Read Hadiyya 1 Agannuwwi Kitaaba 27 Bible Online

1 Agannuwwi Kitaaba 27 - Hadiyya bible

1 Agannuwwi Kitaaba 27

¹Isra'ee'l moolli awwonsaa'nnek, shaalaqquwwik, xibbi halaqquwwikii ixxuwwi ijaajaa'nnekii summi kanniinsi woroon yoohane. Baxxanchuwwina annannichchinam 24,000 manchi yoohan ihaa oo keen hiinchooma hundoomam agananne agananne adilina awwaaddam keeno.

²Luxxi aga'n luxxi baxxanchina awwonsaanchi Zaabdii'eel beet Yaashoobi'aamatti hee'ukko. Ixxi baxxanchannem lamiyyii soor kum manchi hee'ukko.

³Ixxim Yihuxxi sulliinsetti ihu Faarees moollan hee'ukko. Ixxim luxxi agananne gaadaa'n awwonsaan hundinam awwonsaanchi hee'ukko.

⁴La'm aga'n baxxanchina awwonsaanchi hee'ukkok Ahooh moolli Doodaayatte hee'ukko; ixxi baxxanchanne 24,000 manchi hee'ukko. Miiqlootim ixxeensi awwonaa la'm beyyi awwonsaanchi hee'ukko.

⁵Saxxi aganina saxxi baxxancha awwonsaanchi qeessichchi Yoodaah beet Baanaayatte hee'ukko; ixxi baxxanchanne 24,000 manchi hee'ukko.

⁶Baanaay sadem keeniinsim wodaam ihaa ee sadinam awwonsaanchi hee'ukko; ixxi beet Amiizaabaadim saxxi baxxanchina awwonsaanchi hee'ukko.

⁷Soo'l aga'n soo'l baxxancha awwonsaanchi Yoo'aab abbaayyi Asaaheelatte hee'ukko; ixxi beet Zebaadyim ixxo bikkaa ee baxxanchina awwonsaanchi ihukko; ixxi baxxanchannem 24,000 manchi hee'ukko.

⁸Onti aga'n onti baxxancha awwonsaanchi Yixihaar shumo'iinsette hee'u Shaamihutte hee'ukko; ixxi baxxanchanne 24,000 manchi hee'ukko.

⁹Loh aga'n loh baxxanchik awwonsaanchi Taqo'i shumo'iinsetti ihu Iiqeesh beet Iiratte hee'ukko; ixxi baxxanchanne 24,000 manchi hee'ukko.

¹⁰Lama'l aga'n lama'l baxxanchik awwonsaanchi Efireem sulliinsetti ihu Phaloona'i shumo'i Heeleexatte hee'ukko; ixxi baxxanchannem 24,000 manchi hee'ukko.

¹¹Sadeenti aga'n sadeenti baxxanchik awwonsaanchi Huusha'i shumo'iinsetti ihu Siibakaayatte hee'ukko; ixxim Yihuxxi sullan ihu Zaara'i shumo'iinsette hee'ukko; ixxi baxxanchannem 24,000 manchi hee'ukko.

¹²Honsi aga'n honsi baxxanchik awwonsaanchi Biiniyaam sulliinsi Anaatoot shumo'an ihu Abi'eezeratte hee'ukko; ixxi baxxanchannem 24,000 manchi hee'ukko.

¹³Tommi aga'n tommi baxxanchik awwonsaanchi Zaarah moolliinsettiihu Naxoof shumo'an ihu Maahiraayatte hee'ukko; ixxi baxxanchanne 24,000 manchi hee'ukko.

¹⁴Tommikii mat aga'n tommikii mat baxxanchikii awwonsaanchi Efireem sulliinsi Jortoo'n shumo'an ihu Baanaayatte hee'ukko; ixxi baxxanchannem 24,000 manchi hee'ukko.

¹⁵Tommikii la'm aga'n tommikii la'm baxxanchikii awwonsaanchi Ootini'eel moollinsetti ihu Naaxoof shumo'i Heldaayatte hee'ukko; ixxi baxxanchannem 24,000 manchi hee'ukko.

