્વકાલિક વારસો છે; તે મારા દયને આનંદ આપે છે.

¹¹²તમારા આદેશો પાળવા તરફ મેં મારું મન વાળ્યું છે; તેઓ તો સદાનો અફર પુરસ્કાર છે.

¹¹³હું બેવડું બોલનારને ધિક્કારું છું; પરંતુ હું તમારા નિયમ પર પ્રેમ રાખું છું.

¹¹⁴તમે મારા આશ્રય અને સંરક્ષક ઢાલ છો; હું તમારું કથન પૂર્ણ થવાની આશા રાખું છું

¹¹⁵હે દુરાચારીઓ, મારાથી દૂર હટો; જેથી હું મારા ઈશ્વરની આજ્ઞાઓ પાળી શકું.

¹¹⁶હું જીવતો રહું માટે મને તમારા વચન પ્રમાણે આધાર આપો; ઉદ્ધાર માટેની મારી આશા વિષે મને નિરાશ કરશો નહિ.

¹¹⁷મને ટેકો આપો, જેથી હું સલામત રહું; હું તમારાં ફરમાનો પર સતત ધ્યાન દઈશ.

¹¹⁸તમારાં ફરમાનોથી ભટકી જનારને તમે ધિક્કારો છો; કારણ, કપટી યોજનાઓથી તેઓ જૂઠને ઢાંકે છે. [3]

¹¹⁹તમારી દષ્ટિમાં પૃથ્વીના બધા દુષ્ટો કચરા સમાન છે, તેથી હું તમારા આદેશો પર પ્રેમ રાખું છું.

¹²⁰તમારી ધાકધમકીથી મારું શરીર થરથરે છે, અને તમારા ચુકાદાથી હું ડરું છું.

¹²¹મેં ઇન્સાફ અને નેકીનાં કાર્યો કર્યાં છે; તેથી મને જુલમગારોના કબજામાં તજી દેશો નહિ.

¹²²તમારા આ સેવકના કલ્યાણ માટે તેમના જામીન બનો, અને ગર્વિષ્ઠોને મારા પર જુલમ કરવા ન દો.

¹²³તમારા ઉદ્ધારની અને તમારું વચન પૂર્ણ થવાની પ્રતીક્ષામાં મારી આંખોય ઝાંખી પડી છે.

¹²⁴તમારા આ સેવક સાથે તમારા પ્રેમ પ્રમાણે વર્તો, તમારાં ફરમાન મને શીખવો.

¹²⁵હું તમારો સેવક છું; મને સમજ આપો; જેથી હું તમારા આદેશો સમજી શકું.

¹²⁶હે પ્રભુ, તમારે કાર્યશીલ થવાનો આ સમય છે; કારણ, લોકો તમારો નિયમ પાળતા નથી.

¹²⁷હે ઈશ્વર, સુવર્ણ અને શુદ્ધ સુવર્ણ કરતાં તમારી આજ્ઞાઓ પર હું અધિક પ્રેમ રાખું છું.

¹²⁸તેથી હું તમારા સર્વ આદેશો અનુસરું છું, અને હું જૂઠા માર્ગોને ધિક્કારું છું.

¹²⁹તમારાં સાક્ષ્યવચનો અદ્‍ભુત છે; તેથી હું તેમને અનુસરું છું.

¹³⁰તમારા શિક્ષણની સમજૂતી પ્રકાશ આપે છે; તે અબુધને સમજણ આપે છે.

¹³¹તમારી આજ્ઞાઓની તીવ્ર અભિલાષામાં હું ઉઘાડે મુખે તલપું છું.

¹³²તમારા નામ પર પ્રેમ રાખનાર સાથે તમે જે રીતે વર્તો છો તેમ તમે મારા તરફ ફરો અને મારા પર કૃપા કરો.

¹³³તમારા વચન વડે મારાં પગલાં સ્થિર કરો, અને કોઈ દુરાચારને મારા પર અધિકાર ભોગવવા ન દો.

