Read Gujarati Old Version ગણના 33 Bible Online

ગણના 33 - Gujarati Old Version bible

ગણના 33

¹ઇઝરાયલ પ્રજા પોતાનાં સૈન્યો સહિત મૂસા તથા હારુનની હસ્તક મિસર દેશમાંથી નીકળ્યા ત્યાર પછી તેઓની મુસાફરીઓ આ છે.

²અને મૂસાએ યહોવાની આજ્ઞાથી તેઓની મુસાફરીઓ પ્રમાણે તેઓની કૂચની નોંધ રાખી; અને તેઓની મુસાફરીઓ પ્રમાણે તેઓની કૂચ આ છે:

³અને તેઓ પહેલે માસે, પહેલા માસને પંદરમે દિવસે રામસેસથી નીકળ્યા. પાસ્ખાપર્વ પછીની સવારે ઇઝરાયલી લોકો સર્વ મિસરીઓના જોતાં નીડરપણે નીકળ્યા.

⁴જે સર્વ પ્રથમજનિતોને યહોવાએ માર્યા હતા તેઓને મિસરીઓ દાટતા હતા તે સમયે તેઓ નીકળ્યા. તેઓના દેવો પર પણ યહોવાએ ન્યાયકૃત્યો કર્યાં.

⁵અને રામસેસથી નીકળીને ઇઝરાયલીઓએ સુક્કોથમાં છાવણી કરી.

⁶અને તેઓએ સુક્કોથથી નીકળીને એથામ જે અરણ્યની બાજુએ છે ત્યાં છાવણી કરી.

⁷અને તેઓ એથામથી નીકળ્યા, ને પાછા ફરીને પી-હાહીરોથ આવ્યા કે, જે બાલ-સફોનની સામે છે. અને તેઓએ મિગ્દોલની સામે છાવણી કરી.

⁸અને તેઓ હાહીરોથ આગળથી ચાલ્યા, ને સમુદ્રની મધ્યે થઈને અરણ્યમાં ગયા; અને એથામના અરણ્યમાં ત્રણ દિવસની મુસાફરી કરીને તેઓએ મારાહમાં છાવણી કરી.

⁹અને તેઓ મારાહથી નીકળીને એલીમ આવ્યા; અને એલીમમાં પાણીના બાર ઝરા ને સિત્તેર ખજૂરીઓ હતાં; અને ત્યાં તેઓએ છાવણી કરી.

¹⁰અને એલીમથી નીકળીને તેઓએ સૂફ સમુદ્રને કિનારે છાવણી કરી.

¹¹અને સૂફ સમુદ્રથી નીકળીને તેઓએ સીનના અરણ્યમાં છાવણી કરી.

¹²અને સીનના અરણ્યથી નીકળીને તેઓએ દોફકામાં છાવણી કરી.

¹³અને દોફકાથી નીકળીને તેઓએ આલુશમાં છાવણી કરી.

¹⁴અને આલુશથી નીકળીને તેઓએ રફીદીમમાં છાવણી કરી કે, જ્યાં લોકોને પીવાને માટે પાણી નહોતું.

¹⁵અને રફીદીમથી નીકળીને તેઓએ સિનાઈના અરણ્યમાં છાવણી કરી.

¹⁶અને સિનાઈના અરણ્યથી નીકળીને તેઓએ કિબ્રોથ-હાત્તાવામાં છાવણી કરી.

¹⁷અને કિબ્રોથ-હાત્તાવાથી નીકળીને તેઓએ હસેરોથમાં છાવણી કરી.

¹⁸અને હસેરોથી નીકળીને તેઓએ રિથમામાં છાવણી કરી.

¹⁹અને રિથમાથી નીકળીને તેઓએ રિમ્મોન-પેરેસથી નીકળીને તેઓએ લિબ્નામાં છાવણી કરી.

²⁰અને રિમ્મોન-પેરેસથી નીકળીને તેઓએ લિબ્નામાં છાવણી કરી.

²¹અને લિબ્નાથી નીકળીને તેઓએ રિસ્સામાં છાવણી કરી.

²²અને રિસ્સાથી નીકળીને તેઓએ કહેલાથામાં છાવણી કરી.

²³અને કહેલાથાથી નીકળીને તેઓએ શેફેર પર્વતની તળેટિ આગળ છાવણી કરી.

²⁴અને શેફેર પર્વતથી નીકળીને તેઓએ હારાદામાં છાવણી કરી.

²⁵અને હારાદાથી નીકળીને તેઓએ માકહેલોથમાં છાવણી કરી.

²⁶અને માકહેલોથથી નીકળીને તેઓએ તાહાથમાં છાવણી કરી.

²⁷અને તાહાથથી નીકળીને તેઓએ તેરાહમાં છાવણી કરી.

²⁸અને તેરાહથી નીકળીને તેઓએ મિથકામાં છાવણી કરી.

²⁹અને મિથકાથી નીકળીને તેઓએ હાશ્મોનામાં છાવણી કરી.

³⁰અને હાશ્મોનાથી નીકળીને તેઓએ મોસેરોથમાં છાવણી કરી.

³¹અને મોસેરોથથી નીકળીને તેઓએ બની-યાકાનમાં છાવણી કરી.