¹⁶Isra'ee'l sulluwwi gassaa'nnek summi kanniinsi woroon yoohane; oohim Roobeel sulli gassaanchi Ziikir beet Eeli'eezaratte; Simi'oon sulli gassaanchi Maa'ik beet Shafaaxyatte.

¹⁷Leewi'i oos sulli gassaanchi Qamu'eel beet Hashaabiyatte; Aaroon moolli gassaanchi Saadooqatte.

¹⁸Yihuxxi sulli gassaanchi adil Daawiit abbaayyuwwiinsi mat ihu Eeliihutte; Yisaakoor sulli gassaanchi Mikaa'eel beet Omiiratte.

¹⁹Zaabiloon sulli gassaanchi Abdiy beet Yushimaa'iyatte; Niftaaleem sulli gassaanchi Aziri'eel beet Yaarmootatte.

²⁰Efireem sulli gassaanchi Azaaziy beet Hose'atte; eelliinchi aagginne hee'oo kolli Minaas sulli gassaanchi Fadaay beet yoo'eelatte.

²¹Eelliinchi firinne hee'oo kolli Minaas sulli gassaanchi odim Zakaaryaas beet Yiddo'otte; Biiniyaam sulli gassaanchi Abaaneer beet Yaa'isii'eelatte.

²²Daanni sulli gassaanchi Yirohaam beet Azaari'eelatte.

²³Waa'i «Isra'ee'l minaadaba iima'n boollaanki qaxa fikkaannisoommo» yaa wocu neeyyaxxi saga'llisinne umur lamiyyee lamiyyiinsi woroonii yookkoka adil Daawiit minaadabinne edaa xigukkoyyi hee'ukko.

²⁴Xaaruyyi beet Yoo'aab minaadaba xigimma asheerukkaarem guullukkoyyi hee'ukko; ee minaadaba xigimmi mashka'inne Waa'i quuqaa hee'u bikkina xigamu mannik xig adil Daawiit adilla'n aganni doonanne kitaabamukkoyyi hee'ukko.

²⁵Adilla'n mi'n mu'uta anni ikka'a egettam kee'nnek summi kanniinsi woroon yoohane. Adilla'n mi'n mu'uta dissakkam minenne yoo mu'uta egeraanchi Adi'eel beet Azmaaweetatte. Hax uullanne, beero'uwwanne, hegeegguwwannee girbuwwannee yoo mu'uxxi minneewwa gassaanchi Uziyyi beet Yoonaataanatte.

²⁶Isra'ee'l uulla abuullaano ijaajaanchi Kaaluub beet Eeziratte.

²⁷Woyi'n kaashshi beyyuwwa gassaanchi Raama'i beero'i Shiimi'atte. Woyi'n diqaas mu'uxxi mi'n gassaanchi Shaafaa'm Zaabdii'atte.

²⁸Eelliinchi aagginne yoo hoffi duunnuwwiinsi woroon hee'oo weerinaa oda'inaa gassaanchi Geedee'l Ba'aalhanaanatte.

²⁹Saaroonanne allaa'lloo diinate gassaanchi Saaroo'n uulli Shiixraayatte. cebbanne allaa'lloo diinate gassaanchi Adilaay beet Shafaaxatte.

³⁰Gaameela'a gassaanchi Isma'eel shumo'iinsetti ihu Obiilatte; halli gassaanchi Meeroo'n beero'i Yehidyatte.

³¹Gereebbaa fella'aa gassaanchi Aggaar shumo'iinsetti ihu Yaaziizatte hee'ukko.

³²Adil Daawiitina annabbaayyi ihu Yoonaataan qoor sogaanchoo kitaabaanchoo hee'ukko. Hakmoon beet Yihii'eel adi'l ooso losisaanchi hee'ukko.

³³Akxoofeel adilina sogaanchi ihukkuuyyi Arke'i uulli Hushaay odim adilina beshichchi hee'ukko.

³⁴Akxoofeel lehaa lasage Abyaataarii Baanaay beet Yihooyaada'ii adi'l sogaan ikko'o. Yoo'aabim adi'l gogotina ijaajaanchi hee'ukko.