Read Hadiyya Qooccanchi Kitaaba 5 Bible Online

Qooccanchi Kitaaba 5 - Hadiyya bible

Qooccanchi Kitaaba 5

¹Kuk Addaam shumo'i aganna; Waa'i manna qooccu ammane ixxi hagaranne qooccukko.

²Ixxuwwam goonchoo meentichchoo issaa qooccukko; maasse'ukkome; ixxuwwi summam «Manna» yukko.

³Addaamik umur mat xibbee sad hiinchoo ihaakkoohaannonne ixxom laboo beeto qarukko; summam Seeta yaa weeshukko.

⁴Ixxim Seeta qaraa lasage sadeenti xibbi hiincho hee'aa mulli oosom goonaa landaa qarukko.

⁵Ixxim honsi xibbee sad hiinchoo hee'aa lehukko.

⁶Seetim mat xibbee onti hiinchoo hee'aa lasage Heenoosa qarukko.

⁷Ixxim Heenoosa qaraa lasage sadeenti xibbee lamar hiinchoo hee'aa mulli ooso goonaa landaa qarukko.

⁸Ixxim honsi xibbee tommoo lam hiinchoo hee'aa lehukko.

⁹Heenoosim honsayyi hiincho hee'aa Qayinaana qarukko.

¹⁰Heenoosim Qayinaana Qaraa lasage sadeenti xibbee tommoo onti hiinchoo hee'aa mulli ooso goonaa landaa qarukko.

¹¹Heenoosim honsi xibbee onti hiinchoo hee'aa lehukko.

¹²Qayinaan xbbee lamarayyi hiinchoo hee'aa Malaali'eela qarukko.

¹³Qayinaan Malaali'eela qaraa lasage raman xibbee sor hiinchoo hee'aa mulli ooso goonaa landaa garukko.

¹⁴Ixxim honsi xibbee tommi hiinchoo hee'aa lehukko.

¹⁵Malaali'eel lohayyee onti hiinchoo hee'aa Yaareeda qarukko.

¹⁶Malaali'eelim Yaareeda qaraa lasage sadeenti xibbee sad hiinchoo hee'aa mulli ooso goonaa landaa qarukko.

¹⁷Ixxim sadeenti xibbee honsayyee onti hiinchoo hee'aa lehukko.

¹⁸Yaareedim mat xibbee lohayyee lam hiinchoo hee'aa Heenooka qarukko.

¹⁹Yaareedim Heenooka qaraa lasage sadeenti xibbi hiincho hee'ukko; ixxim mulli keenom goonaa landaa qarukko.

²⁰Ixxi umurim honsi xibbee lohayyee lam hiinchoo ihaa lasage lehukko.

²¹Heenookim lohayyee onti hiinchoo hee'aa Maatuusaala qarukko.

²²Ee lasage Heenookim Waa'inne mateeyyooma marukkuuyyi sas xibbi hiincho hee'aa mulli ooso qoonaa landaa qarukko.

²³Ixxim sas xibbee lohayyee onti hiinchoo hee'ukko.

²⁴Heenookim hee'u heechchi hundam Waa'inne mateeyyi issu bikkina ka uullanne siidamoobee'isa Waa'i massukko.

²⁵Maatuusaalim mat xibbee sadeentayyee lamar hiinchoo hee'aa Laameeka qarukko.

²⁶Maatusaalim Laameeka qaraa lasage lamar xibbee sadeentayyee lam hiinchoo hee'aa mulli ooso goonaa landaa qarukko.

²⁷Maatusaalim honsi xibbee lohayyee honsi hiinchoo hee'aa lehukko.

²⁸Laameekim mat xibbee sadeentayyee lam hiinchoo hee'aa mat beeto qarukko.

²⁹Laameekim «Ka Waa'i duumu uullanne malaayyaam baxiinsi ku beet neese gatisookko» yaa beet summa Nohe[2] yaa weeshukko.

³⁰Laameekim Nohe'e qaraa lasage onti xibbee honsayyee onti hiinchoo hee'aa mulli ooso goonaa landaa qarukko.

³¹Ixxim lamar xibbee lamarayyee lamar hiinchoo hee'aa lehukko.

³²Nohe'im onti xibbi hiincho hee'aa sas ooso Seema, Kaamaa Yaafeetaa qarukko.