Read Gujarati Old Version ઉત્પત્તિ 46 Bible Online

ઉત્પત્તિ 46 - Gujarati Old Version bible

ઉત્પત્તિ 46

¹અને ઇઝરાયલ પોતાનાં સર્વ સહિત નીકળીને બેર-શેબા આવ્યો, ને તેણે પોતાના પિતા ઇસહાકના ઈશ્વરને ય ચઢાવ્યા.

²રાત્રે સ્વપ્નમાં ઈશ્વરે ઇઝરાયલ સાથે વાત કરીને કહ્યું, “યાકૂબ, યાકૂબ.” અને તેણે કહ્યું, જુઓ, હું આ રહ્યો.”

³અને ઈશ્વરે કહ્યું, “હું ઈશ્વર, તારા પિતાનો ઈશ્વર છું; મિસરમાં જતાં બીશ નહિ; કેમ કે ત્યાં હું તારાથી એક મોટી પ્રજા ઉત્પન્‍ન કરીશ.

⁴હું તારી સાથે મિસરમાં આવીશ. અને હું નિશ્ચે તને પાછો લાવીશ. અને યૂસફ તેનો હાથ તારી આંખ પર મૂકશે.”

⁵ત્યારે યાકૂબ બેર-શેબાથી નીકળ્યો, અને તેને લઈ જવાને જે ગાડાં ફારુને મોકલ્યાં હતાં તેમાં ઇઝરાયલપુત્રોએ તેઓના પિતા યાકૂબને તથા તેઓનાં છોકરાંને તથા તેઓની પત્નીઓને બેસાડયાં.

⁶અને તેઓનાં ઢોરઢાંક તથા જે સંપત્તિ તેઓએ કનાન દેશમાં મેળવી હતી તે લઈને યાકૂબ તથા તેની સાથે તેનું આખું કુટુંબ મિસરમાં આવ્યું;

⁷એટલે તેના દિકરા તથા તેની સાથે તેના દિકરાઓના દિકરા, ને તેની દીકરીઓ તથા તેના દિકરાઓની દીકરીઓને તથા તેનાં સર્વ સંતાનને તે પોતાની સાથે મિસરમાં લાવ્યો.

⁸અને જે ઇઝરાયલપુત્રો મિસરમાં આવ્યા તેઓનાં નામ આ છે, એટલે યાકૂબ તથા તેના દિકરા : યાકૂબનો જ્યેષ્ઠ દીકરો રૂબેન.

⁹અને રૂબેનનો દિકરા : હનોખ તથા પાલ્લૂ તથા હેસરોન તથા કાર્મી.

¹⁰અને શિમયોનના દિકરા : યમુએલ તથા યામીન તથા ઓહાદ તથા યાખીન તથા સોહાર તથા એક કનાની પત્નીનો દીકરો શાઉલ.

¹¹અને લેવીના દિકરા : ગેર્શોન તથા કહાથ તથા મરારી.

¹²અને યહૂદાના દિકરા : એર તથા ઓનાન તથા શેલા તથા પેરેસ તથા ઝેરા. પણ એર તથા ઓનાન કનાન દેશમાં મરી ગયા. અને પેરેસના દિકરા હેસરોન તથા હામૂલ હતા.

¹³અને ઇસ્સાખારના દિકરા : તોલા તથા પુવા તથા યોબ તથા શિમ્રોન.

¹⁴અને ઝબુલોનના દિકરા : સેરેદ તથા એલોન તથા યાહલેલ.

¹⁵એ લેઆના દિકરા છે, જેઓ તેને યાકૂબને પેટે પાદાનારામમાં થયા; વળી તેની દીકરી દીના હતી; તેના દિકરા તથા તેની દીકરીઓ સર્વ મળીને તેત્રીસ જણ હતાં.

¹⁶અને ગાદના દિકરા : સિફયોન તથા હાગ્ગી તથા શૂની તથા એસ્બોન તથા એરી તથા અરોદી તથા આરેલી.