³²અને બની-યાકાનથી નીકળીને તેઓએ હોર-હાગિદગાદમાં છાવણી કરી.

³³અને હોર-હાગિદગાદમાં છાવણી કરી.

³⁴અને યોટબાથાથી નીકળીને તેઓએ આબ્રોનામાં છાવણી કરી.

³⁵અને આબ્રોનાથી નીકળીને તેઓએ એસ્યોન-ગેબેરમાં છાવણી કરી.

³⁶અને એસ્યોન-ગેબેરથી નીકળીને તેઓએ સીનના અરણ્યમાં છાવણી કરી (એ જ કાદેશ છે).

³⁷અને કાદેશથી નીકળીને તેઓએ અદોમ દેશની સરહદમાં હોર પર્વતની તળેટી આગળ છાવણી કરી.

³⁸અને યહોવાની આજ્ઞા પ્રમાણે હારુન યાજક હોર પર્વત પર ચઢ્યો, ને ઇઝરાયલી લોકો મિસર દેશમાંથી નીકળ્યા ત્યાર પછી ચાળીસમાં વર્ષના પાંચમા માસને પહેલે દિવસે તે ત્યાં મરણ પામ્યો.

³⁹અને હારુન હોર પર્વત પર મરણ પામ્યો ત્યારે તે એક સો ને ત્રેવીસ વર્ષનો હતો.

⁴⁰ કનાન દેશના નેગેબમાં રહેનાર અરાદના કનાની રાજાએ ઇઝરાયલી લોકોના આવવા વિષે સાંભળ્યું.

⁴¹અને હોર પર્વતથી નીકળીને તેઓએ સાલ્મોનામાં છાવણી કરી.

⁴²અને સાલ્મોનાથી નીકળીને તેઓએ પૂનોનમાં છાવણી કરી.

⁴³અને પૂનોનથી નીકળીને તેઓએ ઓબોથમાં છાવણી કરી.

⁴⁴અને ઓબોથથી નીકળીને તેઓએ મોઆબની સરહદમાં ઇયેઅબારીમમાં છાવણી કરી.

⁴⁵અને ઇયીમથી નીકળીને તેઓએ દિબોન-ગાદમાં છાવણી કરી.

⁴⁶અને દિબોન-ગાદથી નીકળીને તેઓએ આલ્મોન-દિબ્લાઈમમાં છાવણી કરી.

⁴⁷અને આલ્મોન-દિબ્લાથાઈમથી નીકળીને તેઓએ અબારીમ પર્વતોમાં નબોની સામે છાવણી કરી.

⁴⁸અને અબારીમ પર્વતોથી નીકળીને તેઓએ મોઆબના મેદાનમાં યર્દનને કાંઠે યરીખો આગળ છાવણી કરી.

⁴⁹અને તેઓએ યર્દનને કાંઠે, બેથ-યશીમોથથી આબેલ-શિટ્ટીમ સુધી મોઆબના મેદાનમાં છાવણી કરી.

⁵⁰અને મોઆબના મેદાનમાં યર્દનને કાંઠે યરીખો પાસે યહોવાએ મૂસાને કહ્યું,

⁵¹“ઇઝરાયલી લોકોને એમ કહે કે, જ્યારે તમે યર્દન નદી ઊતરીને કનાન દેશમાં જાઓ,

⁵²ત્યારે તમે પોતાની આગળથી દેશના સર્વ રહેવાસીઓને હાંકી કાઢો, ને તેઓના કોતરેલા સર્વ પથ્થરોનો ને તેઓની સર્વ ગાળેલી [ધાતુની] મૂર્તિઓનો નાશ કરો, ને તેઓનાં સર્વ દેવસ્થાનોને તોડી પાડો.

⁵³અને દેશને કબજે કરીને તેમાં વસો; કેમ કે વતનને માટે મેં તે દેશ તમને આપ્યો છે.

⁵⁴અને તમે ચિઠ્ઠીઓ નાખીને તમારાં કુટુંબો પ્રમાણે દેશનો વારસો વહેંચી લેજો. જે [કુળમાં] વિશેસ માણસો તેને તે પ્રમાણમાં તમારે વિશેષ માણસો તેને તે પ્રમાણમાં તમારે વિશેષ વારસો આપવો, ને જેમાં થોડાં માણસો તેને તારે થોડો વારસો આપવો. ચિઠ્ઠીઓ નાખીને જ્યાં જેનો ભાગ આવે, ત્યાં જ તેને મળે. તમારા પિતૃઓનાં કુળો પ્રમાણે તમને વારસો મળે.

⁵⁵પણ જો તમે પોતાની સામેથી દેશના રહેવાસીઓને હાંકી કાઢો, તો તેઓમાંના જેઓને તમે રહેવા દેશો તેઓ તમારી આંખોમાં કણીઓરૂપ ને તમારી કૂખોમાં કાંટારૂપ થઈ પડશે, ને જે દેશમાં તમે વસશો ત્યાં તેઓ તમને હેરાન કરશે.

⁵⁶અને એમ થશે કે તેઓ પર જે વિતાડવાનું હું ધારતો હતો, તે હું તમારા પર વિતાડીશ.”