Read Hadiyya 1 Agannuwwi Kitaaba 4 Bible Online

1 Agannuwwi Kitaaba 4 - Hadiyya bible

1 Agannuwwi Kitaaba 4

¹Yihud shumo'i Faareesatte, Heesiroonatte, Kaarmatte, Huurattee Shobaalattee hee'llo'o.

²Shobaali Raa'aaya qarukko. Raa'aayim Yaahata qarukko. Yaahatim Xooraa'anne hee'llam minaadabina gaassi anno'i hee'llo'i Ahumaayinaa Laahaadaa qarukko.

³Huur ixxi anni Kaaleebina meentichchotti hee'llo'i Efiraatana won hee'ukko. Beetalihee'm beero'o luxxeka baxxo'ok ixxi shumo'i hee'llo'o. Ixxim Eexa, Phanu'eelaa Eezeraa sasom qarukko. Eexim Yizraa'eela, Yushimaa Yudbaashaa yamantam sas goo'n oosoo Haxileliphoone yakkam landichchoo qarukko. Phaanu'eel Gedoor beero'o, Eezeerim Husha'i beero'o luxxeka baxukko.

⁵Taqo'aa'i beero'o luxxeka baxukkok Ashihuuratte. Ixxenam Heelaa Naa'iraa yakkam lam meenti hee'ukko.

⁶Ashihuurim ixxi meentichchonne Naahiranne Ahuzaama, Heefeera, Teminaa Ahaashitaaraa soor goo'n ooso qarukko.

⁷Ee'isam heela'aansi odim Dereeta, Yixihaara, Etinaa Qooxaa soor goo'n ooso qarukko.

⁸Qoox odim Aanubaa Xoobeebaa lam goo'n ooso qarukko. Qooxim Haarum beet Aharheel shumo'ina anni hee'ukko.

⁹Ixxi abaroos lambe'enne lobakat lombaam hee'u Yaabeexa yakkam mat manchi hee'ukko. Ixxi ama ixxo qatto'i ammane kee'mmaallisa xuu'lla'a hee'llo'i bikkina ixxeka summa «Yaabeexa» yita'a weeshsho'o.

¹⁰Yaabeexim «I moollanna, eese at maasse'e; uullam at haraasse; at iinniinsi hore'em annanni ikkitte; eesenne hawwo afiseena xanoo jor luwwiinsi hundiinsim at eese egere» yaa Isra'ee'l Moollanni Waa'a uunxukko; Waa'im ixxi uunxukkoka uwwukko.

¹¹Shuha'i abbaayyi Kaluub Mahiir yakkam mat goonchi beeto qarukko. Mahiirim Eshtoona qarukko.

¹²Eshtoonim Betraafa, Faasehanaa Tahiinaa sas goo'n ooso qarukko. Tahiinim Naahasha yakkam beero'o baxukko. Ixxuwwi shumo'im Rekaa yakkam uullanne hee'llam hee'llo'o.

¹³Qanaazim Otni'eelaa Saraayaa lam goo'n ooso qarukko. Otni'eelim Hataataa Ma'ontaayaa lam goo'n ooso qarukko.

¹⁴Ma'ontaayim Oofira qarukko. Saraayim angi lachchi bax qooroom yoo manni hee'llam Geehaaraasha yakkam beero'o baxu Yoo'aaba qarukko.

¹⁵Yaafun beet Kaaleeb Iira, Eelaa'a, Naa'aama, sas goo'n ooso qarukko. Eela'am Qanaaza qarukko.

¹⁶Yihaali'eelim Ziif, Ziifaa, Tiiriiyaa Asaari'eelaa soor goo'n ooso qarukko.

¹⁷Izirim Yeteera, Mereeda, Efeeraa Yaaloonaa soor goo'n ooso qarukko. Meereedim Biitiya yakkam Gibxi uulli adi'l landichcho eebaa Shaamaayaa Yushibaahaa yakkam lam goo'n oosoo Maaryaame yakkam mat landichchoo qarukko. Yushbaahim Eshitaamohaa yakkam beero'o baxukko. Meereedim Yihuxxi sulliinsi mat landichcho eebaa Geedoor beero'o baxu Yeereeda, Sokoo'n beero'o baxu Hebeeraa Zaanoha'n beero'o baxu Yaqiiti'eelaa qarukko.

¹⁹Hoodiyim Naaham aayya eebukko. Ixxuwwi Shumo'im Qa'iilaa'i beero'onne hee'llam hee'llo'i Gaarim moollinaa Eshitamo'i beero'onne hee'llam hee'llo'i Maa'ikaat moollinaa anno'i ikko'o.

²⁰Shiimoonim Aminoona, Riina, Benhanaanaa Tiiloonaa soor goo'n ooso qarukko. Yushi'im Zohetaa Benzohetaa lam goo'n ooso qarukko.

