Read Hadiyya 1 Agannuwwi Kitaaba 2 Bible Online

1 Agannuwwi Kitaaba 2 - Hadiyya bible

1 Agannuwwi Kitaaba 2

¹Yaaqoob tommoo lam goo'n oosoo qarukko; ixxuwwim Roobeelatte, Simi'oonatte, Leewe'ette, Yihudatte, Yisaakooratte, Zaabiloonatte,

²Daanatte, Yoosefatte, Biiniyaamatte, Niftaaleematte, Gaadattee Aseerattee hee'llo'o.

³Yihudina Kana'aa'n uullitan hee'llo'i Baatishuha yakkam meentichcho Eera, Onaanaa Seeloomaa sas goo'n ooso qatto'o. Won beet hee'u Eerim Waa'i illagenne jor manchi hee'u bikkina Waa'i lehinne guzumo'u bikkina

⁴Yihud ixxi beetaretti hee'llo'i Ti'iimaarenne Faareesaa Zaaraahaa lam goo'n ooso qarukko. Ee bikkina Yihudina onti goo'n oos hee'ukko.

⁵Faareesim Heesiroonaa Hamuulaa lam goo'n ooso qarukko.

⁶Ixxi abbaayyi Zaaraahim Zimiira, Eetaana, Heemaana, Kaalkoolaa Daardaa'aa onti goo'n ooso qarukko.

⁷Zaaraah shumo'iinsi mat ihu Kaariim beet Akaan Waa'ina annanni ihu luwwiinsi game'aa massaa maaxu bikkina Isra'ee'l minaadabanne booban waarukko.

⁸Eetaanim Azaariya yakkam mat beeto qarukko.

⁹Heesiroon Yiraahima'eela, Raamaa Kaaleebaa sas goo'n ooso qarukko.

¹⁰Araam Aaminaadab anni hee'ukko. Aaminaadab Yihud oosina awwonsaanchi hee'u Na'aasoona qarukko.

¹¹Na'aasoon Saalmoona qarukko. Saalmoon Boo'eeza qarukko.

¹²Boo'eez Yoobeeda qarukko. Yoobeedim Issayye qarukko.

¹³Issayyem won beeto Eeli'aaba, la'mmekam Aaminaadaba, saxxekam Shaama'a,

¹⁴soo'llekam Naatinaa'eela, ontika Raadaya,

¹⁵lohika Ooxeemaa lama'lleka Daawiitaa qarukko.

¹⁶Issayyi Xiruyee Abigeelee lam landa qarukko. Xiruyam sas goo'n ooso Abiisa, Yoo'aabaa Asaaheelaa qatto'o.

¹⁷Issayyet Abigeele yakkam la'm landichchom Isma'eel shumo'iinsetti ihu Yeeteerina Amaasa yakkam goonchi beeto qatto'o.

¹⁸Heesiroon beet Kaaleeb Azuuba yakkam landichcho eebaa Yiri'oota yakkam landichcho qarukko. Yiri'ootam Yesheera, Shobaabaa Ardoonaa sas goo'n ooso qatto'o.

¹⁹Azuuba leta'a lasage odim Kaaleeb Efiraata yakkam meentichcho eebaa Huur yakkam goonchi beeto qarukko.

²⁰Huurim Uur yakkam beeto qarukko. Uurim Baasili'eela yakkam beeto qarukko.

²¹Heexiroon ixxek umur lohayyi hiincho ihaakkoohaannonne Gala'aadina aayyat hee'llo'i Maakir landichcho eebaa Saguuba yakkam beeto qarukko.

²²Saguubim Yaa'iira yakkam beeto qarukko. Yaa'iirim Gala'aaxxi uullanne hee'u lamiyyee sas beero'uwwaa gassam hee'ukko.

²³Ihukkaarem Gaashuurikii Araa'm adilluwwii hoffi beero'uwwika lohayye ihooqaxa ee Gala'aaxxi uulla kaa'lla'a amaddo'o. Oohim Yaa'iirikaa Qanaatikaa hegeegguwwa edaa ixxuwwi kululleetanne yoo hoffi beero'uwwa hundam edaatette hee'ukko. Eekke'enne hee'llo'i minaadab hundim Gala'aadina anni hee'u Maakir shumo'o hee'llo'o.

²⁴Heexiroon Kaaleeb Efiraatanne lehaa lasage Abiyaa yakkam ixxi meentichcho Ashuura yakkam beeto ixxena qatto'o. Ashuur Taqo'ina anna.

²⁵Heesiroonina won hee'u Yiraahima'eel onti goo'n ooso qarukko. Ixxuwwim Raamatte, Buunatte, Oreenatte, Oxeemattee Ahiyattee hee'llo'o.

²⁶Raam sas goo'n ooso qarukko; ixxuwwim Maa'aaxatte, Yaamiinattee Eqeerattee hee'llo'o. Yiraahima'eel odim Ataaraa yakkam mulli meentichcho eebaa Oonaamo yakkam goonchi beeto qarukko.

²⁷

²⁸Oonaamim Shaamaayaa Yaadaa'aa lam goo'n ooso qarukko; Shaamaayim Naadaabaa Abiishuuraa lam goo'n ooso qarukko.

