Read Hadiyya 1 Agannuwwi Kitaaba 25 Bible Online

1 Agannuwwi Kitaaba 25 - Hadiyya bible

1 Agannuwwi Kitaaba 25

¹Adil Daawiitii Leewi'i oos awwonsaanii Asaafika, Heemaanikaa Yiduutuunikaa ooso maasinqo'inne, diitta'innee doolinnee hiraago woccona do'llito'o. Ee awwaadina doo'llanto'i keenim kanniinsi woroon yo'i keeno.

²Zaakur, Yooseef, Nataaniyii Asaari'eelii soorim Asaafina oos ikka'a adil ijaaccisinne hiraago wocoo ixxuwwi anni ihu Asaaf awwonsaxxi woronne hee'llo'o.

³Gadaaliy, Xar, Yaashaay, Shiimi'i, Hashaabiyii Maatitiyii lohim Yiduutuun oos ikku'uuyyi maasiinqo'inne Waa'a galaxxukkuuyyii lonsukkuuyyii hiraago wocoo ixxuwwi anni awwonsaxxi woronne hee'llo'o.

⁴Heemaan oos tommoo sooroo; ixxuwwim Buqiyatte, Maataaniyatte, Uzii'elatte, Shabu'eelatte, Yaarmootatte, Hanaaniyatte, Hanaanatte, Eeli'aatatte, Giidaaltatte, Romaamti'eezeratte, Yoshbaqaashatte, Maalotatte, Hotiirattee Maahzii'attee hee'lloo.

⁵Waa'im adilina hiraagaanchi ihu Heemaanina ka tommoo soorem goo'n oosoo sas landaa uwwukko; eekkam issukkok Heemaanika malaayye qoxxiseena uwwaa hee'u neeyyaxxi saga'llisinnette.

⁶Ku ixxi goo'n oos hundim Keesammi Minenne doolinne, diitta'innee maasiinqo'innee ihoo Keesammi Mi'n awwaadina ixxuwwi anni awwonsaxxi woronne hee'llo'o; Asaaf, Yiduutuunii Heemaanii odim adi'l awwonsaxxi woronne hee'llo'o.

⁷Ku keen ixxuwwi qarmanninne maqirem Waa'ina hincoo mazmuura erisa laqqam keen hee'llo'o; ixxuwwikim xig mat ihaa 288 hee'ukko.

⁸Bax sharada qoodimmina woraadam ihukko lommanna losisaanom ihukko losaano ayyem annanni issitoo'n ixxuwwina'i ixxuwwim saamo issaqqantam hee'llo'o.

⁹Luxxi saam Asaaf moolliinsetti ihu Yooseefna firukko; ixxek oosikii ixxi abbaayyuwwikii xig 12 hee'ukko. La'mmek Gadaaliyina firukko; ixxek, oosikii ixxi abbaayyuwwikim xig 12 hee'ukko.

¹⁰Saxxek Zaakuurina firukko; ixxek, oosikii ixxi abbaayyuwwikii xig 12 hee'ukko.

¹¹Soo'llek Yiixiirina firukko; ixxek, oosikii ixxi abbaayyuwwikii xig 12 hee'ukko.

¹²Ontik Naataaniyina firukko; ixxek, oosikii ixxi abbaayyuwwikii xig 12 hee'ukko.

¹³Lohik Buuqiyina firukko; ixxek, oosikii ixxi abbaayyuwwikii xig 12 hee'ukko.

¹⁴Lama'llek Asaari'eelina firukko; ixxek oosikii ixxi abbaayyuwwikii xig 12 hee'ukko.

¹⁵Sadeentik Yaasha'iyyina firukko; ixxek oosikii ixxi abbaayyuwwikii xig 12 hee'ukko;

¹⁶Honsik Maataaniyina firukko; ixxek, oosikii ixxi abbaayyuwwikii xig 12 hee'ukko.

¹⁷Tommik Shiimi'ina firukko; ixxek, oosikii ixxi abbaayyuwwikii xig 12 hee'ukko.

¹⁸Tommikii matikii Azaari'eelina firukko; ixxek, oosikii ixxi abbaayyuwwikii xig 12 hee'ukko.

¹⁹Tommikii la'mmekii Hashaabiyina firukko; ixxi, ixxi oosii ixxi abbaayyuwwii 12 hee'llo'o.

²⁰Tommikii saxxi saamii Shubaa'eelina firukko; ixxi, ixxi oosii ixxi abbaayyuwwii 12 hee'llo'o.

²¹Tommikii soo'l saamii Maatitiyina firukko; ixxi, ixxi oosii ixxi abbaayyuwwii 12 hee'llo'o.

²²Tommikii onti saamii Yaariimootina firukko; ixxi, ixxi oosii ixxi abbaayyuwwii 12 hee'llo'o.

²³Tommikii loh saamii Hanaaniyina firukko; ixxi, ixxi oosii ixxi abbaayyuwwii 12 hee'llo'o.

²⁴Tommikii lama'l saamii Yooshbaaqaashina firukko; ixxi, ixxi oosii ixxi abbaayyuwwii 12 hee'llo'o.

²⁵Tommikii sadeenti saamii Hanaanina firukko; ixxi, ixxi oosii ixxi abbaayyuwwii 12 hee'llo'o.

²⁶Tommikii honsi saamii Maalootina firukko; ixxi, ixxi oosii ixxi abbaayyuwwii 12 hee'llo'o.

²⁷Lamiyyi saam Eeliyaatina firukko; ixxi, ixxi oosii ixxi abbaayyuwwii 12 hee'llo'o.

²⁸Lamiyyikii mat saamii Hootiirina firukko; ixxi, ixxi oosii ixxi abbaayyuwwii 12 hee'llo'o.

²⁹Lamiyyikii la'm saamii Gidaaliitina firukko; ixxi, ixxi oosii ixxi abbaayyuwwii 12 hee'llo'o.

³⁰Lamiyyikii saxxi saamii Maaziyootina firukko; ixxi, ixxi oosii ixxi abbaayyuwwii 12 hee'llo'o.

³¹Lamiyyikii soo'l saamii Roomaamiti'eezerina firukko. Ixxi, ixxi oosii ixxi abbaayyuwwii 12 hee'llo'o.