Read Gujarati Old Version ગીતશાસ્‍ત્ર 130 Bible Online

ગીતશાસ્‍ત્ર 130 - Gujarati Old Version bible

ગીતશાસ્‍ત્ર 130

¹ચઢવાનું ગીત. હે યહોવા, ઊંડાણોમાંથી મેં તમને વિનંતી કરી.

²હે ઈશ્વર, મારો સાદ સાંભળો; મારી પ્રાર્થનાના પોકાર પર તમારા કાન ધરો.

³હે યાહ, જો તમે દુષ્ટ કામો ધ્યાનમાં રાખો, તો, હે પ્રભુ, [તમારી આગળ] કોણ ઊભો રહી શકે?

⁴પરંતુ તમારી પાસે માફી છે, જેથી તમારું ભય રહે.

⁵હું યહોવાની રાહ જોઉં છું, મારો આત્મા રાહ જુએ છે, અને તેમના વચનની હું આશા રાખું છું.

⁶સવારની રાહ જોનારા કરતાં, હા, સવારની રાહ જોનારા કરતાં મારો આત્મા પ્રભુની રાહ વધારે જુએ છે.

⁷હે ઇઝરાયલ, યહોવાનો ભરોસો રાખજે; કેમ કે યહોવાની પાસે કૃપા છે, અને તેમની પાસે અખૂટ ઉદ્ધાર છે.

⁸ તે ઇઝરાયલને તેના સર્વ અન્યાયોથી તારશે.