Read Gujarati Old Version ગીતશાસ્‍ત્ર 136 Bible Online

ગીતશાસ્‍ત્ર 136 - Gujarati Old Version bible

ગીતશાસ્‍ત્ર 136

¹ યહોવાની સ્તુતિ કરો, કેમ કે તે ઉત્તમ છે; તેમની કૃપા અનંતકાળ [ટકનાર] છે.

²દેવોના ઈશ્વરની સ્તુતિ કરો, કેમ કે તેમની કૃપા અનંતકાળ છે.

³પ્રભુઓના પ્રભુની સ્તુતિ કરો, કેમ કે તેમની કૃપા અનંતકાળ છે.

⁴જે એકલા મોટા ચમત્કારો કરનાર છે [તેમની સ્તુતિ કરો] , કેમ કે તેમની કૃપા અનંતકાળ છે.

⁵ જેમણે પોતાના ડહાપણ વડે આકાશો ઉત્પન્‍ન કર્યાં છે [તેમની સ્તુતિ કરો] , કેમ કે તેમની કૃપા અનંતકાળ છે.

⁶ જેમણે પાણી પર ભૂમિને વિસ્તારી છે [તેમની સ્તુતિ કરો] , કેમ કે તેમની કૃપા અનંતકાળ છે.

⁷ મહાન જ્યોતિઓના બનાવનારની [સ્તુતિ કરો] , કેમ કે તેમની કૃપા અનંતકાળ છે.

⁸દિવસ પર અમલ કરવાને જેમણે સૂર્ય બનાવ્યો [તેમની સ્તુતિ કરો] , કેમ કે તેમની કૃપા અનંતકાળ છે.

⁹રાત ઉપર અમલ કરવાને જેમણે ચંદ્ર તથા તારા બનાવ્યા [તેમની સ્તુતિ કરો] , કેમ કે તેમની કૃપા અનંતકાળ છે.

¹⁰ પ્રથમ જન્મેલાઓને સંહારીને જેમણે મિસરને માર્યો [તેમની સ્તુતિ કરો] , કેમ કે તેમની કૃપા અનંતકાળ છે.

¹¹વળી તેઓની પાસેથી ઇઝરાયલને છોડાવી લાવનારની [સ્તુતિ કરો] , કેમ કે તેમની કૃપા અનંતકાળ છે.

¹²બળવાન બાહુ તથા લાંબા કરેલા હાથ વડે તેઓને છોડાવી લાવનારની [સ્તુતિ કરો] , કેમ કે તેમની કૃપા અનંતકાળ છે.

¹³જેમણે લાલ સમુદ્રના બે ભાગ કર્યા [તેમની સ્તુતિ કરો] , કેમ કે તેમની કૃપા અનંતકાળ છે.

¹⁴તેની વચ્ચે થઈને ઇઝરાયલને પાર ઉતારનારની [સ્તુતિ કરો] , કેમ કે તેમની કૃપા અનંતકાળ છે.

¹⁵ ફારુન તથા તેની ફોજને લાલ સમુદ્રમાં ઊથલાવી નાખનારની [સ્તુતિ કરો] , કેમ કે તેમની કૃપા અનંતકાળ છે.

¹⁶જેમણે પોતાના લોકોને અરણ્યમાં થઈને દોરી લીધા [તેમની સ્તુતિ કરો] , કેમ કે તેમની કૃપા અનંતકાળ છે.

¹⁷મોટા રાજાઓને મારનારની [સ્તુતિ કરો] , કેમ કે તેમની કૃપા અનંતકાળ છે.

¹⁸નામાંકિત રાજાઓને સંહારનારની [સ્તુતિ કરો] , કેમ કે તેમની કૃપા અનંતકાળ છે.

¹⁹એટલે અમોરીઓના રાજા સિહોનને [સંહારનારની સ્તુતિ કરો] , કેમ કે તેમની કૃપા અનંતકાળ છે.

²⁰તથા બાશાનના રાજા ઓગને [સંહારનારની સ્તુતિ કરો] , કેમ કે તેમની કૃપા અનંતકાળ છે.

²¹જેમણે તેઓનો દેશ વારસામાં આપ્યો [તેમની સ્તુતિ કરો] , કેમ કે તેમની કૃપા અનંતકાળ છે.

²²જેમણે તે પોતાના સેવક ઇઝરાયલને વારસામાં આપ્યો [તેમની સ્તુતિ કરો] , કેમ કે તેમની કૃપા અનંતકાળ છે.

²³જેમણે આપણી દીનાવસ્થામાં આપણને સંભાર્યાં [તેમની સ્તુતિ કરો] , કેમ કે તેમની કૃપા અનંતકાળ છે.

²⁴જેમણે આપણા શત્રુઓના હાથમાંથી આપણને છોડાવ્યા છે [તેમની સ્તુતિ કરો] , કેમ કે તેમની કૃપા અનંતકાળ છે.

²⁵જે બધાં પ્રાણીઓને અન્‍ન આપે છે [તેમની સ્તુતિ કરો] , કેમ કે તેમની કૃપા અનંતકાળ છે.

²⁶આકાશના ઈશ્વરની સ્તુતિ કરો, કેમ કે તેમની કૃપા અનંતકાળ છે.