¹³⁴માણસોના જુલમથી મને ઉગારો; જેથી હું તમારા આદેશો પાળી શકું.

¹³⁵તમારા આ સેવક પર તમારા મુખનો પ્રકાશ પાડો અને તમારાં ફરમાનો મને શીખવો.

¹³⁶માણસો તમારા નિયમ પાળતા નથી, તેથી મારી આંખોમાંથી ચોધાર આંસુ વહે છે.

¹³⁷હે પ્રભુ, તમે ન્યાયી છો; તમારા ચુકાદા સાચા છે.

¹³⁸જે સાક્ષ્યવચનો તમે ફરમાવ્યાં છે તે યથાર્થ અને સંપૂર્ણ વિશ્વસનીય છે.

¹³⁹મારા શત્રુઓ તમારું શિક્ષણ વીસરી ગયા છે, તેથી ઝનૂનની જલન મને ખાક કરે છે.

¹⁴⁰તમારાં વચનો સંપૂર્ણ રીતે પરખાયેલાં છે. તમારો આ સેવક તેમના પર પ્રેમ રાખે છે.

¹⁴¹હું વિસાત વિનાનો અને ધિક્કાર પામેલો છું; છતાં હું તમારા આદેશો ભૂલી જતો નથી.

¹⁴²તમારી નેકી સાર્વકાલિક છે; તમારો નિયમ સત્ય છે.

¹⁴³જો કે સંકટ અને વેદનાથી હું વ્યથિત છું, છતાં તમારી આજ્ઞાઓમાં આનંદ પામું છું,

¹⁴⁴તમારાં સાક્ષ્યવચનો સર્વકાળ ન્યાયયુક્ત છે; મને સમજ આપો; જેથી હું જીવતો રહું.

¹⁴⁵હું સંપૂર્ણ દયથી તમને પોકારું છું; હે પ્રભુ, મને ઉત્તર આપો; હું તમારાં ફરમાનો પાળીશ.

¹⁴⁶હું તમને પોકારું છું, મને ઉગારો; એટલે, હું તમારા આદેશો પાળીશ.

¹⁴⁷પ્રભાત થયા પહેલાં ઊઠીને મેં તમને અરજ કરી; કારણ, હું તમારું કથન પૂર્ણ થવાની આશા રાખું છું.

¹⁴⁸રાત્રિના પ્રહરોમાં પણ મારી આંખો તમારા આદેશોનું મનન કરવા જાગી જાય છે.

¹⁴⁹તમારા પ્રેમને લીધે મારો સાદ સાંભળો; હે પ્રભુ, તમારા ન્યાયસંગત ચુકાદાથી મને જીવન બક્ષો.

¹⁵⁰મારો પીછો કરનાર કપટી જુલમગારો મારી નજીક આવી ગયા છે; પણ તેઓ તો તમારા નિયમથી ઘણા દૂર છે.

¹⁵¹પરંતુ, હે પ્રભુ, તમે નિકટ છો; તમારી સર્વ આજ્ઞાઓ સત્ય છે.

¹⁵²દીર્ઘ સમયથી તમારાં સાક્ષ્યવચનો વિષે જાણ્યું છે કે, તમે તેમને સર્વકાળને માટે સ્થાપ્યાં છે.

¹⁵³હું કેટલો જુલમ વેઠું છું તે જુઓ, અને મને છોડાવો; કારણ, હું તમારો નિયમ વીસરતો નથી.

¹⁵⁴મારા પક્ષની હિમાયત કરો ને મને સજા પામવાથી બચાવો, તમારા વચન પ્રમાણે મને જીવંત રાખો.

¹⁵⁵દુષ્ટોનો બચાવ કરશો નહિ; કારણ, તેઓ તમારા આદેશો અનુસરતા નથી.

¹⁵⁶હે પ્રભુ, તમારી દયા મહાન છે; તમારા ન્યાયસંગત ચુકાદાથી મને જીવન બક્ષો.

¹⁵⁷મારા પર જુલમ કરનારા અને મારા શત્રુઓ અનેક છે; પરંતુ હું તમારાં સાક્ષ્યવચનોથી ચલિત થતો નથી.

