Read Gujarati Old Version ગીતશાસ્‍ત્ર 113 Bible Online

ગીતશાસ્‍ત્ર 113 - Gujarati Old Version bible

ગીતશાસ્‍ત્ર 113

¹યહોવાની સ્તુતિ કરો. હે યહોવાના સેવકો, સ્તુતિ કરો. યહોવાના નામની સ્તુતિ કરો.

²યહોવાનું નામ આ વખતથી તે સર્વકાળ સ્તુત્ય થાઓ.

³સૂર્યોદયથી સૂર્યાસ્ત સુધી યહોવાના નામની સ્તુતિ કરો.

⁴યહોવા બધી જ પ્રજાઓ પર સર્વોપરી અધિકારી છે, અને તેમનું ગૌરવ આકાશો કરતાં મોટું છે.

⁵આપણા ઈશ્વર યહોવા જેવો કોણ છે? તે પોતાનું રહેઠાણ ઉચ્ચસ્થાનમાં રાખે છે.

⁶આકાશમાં તથા પૃથ્વીમાં [જે છે તે] જોવાને તે પોતાને દીન કરે છે.

⁷તે ધૂળમાંથી રાંકને ઉઠાવી લે છે, અને ઉકરડા ઉપરથી દરિદ્રીને ચઢતીમાં લાવે છે;

⁸તેથી તે અમીરઉમરાવો સાથે, એટલે પોતાના લોકોના અમીર ઉમરાવો સાથે બેસનાર થાય.

⁹તે નિ:સંતાન સ્‍ત્રીને તેના પોતાના ઘરમાં રાખે છે, તેને પુત્રોની આનંદી માતા બનાવે છે. યહોવાની સ્તુતિ કરો.