Read Gujarati Old Version ગીતશાસ્‍ત્ર 122 Bible Online

ગીતશાસ્‍ત્ર 122 - Gujarati Old Version bible

ગીતશાસ્‍ત્ર 122

¹ચઢવાનું ગીત; દાઉદનું જ્યારે તેઓએ મને કહ્યું, “આપણે યહોવાને મંદિરે જઈએ, ” ત્યારે હું આનંદ પામ્યો.

²હે યરુશાલેમ, તારા દ્વારોમાં અમે ઊભા રહ્યા હતા.

³યરુશાલેમ તો હારબંધ ઇમારતોવાળા નગરના જેવું બાંધેલું છે.

⁴ત્યાં કુળો ચઢે છે; યહોવાનાં કુળો ઇઝરાયલને સાક્ષીરૂપ થવાને અર્થે, યહોવાના નામનો આભાર માનવા માટે [ચઢે છે].

⁵કેમ કે ત્યાં ઇનસાફનાં રાજ્યાસનો- દાઉદના કુટુંબનાં રાજ્યાસનો- સ્થાપવામાં આવેલાં છે.

⁶યરુશાલેમની શાંતિને માટે પ્રાર્થના કરો; તારા પર પ્રેમ રાખનારાં ક્ષેમકુશળ રહો.

⁷તારા કોટની અંદર શાંતિ અને તારા મહેલોની અંદર કુશળતા થાઓ.

⁸મારા ભાઈઓ તથા મિત્રોને ખાતર હવે હું બોલીશ કે, “તારામાં શાંતિ થાઓ.”

⁹અમારા ઈશ્વર યહોવાના મંદિરને અર્થે હું તારું હિત શોધીશ.