¹⁵⁸તમને બેવફા થનાર લોકોને જોઈને મને ઘૃણા ઊપજે છે; કારણ, તેઓ તમારી આજ્ઞાઓ પાળતા નથી.

¹⁵⁹હું તમારા આદેશો પર કેટલો પ્રેમ રાખું છું તે ધ્યાનમાં લો; હે પ્રભુ, તમારા પ્રેમને લીધે મને જીવંત રાખો.

¹⁶⁰તમારું સમગ્ર શિક્ષણ સત્ય છે; તમારા સર્વ અદલ ચુકાદા શાશ્વત છે.

¹⁶¹સત્તાધીશો મારા પર વિનાકારણ જુલ મ કરે છે, પરંતુ મને તમારા શિક્ષણ સિવાય બીજા કશાની બીક નથી.

¹⁶²કીમતી ખજાનો પ્રાપ્ત કરનાર માણસની જેમ, હું તમારા વચનથી હર્ષ પામું છું.

¹⁶³હું જૂઠનો તિરસ્કાર કરું છું અને તેનાથી કંટાળુ છું; પરંતુ તમારા નિયમ પર હું પ્રેમ રાખું છું.

¹⁶⁴તમારા અદલ ચુકાદાઓને લીધે હું દિવસમાં સાત વાર તમારી સ્તુતિ કરું છું.

¹⁶⁵તમારા નિયમ પર પ્રેમ રાખનારનું સંપૂર્ણ કલ્યાણ થાય છે; તેમને ઠોકર ખાવાને કોઈ કારણ નથી.

¹⁶⁶હે પ્રભુ, તમે મારો ઉદ્ધાર કરો એવી આશા રાખું છું અને તમારી આજ્ઞાઓ પાળું છું.

¹⁶⁷હું તમારાં સાક્ષ્યવચનો પાળું છું, અને હું તેમના પર અત્યંત પ્રેમ કરું છું.

¹⁶⁸હું તમારા આદેશો તથા તમારી આજ્ઞાઓ પાળું છું; મારું સમગ્ર આચરણ તમારી સમક્ષ ખુલ્લું છે.

¹⁶⁹હે પ્રભુ, મારો આર્તનાદ તમારી સમક્ષ આવવા દો; તમારા શિક્ષણ અનુસાર મને સમજ આપો.

¹⁷⁰મારી અરજ તમારી સન્મુખ પહોંચવા દો; તમે આપેલ વચન પ્રમાણે મને છોડાવો.

¹⁷¹મારા હોઠ તમારી સ્તુતિ ઉચ્ચારો; કારણ તમે મને તમારાં ફરમાનો શીખવો છો.

¹⁷²મારી જીભ તમારા વચન વિષે ગાશે; તમારી સર્વ આજ્ઞાઓ સત્ય છે.

¹⁷³તમારો ભુજ મારી સહાય કરવા તત્પર રહે! કારણ, મેં તમારા આદેશો પાળવાનું પસંદ કર્યું છે.

¹⁷⁴હે પ્રભુ, હું તમારા ઉદ્ધારની અભિલાષા રાખું છું; તમારો નિયમ મારો આનંદ છે.

¹⁷⁵મને જીવંત રાખો, એટલે હું તમારી સ્તુતિ કરીશ; અને તમારાં સાક્ષ્યવચનો મારી સહાય કરો.

¹⁷⁶જો હું ભૂલાં પડેલાં ઘેટાંની જેમ ભટકી જાઉં; તો તમે તમારા આ સેવકને શોધી કાઢજો; કારણ, હું તમારી આજ્ઞાઓ વીસરી ગયો નથી.

Read Gujarati Common Language Bible - પવિત્ર બાઇબલ C.L. ગીતશાસ્ત્ર 119 Bible Online

ગીતશાસ્ત્ર 119 - Gujarati Common Language Bible - પવિત્ર બાઇબલ C.L. bible

ગીતશાસ્ત્ર 119