Read Gujarati Old Version ગીતશાસ્‍ત્ર 120 Bible Online

ગીતશાસ્‍ત્ર 120 - Gujarati Old Version bible

ગીતશાસ્‍ત્ર 120

¹ચઢવાનું ગીત. મારા દુ:ખમાં મેં યહોવાને પોકાર કર્યો, અને તેમણે મારું સાંભળ્યું.

²હે યહોવા, જૂઠા હોઠોથી તથા કપટી જીભથી મારા આત્માને બચાવો.

³રે કપટી જીભ, તને તો તે શું કરશે? અને તારા તે શા હાલ થશે?

⁴પરાક્રમીનાં તીક્ષ્ણ તીરો તથા કોલસાના અંગારા [તને મળશે].

⁵મને અફસોસ છે કે મેશેખનો હું પ્રવાસી છું, અને કેદારના ડેરાઓમાં વસું છું!

⁶જે શાંતિ પર દ્વેષ રાખે છે તેની સાથે રહીને હવે તો હું ધરાઈ ગયો છું.

⁷હું શાંતિ ચાહું છું; પણ જ્યારે હું બોલું છું ત્યારે તેઓ લડાઈ કરવા માગે છે.