Read Gujarati Common Language Bible - પવિત્ર બાઇબલ C.L. ગીતશાસ્ત્ર 121 Bible Online

ગીતશાસ્ત્ર 121 - Gujarati Common Language Bible - પવિત્ર બાઇબલ C.L. bible

ગીતશાસ્ત્ર 121

¹(આરોહણનું ગીત) હું પર્વતો તરફ મારી આંખો ઊંચી કરું છું; મને ક્યાંથી સહાય મળશે?

²આકાશ અને પૃથ્વીના સર્જનહાર પ્રભુ પાસેથી જ મને સહાય મળશે.

³તે તારા પગને ડગવા દેશે નહિ; તારા રક્ષક સદા જાગ્રત છે.

⁴ઇઝરાયલી લોકના રક્ષક ઈશ્વર કદી ઊંઘતા નથી કે નિદ્રાધીન થતા નથી.

⁵પ્રભુ તારા સંરક્ષક છે; પ્રભુ તારે જમણે હાથે તને છાયા કરશે.

⁶દિવસે સૂર્ય કે રાત્રે ચંદ્ર તને હાનિ પહોંચાડશે નહિ.

⁷પ્રભુ સર્વ જોખમથી તારું રક્ષણ કરશે. તે તારા પ્રાણની રક્ષા કરશે.

⁸તું બહાર જાય કે ઘેર પાછો ફરે ત્યારે પ્રભુ તને સાચવશે; હમણાંથી સર્વકાળ સુધી પ્રભુ તારું રક્ષણ કરશે.