Read Gujarati Old Version કાળવૃત્તાંતનું પહેલું પુસ્તક 27 Bible Online

કાળવૃત્તાંતનું પહેલું પુસ્તક 27 - Gujarati Old Version bible

કાળવૃત્તાંતનું પહેલું પુસ્તક 27

¹ઇઝરાયલની સંખ્યા, એટલે તેઓના પિતૃઓનાં કુટુંબોના સરદારો, સહસ્રાધિપતિઓ, શતાધિપતિઓ તથા અધિકારીઓ, જેઓની ટોળીઓમાંથી અકેક ટોળી વારાફરતી વર્ષમાં મહિને મહિને આવતી, તથા જેઓ હરકોઈ બાબતમાં રાજાની સેવા કરતા હતા, તેઓની સંખ્યા દરેક ટોળીમાં ચોવીસ હજારની હતી.

²પહેલા મહિનાને માટે પહેલી ટોળીનો ઉપરી ઝાબ્દીએલનો પુત્ર યાશોબામ હતો. તેની ટોળીમાં ચોવીસ હજાર હતા.

³[તે] પેરેસના પુત્રોમાંનો [હતો] , ને તે પહલા મહિનાની ટોળીના સર્વ સરદારોનો ઉપરી હતો.

⁴બીજા મહિનાની ટોળીનો ઉપરી દોદાય અહોહી હતો, તેની ટોળીનો નાયક મિકલોથ; અને તેની ટોળીમાં ચોવીસ હજાર હતા.

⁵ત્રીજા મહિનાની ટોળીનો ત્રીજો સરદાર યહોયાદા યાજકનો પુત્ર બનાયા હતો; તેની ટોળીમાં ચોવીસ હજાર હતા.

⁶જે ત્રીસ [શૂરવીરો] માં પરાક્રમી તથા તેમનો જે ઉપરી હતો તે જ એ બનાયા હતો. તેની ટોળીમાં તેનો પુત્ર અમિઝાબાદ હતો.

⁷ચોથા મહિનાને માટે ચોથો [સરદાર] યોઆબનો ભાઈ અસાએલ, ને તેની પછી તેનો પુત્ર ઝબાદ્યા હતો; તેની ટોળીમાં ચોવીસ હજાર હતા.

⁸પાંચમાં મહિનાને માટે પાચમો સરદાર શામ્હૂથ ઇસહારનો વંશજ હતો; તેની ટોળીમાં ચોવીસ હજાર હતા.

⁹છઠ્ઠા મહિનાને માટે છઠ્ઠો [સરદાર] તકોઈ ઇક્કેશનો પુત્ર ઈરા હતો; તેની ટોળીમાં‍ ચોવીસ હજાર હતા.

¹⁰સાતમા મહિનાને માટે સાતમો [સરદાર] એફ્રાઇમપુત્રોમાંનો હેલેશ પલોની હતો; તની ટોળીમાં ચોવીસ હજાર હતા.

¹¹આઠમા મહિનાને માટે આઠમો [સરદાર] ઝેરાહીઓમાંનો સિબ્બખાય હુશાથી હતો; તેની ટોળીમાં ચોવીસ હજાર હતા.

¹²નવમા મહિનાને માટે નવમો [સરદાર] બિન્યામિનિઓમાંનો એબીએઝેર અનાથોથી હતો; તની ટોળીમાં ચોવીસ હજાર હતા.

¹³દશમાં મહિનાને માટે દશમો [સરદાર] ઝેરાહીઓમાંનો માહરાય નટોફાથી હતો, તેની ટોળીમાં ચોવીસ હજાર હતા.

¹⁴અગિયારમા મહિનાને માટે અગિયારમો [સરદાર] એફ્રાઈમપુત્રોમાંનો બનાયા પિરાથોની હતો; તેની ટોળીમાં ચોવીસ હજાર હતા.

¹⁵બારમાં મહિનાને માટે બારમો [સરદાર] ઓથ્નીએલનો હેલેદ નટોફાથી હતો; તેની ટોળીમાં ચોવીસ હજાર હતા.

¹⁶તે ઉપરાંત ઇઝરાયલનાં કુળો પર નીચે પ્રમાણે અમલદાર હતા : રુબેનીઓનો અમલદાર ઝિખ્રીનો પુત્ર એલીએઝેર હતો; શિમયોનીઓનો, માકાનો પુત્ર શફાટ્યા.