¹⁷અને આશેરના દિકરા : યિમ્ના તથા યિસ્સા તથા યિસ્વી તથા બરિયા તથા તેઓની બહેન સેરા. અને બરિયાન દિકરા : હેબેર તથા માલ્કીએલ.

¹⁸લાબાને પોતાની દીકરી લેઆને જે ઝિલ્પ આપી હતી તેના દિકરા એ છે; અને એ તેને યાકૂબને પેટે થયા, તેઓ સર્વ મળી સોળ જણ હતા.

¹⁹યાકૂબની પત્ની રાહેલના દિકરા યૂસફ તથા બિન્યામીન.

²⁰અને યૂસફને મિસર દેશમાં મનાશ્શા તથા એફ્રાઈમ થયા. તેઓ ઓનના યાજક પોટીફેરાની દીકરી આસનાથથી તેને થયા.

²¹અને બિન્યામીનના દિકરા : બેલા તથા બેખેર ને આશ્બેલ, ગેરા તથા નામાન, એહી તથા રોશ તથા મુપ્‍પીમ તથા હુપ્‍પીમ તથા આર્દ.

²²એ રાહેલના દિકરા, જે યાકૂબને થયા, તેઓ સર્વ મળીને ચૌદ જણ હતા.

²³અને દાનનો દીકરો હુશીમ.

²⁴અને નફતાલીના દિકરા : યાહસેલ તથા ગૂની તથા યેસર તથા શિલ્લેમ.

²⁵લાબાને પોતાની દીકરી રાહેલને જે બિલ્હા આપી હતી તેના દિકરા એ છે, ને જેઓ યાકૂબથી તેને થયા તે સર્વ મળીને સાત જણ હતા.

²⁶યાકૂબના દિકરાઓની પત્નીઓ સિવાય તેનાથી જન્મેલાં જે સર્વ માણસ યાકૂબ સાથે મિસરમાં આવ્યાં તેઓ છાસઠ જણ હતાં.

²⁷અને યૂસફના દિકરા જે મિસર દેશમાં તેને થયા તે બે હતા. અને યાકૂબના ઘરનાં સર્વ માણસ જે મિસરમાં આવ્યાં તેઓ સિત્તેર હતાં.

²⁸અને યાકૂબે પોતાની આગળ યહૂદાને યૂસફની પાસે મોકલ્યો કે તે આગળ જઈને ગોશેનનો માર્ગ બતાવે. અને તેઓ ગોશેન દેશમાં આવ્યા.

²⁹અને યૂસફ રથ જોડીને તેના પિતા ઇઝરાયલને મળવાને ગોશેનમાં ગયો; અને તેને જોઈને તે તેને ગળે વળગ્યો, ને ઘણી વાર સુધી તેને ગળે વળગીને રડયો.

³⁰અને ઇઝરાયલે યૂસફને કહ્યું, “મેં તારું મુખ જોયું છે, ને હજુ તું જીવે છે, તો હવે મારું મરણ ભલે આવે.”

³¹અને યૂસફે તેના ભાઈઓને તથા તેના પિતાના ઘરનાંને કહ્યું, “હું જઈને ફારુનને ખબર આપું, ને તેને કહું કે મારા ભાઈઓ તથા મારા પિતાના ઘરનાં જે કનાન દેશમાં હતાં તે મારી પાસે આવ્યાં છે;

³²અને તે લોક ભરવાડ છે, કેમ કે તેઓ ઢોર પાળનારા છે. તેઓ તેઓનાં બકરાં તથા તેઓનાં ઢોર તથા જે સર્વ તેઓનું છે તે લાવ્યા છે.

³³અને ફારુન તમને બોલાવે અને તમને પૂછે કે, ‘તમારો ધંધો શો છે?’

³⁴ત્યારે તમારે આ પ્રમાણે કહેવું કે, ‘તમારા દાસોનો, એટલે અમારો તથા અમારા બાપદાદાનો ધંધો નાનપણથી અત્યાર સુધી ઢોર પાળવઅનો છે.’ જેથી તમને ગોશેન દેશમાં રહેવાની પરવાનગી મળે; કેમ કે ભરવાડમાત્રને મિસરીઓ ધિકકારે છે.”