²¹Sheelaa'i Yihuxxi oosiinsi mat ihaa ixxi shumo'im Lekaa'n beero'o baxu Eeratatte, Maareeshaa'n beero'o baxu Laa'idaatatte, Bet Ashbee'i beero'i manni ikko'i talbi fatirinne dadamaakkoo qeeraa'l eddechcha baxxam moollo,

²²Yooqiimatte, Koozeephphi beero'onne hee'llam Moo'aaphphi uulli meento eebba'a Beeteliheemanne afuutta'a hee'llo'i Yoo'aasattee Saaraafattee hee'llo'o. Ku aganni gaassiinsim ki'isaa hee'ukko.

²³Ixxuwwim adi'l buchchi mu'uta baxaan ikka'a Naxaa'iimaa Gadeeraa yakkam beero'uwwanne hee'llam hee'llo'o.

²⁴Simi'oon Namu'eela, Yaamiina, Yaariiba, Zeraahi'aa Shaa'uulaa onti goo'n ooso qarukko.

²⁵Shaa'uulim Shaaluuma qarukko. Shaaluumim Miibsaama qarukko. Miibsaamim Miishima'a qarukko.

²⁶Ee lasage Miishima'i Hamu'eela qarukko. Hamu'eel Zaakura qarukko. Zaakur Shiimi'a qarukko.

²⁷Shiim'i tommoo loh goo'n oosoo loh landaa qarukko. Ihukkaarem ixxi abbaayyuwwi lobakat ooso qatto'oyyo. Ee bikkina Simi'oon sulli Yihuxxi sullisa lobakata fikkaannukkoyyo.

²⁸Adil Daawiit adilla'n doolli afeebe'e Simi'oon shumo'i hee'llam hee'llo'i beero'uwwi Bersaabeha, Molaada, Haxaarshu'aala,

²⁹Biiliha, Eexeema, Tolaada,

³⁰Baatu'eela, Hoorima, Xiqlaaga,

³¹Beetmaarkaaboota, Hoxaarsuusiima, Beetbiiraa Shaa'iraayimaa hee'ukko.

³²Ee'isam Eexaama, Aayina, Rimoona, Tokeena, Ashaana, mulli onti hoffi beero'uwwannee

³³ee hegeegguwwanne hee'oo hoffi beero'uwwannee hee'llam hee'llo'o. Oo ixxuwwi hee'llam beyyim woroo'n qarinne Baa'ilaat beero'i afeebe'e afam hee'ukko. Simi'oon sullim ixxuwwi abaroos bikkinaa ixxuwwi hee'llam hee'llo'i beyyuwwi bikkinaa kitaabba'a dissita'a hee'llo'ok eehan hee'ukko.

³⁴Ixxuwwi moolli awwonsaanim Mashoobaabatte, Yaamilekkatte, Ameesiyaas beet Yooshatte, Yoo'eelatte, Yooshiibiy beet Iyyu'utte, Saaraay beet Yoshiibiyatte, Asa'eel beet Saaraayatte, Eeliyo'eenaayatte, Yaaqoobatte, Yeshoohaayatte, Asaayatte, Adi'eelatte, Yeshimi'eel Baanaayatte, Shiifi'i beet Ziizatte, Yadaayina, Shiimirinaa Shamaa'iyinaa shumo'i ihu Aloon beet Shiifi'attee hee'llo'o. Ka kee'nnek abaroos lophphukkuuyyi marimminne

³⁹eelliinchi aagginne Garaar afeebe'e haraatto'o. Lete'i cebbiinsi eelliinchi firinne beero'i yoo beyyonnem ixxuwwi gereebbi allaa'llam hee'ukko.

⁴⁰Eekke'em cawwaakkoo xummi leerakkoo biir uullanne harish ihaakkoo lobakat hixaam uulla siiddo'o. Illageen ee beyyonne hee'llam hee'llo'i minaadab Kaam shumo'i hee'llo'o.

⁴¹Yihuxxi adil Hizqiyaas adilla'n doollenne hanaan summi kitaabamu manni Garaara matta'a eekke'enne hee'llam minaadaphpheka dukkaanaa minneewwaa hundam gindito'o. Kaam sulloo Ma'uun mannaa guullita'a bi'isso'o. Ixxuwwi gereebbina ihoo lobakat allaachchi beyyo siiddo'i bikkina ee beyyonne hee'llo'i manna hollita'a ixxuwwi hore'oomam ee beyyonne hee'imma asheetto'o.

⁴²Simi'oon shumo'iinsi onti xibbe ikkam qax manni eelliinchi firinne aa'lla'a Eedoo'm duunanne fitto'o. Ixxuwwam awwonsitam hee'llo'ok Yuushi'i oos Phalaaxiyatte, Na'aaryatte, Raafaayattee Uzi'eelattee hee'llo'o.

⁴³Ixxuwwim eekke'enne gatta'a hee'llo'i Amaaleeq manna hundam guullitto'o; ixxuwwim ee ammaniinsi ki'isaa ee beyyonne afuutto'o.