¹⁷લેવીનો, કમુએલનો પુત્ર હશાબ્યા; હારુનનો, સાદોક;

¹⁸યહૂદાનો, અલિહૂ (એ દાઉદના ભાઈઓમાંનો એક હતો); ઇસ્સાખારનો મિખાએલનો પુત્ર ઓમ્રી;

¹⁹ઝબુલોનનો, ઓબાદ્યાનો પુત્ર યુશ્માયા; નફતાલીનો, આઝીએલનો પુત્ર યરેમોથ;

²⁰એફ્રાઈમપુત્રોનો આઝાઝ્‍યાનો પુત્ર હોશિયા; મનાશ્શાના અર્ધકુળનો, પદાયાનો પુત્ર યોએલ;

²¹ગિલ્યાદમાં મનાશ્શાના અર્ધ [કુળ] નો, ઝખાર્યાનો પુત્ર યિદ્દો; બિન્યામીનનો, આબ્નેરનો પુત્ર યાસિયેલ;

²²દાનનો, યરોહામનો પુત્ર આઝારેલ. તેઓ ઈઝરાયલનાં કુળોના અમલદારો હતા.

²³પણ વીસ વર્ષના તથા તેથી ઓછી વયનાઓની ગણતરી દાઉદે કરી નહોતી; કેમ કે યહોવાએ આકાશના તારાઓની જેમ ઇઝરાયલને વધારવાને વચન આપ્યું હતું.

²⁴ સરુયાના પુત્ર યોઆબે ગણતરી કરવા માંડી, પણ તે પૂરેપૂરી કરી નહિ, [ગણતરી કરવા] ને લીધે ઇઝરાયલ પર કોપ આવ્યો. દાઉદ રાજાના કાળવૃતાંતની તવારીખમાં એ ગણતરી નોંધવામાં આવી નથી

²⁵રાજાના ભંડારો ઉપર અદીએલનો પુત્ર આઝમાવેશ નિમાયેલો હતો. સીમમાંના, નગરોમાંના, ગામોમાંના તથા કિલ્લાઓમાંના ભંડારો ઉપર ઉઝઝિયાનો પુત્ર યહોનાથાન હતો.

²⁶ખેતી કરનારાઓ ઉપર દેખરેખ રાખવા કલૂબનો પુત્ર એઝી હતો.

²⁷દ્રક્ષાવાડીઓ ઉપર શિમઈ રામાથી હતો. દ્રક્ષારસના કોઠારોને માટે દ્રક્ષાવાડીઓની જે પેદાશ આવતી તેના ઉપર ઝાબ્દી શિફમી હતો.

²⁸જૈતવૃક્ષો તથા ગુલ્લરવૃક્ષો જે નીચાણના પ્રદેશમાં હતાં, તેઓના ઉપર બાલ-હાનાન ગદેરી હતો. તેલના ભંડારો ઉપર યોઆશ હતો.

²⁹શારોનમાં ચરનારા ઢોરોનાં ટોળા ઉપર શિટ્રાય શારોની હતો; અને નીચાણમાં જે ઢોરો ચરતાં હતાં તે ટોળાં ઉપર અદલાયનો પુત્ર શાફાટ હતો.

³⁰ઊંટો ઉપર ઓબિલ ઇશ્માએલી હતો. ગધેડા ઉપર યેહદયા મેરોનોથી હતો.

³¹ઘેટાંબકરાં ઉપર યાઝીઝ હાગ્રી હતો. એ બધા દાઉદ રાજાની મિલકત હતી, તેના પર દેખરેખ રાખનારા હતા.

³²વળી દાઉદના કાકા યોનાથાન મંત્રી હતા, તે સમજુ પુરુષ હતા, ને ચિટનીસ હતા, હાખ્મોનીનો પુત્ર યહીએલ રાજાના પુત્રોનો શિક્ષક હતો.

³³અહિથોફેલ રાજાનો મંત્રી હતો. હૂશાય આર્કી રાજાનો મિત્ર હતો.

³⁴અહિથોફેલ પછી બનાયાનો પુત્ર યહોયાદા તથા અબ્યાથાર હતા. અને રાજાનો સેનાપતિ યોઆબ હતો.