Read Hadiyya Qooccanchi Kitaaba 36 Bible Online

Qooccanchi Kitaaba 36 - Hadiyya bible

Qooccanchi Kitaaba 36

¹Eesa'i shumo'i; «Eedooma» yakkaman hee'ukko.

²Eesa'am Kana'aa'n landa Hiitekkichchi Eeloon landichcho Ada'a, Hiiwekkichchi Xiibaa'oon beet Aana'i landichcho Ohooliibaamee

³odim Isma'eel landichcho Nabayoot aayya Baasemaatee eebukko.

⁴Ada'a Eesa'ana Eelfaaza qatto'o. Baasemaatem Raa'u'eela qatto'o.

⁵Ohooliibaamem Ya'uusha Ya'ilaamaa Qore'oo qatto'o; ku hundim Eesa'a Kana'aa'n uullanne qaru ooso.

⁶Ee lasage ixxi meento, ixxi goo'n ooso, landa, ixxenne hee'oo manni hundam, ixxi fooraam diinat hundamii Kana'aa'n uullanne wixxaa'u ixxi amaxxi hundamii amadaa ixxi abbaayyi Yaaqoob beyyiinsi mulli uulla dooyyukko.

⁷Ixxi uraa maru mashka'i ixxuwwi diin at lobakata lophphaa hee'u bikkina mateeyyoomanne hee'lleena xantoobee'i bikkinattee koyyinano afuutta'a hee'llo'i uulli ixxuwwi diinaxxi lophphimmiinsi ki'ukkok allaachchina ihubee'i bikkinattee.

⁸Ee bikkina «Eedooma» yamamu Eesa'a duunaam uullanne Seeyiranne hee'ukko.

⁹Seeyira yakkam duunaam ullanne hee'u Eedoo'm uulli mannina anno'i hee'llo'i Eesa'i shumo'i ka keeno.

¹⁰Eesa'a ixxi meentiinsi Aada'aansi Eelfaaza, Baasmaateensi Raa'u'eela qarukko.

¹¹Eelfaaz qaru ontem oosim kakeeno; ixxuwwim Teemaanatte, Amaaratte, Saafootatte, Gootattee Qanaazattee.

¹²Odim Eesa'i beet Eelfaazina bakki meentichcho Timaanaa'ee yakkamote Amaaleeqa qatto'o.

¹³Eesa'a Baasmoote yakkam ixxi meentichchoonsi Raa'u'eela qarukko. Raa'u'eelim Naahoota, Zaara'a, Shaama'aa Miiza'aa qarukko.

¹⁴Xiibaa'oon landichchi landichchotte hee'llo'i Aana'i landichcho Ohooliibaame Eesa'ana Ya'uusha, Ya'ilaamaa Qoore'ee sasem oosom qatto'o.

¹⁵Eesa'i shumo'i moolli anno'i kane. Eesa'i won beet Eelfaaz kanniinsi woroon yoo moollina Tiimaarna, Oomaarina, Saafo'ina, Qenezina, Qeere'ina, Gootoominaa Amaaleeqinaa anna; ku hundim Eesa'i meentichcho Aada'ana shumo'o.

¹⁷Eesa'i beet Raa'u'eel shumo'i moollanno'i Naahatatte, Zaarahatte, Shamattee Miizattee hee'llo'o. Ku keen hundim Eesa'a Baasmaatenne qaru shumo'o.

¹⁸Eesa'a Aana'i landichchonne Ohooliibaamenne Uush moollo, Ya'ilaam moolloo Qore'i moolloo qarukko.

¹⁹Ku moolli hundim Eesa'aansi qaramu shumo'o.

²⁰Seeyir uullanne luxxeka hee'u mannik Hoorakkichchi Seeyir Looxaanika, Shoobaalika, Xiiba'oonika, Aana'ika, Diishoonika, Eexeerikaa Diishaanikaa moolli awwonsaano qarukko.

²²Looxaanim Hoorinaa Heemaaminaa anni hee'ukko. Looxaan aayyam Timinaayette hee'llo'o.

²³Shoobaal oosim Alwaanatte, Maaneehatte, Eebaalatte, Safoonattee Awnaanattee hee'llo'o.

²⁴Xiiba'oon oos Aya'attee Aana'attee hee'llo'o. Aana'am udma'i uullanne ixxi anni halla allaarukkuuyyi xabala siidukkan hee'ukko.

²⁵Aana'i beet Diishoonatte ihaa landichom Ohooliibaamette hee'llo'o.

²⁶Diishoon oosim Heemidaanatte, Eeshbaanatte, Itraanattee Kiraanattee hee'llo'o.

²⁷Eexee oosim Bilihaanatte, Zaa'iwaanattee Aqaanattee hee'llo'o.

²⁸Diishaan oosim Uuxattee Araanattee hee'llo'o.

²⁹Looxaan, Shoobaal, Xiiba'aan, Aana'a, Diishoon, Eexeerii Diishaan Hooraawe'ina lugu'm anno'i hee'llo'o.

³¹Ku adilluwwi Isra'ee'l minaadaba adilluwwi gasseena illageen Eedoo'm uullanne gassu adilluwwa.

³²Eedoomanne Bee'oor beet Baalaaq adil ihukko. Ixxi beero'i summim Diinihaabatte hee'ukko.

³³Baalaaqim lehukko. Ixxi beyyonne Baasoo'l Zaara'i beet Yoobaab adil ihukko.

³⁴Yoobaab lehaa lasage ixxi beyyonne Teemeenaan uulli Hushaam adil ihukko.

³⁵Hushaamim lehaa lasage ixxi beyyonne Miidiyaa'm manna Moo'aaphphi biiranne kaa'u Baadaad beet Haadaad adil ihukko. Ee beero'i summim Awiitee yamamukko.

³⁶Haadaad lehaa lasage ixxi beyyonne Masireeqichchi Saamil adil ihukko.

³⁷Saamilim lehukko. Ixxi beyyonne Efiraaxiis daajji gadanonne hee'u Rihoobootiinsi Saa'ool adil ihukko.

³⁸Saa'oolim lehukko. Ixxi beyyonnem Akibar beet Ba'aalhanaan adil ihukko.

³⁹Akorooboot beet Ba'aalhanaanim lehukko. Ixxi beyyonne hadaar adil ihukko. Ixxi beero'i summim Fuuhatte. Ixxi are summim Maheexaabe'eelatte. Isem Maazaahaabiik won landichcho Maxireede qatto'o.

⁴⁰Eesa'i moolli anno'i gatto'i beyyi weeshamukkok ixxuwwi summannette. Oo keenim Tiiminaa'atte, Alwatte, Yeteetatte,

⁴¹Ohooliibaamatte, Eelatte, Fiinoonatte,

⁴²Qaneezatte, Teemaanatte, Miibxaaratte,

⁴³Maagdi'eelattee Iiraamattee hee'llo'o. Eesa'am Eedoo'm uullanne eekeenina hundinam anni hee'ukko.