²⁹Abishuurim Abiihaayila yakkam meentichcho eebaa Ahibaanaa Mooliidaa lam goo'n ooso qarukko.

³⁰Naadaab Seleedaa Afaayimaa lam goo'n ooso qarukko; ihukkaarem Seleed matem oosom qaroo'nnim lehukko.

³¹Afaayiimim Yushii'i yakkam goonchi beeto qarukko; Yushii'im Sheshaana yakkam beeto qarukko; Sheshaanim Ahilaay yakkam beeto qarukko.

³²Shaamaay abbaayyi Yaadaa'i Yeteeraa Yoonaataanaa lam goo'n ooso qarukko; ihukkaarem Yeteer matem oosom qaroo'nnim lehukko.

³³Yoonaataanim Feeleetaa Zaazaa lam goo'n ooso qarukko; ixxuwwi hundim Yiraahima'eel shumo'i hee'llo'o.

³⁴Eshaanina landiinsi bagaan goo'n oos hee'ukkoyyo; ixxenam Yaarha'a yakkam mat Gibxi uulli awwaadaanchi hee'ukko.

³⁵Ixxim ee awwaadaanchina ixxi landiinsi mato ladiisukko; Yaarha'imim Aataaya yakkam mat beeto qarukko.

³⁶Aataayiinsi Eeliishaamanne afeebe'e yoo qaranchi lugum Iitaayatte, Naataanatte, Zaabaadatte,

³⁷Eefilaalatte, Oobeedatte,

³⁸Iyyu'utte, Azaariyatte,

³⁹Heeleexatte, Eeli'aasatte,

⁴⁰Sismaayatte, Shaaluumatte,

⁴¹Yiqaamiyattee Eeliishaamaa'attee hee'ukko.

⁴²Yiraahima'eelina abbaayyi hee'u Kaaleeb won beetik summi Meshaa'a yakkaman hee'ukko; ixxim Ziifa yakkam beeto qarukko. Ziifim Maareesha qarukko; Maareeshim Keebiroona qarukko.

⁴³Keebiroonim Qore'e, Taaphuha, Reeqeemaa Sheemaa'aa soor goo'n ooso qarukko.

⁴⁴Shemaa'im Raahama qarukko; Raahamim Yorqa'aama qarukko; Sheemaa'i abbaayyi Reqemim Shaamaaya qarukko.

⁴⁵Shaamaayim Maa'oona qarukko; Maa'oonim Beetxuura qarukko.

⁴⁶Kaaleebina Eefaa yakkam bakki meentichcho hee'llo'o. Iseensim Haraana, Mooxaanaa Gaazeezaa sas goo'n ooso qarukko. Haraanim Gazeezaa yakkam beeto qarukko.

⁴⁷Yaahidaayya yakkam manchim Regema, Yootaama, Geeshaana, Pheeleexa, Eefaanaa Shaa'aafaa loh goo'n ooso qarukko.

⁴⁸Kaaleebina Maa'ikaa yakkam mulli bakki meentichchom hee'llo'o. Isseensim Shebeeraa Tiirihanaa lam goo'n ooso qarukko.

⁴⁹Oo meentichchom hofqax ammanniinsi lasage lam goo'n ooso edda'a qatto'o. Ixxuwwikim summi Maadimaanina anni hee'u Saafaanattee Maakibinaa Giibi'inaa anni hee'u Shaawaanattee hee'ukko. Kaaleebina odim Akisa yakkam mat landichcho hee'llo'o.

⁵⁰Kanniinsi woroon yo'i keenim Kaaleebina shumo'i hee'llo'o. Huur Kaaleebina Efiraata yakkam ixxi meentichchoonsi qaramaakkoo won beet ihukkuuyyi Huur beet Qiiryaatyi'aariimina anni hee'u Shoobaalatte.

⁵¹Odim Huurina la'm beet hee'u Saalimaa'i Beeteeliheemina anna. Huurina saxxi beet hee'u Hareefim Beetigaaderina anna.

⁵²Qiiryaatyi'aariim anni ihu Shoobaalina mulli oosim hee'ukko. Ixxuwwim Heeroo'eetaanninaa Manuhoot moollaanninaa kolloomina anni hee'ukko.

⁵³Ee'isam Qiiryaatyi'aariim abaroos hee'llo'i keen Yutira'i manna, Fuutaa'i manna, Shumaataa'i mannaa Miishiraa'i mannaa yamantam manni hee'llo'o. Ixxuwwiinsim Xoore'ikii Eeshtaa'ool qaranchii siidamukko.

⁵⁴Saalimaa'i oos Naaxoof manna, Axaarootbeetiyo'aab manna, Maanaahat minaadaphphi kolloo Xoore'i mannaa hee'llo'o.

⁵⁵Aganna kitaabimminnee la'imminnee qoolluwwi hee'llo'i Tiire'i manni, Shiimi'i mannii Suuka'i mannii Yaabeex beero'onne hee'llam hee'llo'o. Ixxuwwim Reekaab mannina anni hee'u Hameetiinsi qaranto'oo Qeena'i manni hee'llo'o.