Read Hadiyya 1 Agannuwwi Kitaaba 7 Bible Online

1 Agannuwwi Kitaaba 7 - Hadiyya bible

1 Agannuwwi Kitaaba 7

¹Yisaakoor Soor goo'n ooso qarukko; ixxuwwim Tola, Fuuwa, Yaashuubaa Shiimroonaa yakkam keen hee'llo'o.

²Toola'i Uuza, Raafaaya, Yirii'eela, Yaahimaaya, Yubsaamaa Shamu'eelaa yakkam loh goo'n ooso qarukko; ixxuwwim Toola'i moolli abaroosina awwonsaan ikku'uuyyi adil Daawiit adilla'n doollenne la'anto'oo o'l manni hee'llo'o; ixxuwwi shumo'i xigim 22,600 hee'ukko.

³Uuzi'i Yuziraahiya yakkam mat goonchi beeto qarukko; Yuziraahiy ixxi soor goo'n oosinne maqirem Mikaa'eelinne, Abdiyinne, Yoo'eelinnee Yushiiya'innee maqirem abaroos awwonsaan hee'llo'o.

⁴Ixxuwwinam lobakat meentii oosii hee'u bikkina ixxuwwi shumo'iinsi oranteena xantam 36,000 goo'n oosoo hincaa'lla'a hee'llo'o.

⁵Yisaakoor sulli abaroosiinsi umur gaadina afu goo'n oosik xig 87,000 ihukkisa kuroo qaranchi doono'i hee'ukko.

⁶Biiniyaam Beela'a, Beekeeraa Yidii'eelaa yakkam sas goo'n ooso qarukko.

⁷Beelaa'im Exiboona, Uuza, Uuzi'eella, Yaariimootaa Iiraa onti goo'n ooso qarukko; ixxuwwim ixxuwwi moollina awwonsaanoo la'anto'oo o'l mannaa hee'llo'o; ixxuwwi shumo'iinsim umur orina afu goo'n oosik xig 22,034 hee'ukko.

⁸Beekeer Zamiira, Yoo'aasha, Eeli'eezara, Eelyo'eenaaya, Oomira, Yirmoota, Abiiya, Anaatootaa Alemeetaa honsi goo'n ooso qarukko.

⁹Ixxuwwi shumo'i abaroosiinsi umur orina afu 20,200 goo'n oosii hee'ukkis la'amaa hee'ukko.

¹⁰Yidii'eel Biilihaa yakkam beeto qarukko; Biilihim Yaa'usha, Biiniyaama, Ehuda, Kanaa'ina, Zeetaana, Taarshiishaa Ahiishaaharaa lamar goo'n ooso qarukko.

¹¹Ixxuwwim ixxuwwi moollina awwonsaanoo la'anto'oo o'l mannaa hee'llo'o; ixxuwwi shumo'iinsim umur orina afu 17,200 goo'n oos hee'ukko.

¹²Shufiimii Hufiimii Ahiir oos hee'llo'o; Hushiimim Aheer beet hee'ukko.

¹³Niftaaleem Yaahaaxi'eela, Guna, Yeexeeraa Shaaluumaa soor goo'n ooso qarukko; ixxuwwim Biileh shumo'i hee'llo.

¹⁴Minaas Sooriy uulli bakki meentichchoonsi Asri'eelaa Maakiiraa lam goo'n ooso qarukko; Maakiire odim Gala'aada qarukko.

¹⁵Maakiir Hufiimii Shiifiimii mat mat meento eebbamisa issukko; Maakiirina Maa'ikaa yakkam mat aayya hee'llo'o; Maakiirina la'm beet ihu Xaloofihaad xale'i landa qarukko.

¹⁶Maakiir meentichcho Maa'ikka Pheereshaa Sheereshaa lam goo'n ooso qatto'o; Pheeresha yakkam summa fissito'okim ise gagattem hee'llo'o; Pheereshim Ulaamaa Raaqeemaa lam goo'n ooso qarukko.

¹⁷Ulaamim Badaana yakkam mat beeto qarukko; ku keen hundim Minaas beetina beet hee'u Maakiir beet Gala'aad shumo'i hee'llo'o.

¹⁸Gala'aadina aayya Haamoleekette Iishooda, Abi'eezeraa Mahilaa sas goo'n ooso qatto'o.

¹⁹Shaamiid Ahiyana, Seekeema, Liiqihaa Anii'aamaa soor goo'n ooso qarukko.

²⁰Efireem Shuuteelaaha qarukko; Shuuteelaah Beereeda qarukko; Beereed Taahata qarukko; Taahat Eeli'aada qarukko; Eeli'aad Taahata qarukko.

²¹Taahat Zaabaada qarukko; Zaabaad Shuuteelaaha qarukko; Efireem Shuuteelahiinsi mulleka Eezeeraa Eeli'aadaa lam goo'n ooso qarukko; ixxuwwim Gaat mannika laro game'llu'uuyyi amadanta'a leto'o.

²²Ixxuwwi anni Efireemim ixxuwwina lobakat balla wi'llukko; ixxi qarimannim ixxo qoxxisseena waatto'o.

²³Ee lasage Efireem ixxi meentichchonne iinse'ukko; isem ixxena goonchi beeto qatto'o; ixxi abaroosanne afu hawwiinsi ki'isaatim ee beetika summa Barii'a yaa weeshukko.

²⁴Efireem Shee'iiraa yakkam landichcho qarukko; isem hanaa'nnekaa woro'n Beetihooraa ee'isam Uzeenshee'iiraa yakkam beero'uwwa baxisso'o.

²⁵Efireem Reefa yakkam mulli beetom qarukko; Reefa'i shumo'im Reesheefa, Telaaha, Taahana,

²⁶Laa'ida, Amhuuda, Eeliisha, Maa'a,

²⁷Naawe'ee Iyyaasoo yakkam keen hee'llo'o.

²⁸Efireem shumo'i hundim massita'a ixxuwwi gaqqi heechchi beyyi issito'i uulli Beeti'eelaa ixxi kululleetanne hee'oo hoffi beero'uwwaa ihaa eelliinchi firinne Naa'iraananne afeebe'e, eelliinchi aagginne odim Geezeeranne afeebe'e, ee'isam Geezee'l kululleetanne hee'oo hoffi beero'uwwa hundam edoohan hee'ukko. Seekeemaa Aayaa ixxuwwi kululleetanne hee'oo hoffi beero'uwwam edookko.

²⁹Minaas shumo'i Beetishaana, Taa'inaaka, Magidoona, Dooraa ee'isam ixxuwwi kululleetanne hee'oo hoffi beero'uwwaa ixxuwwi gulummi issita'a hee'llo'o. Ku beyyuwwi hundim Yaaqoob beet Yooseef shumo'i hee'llam hee'llo'i beyyuwwi hee'ukko.

³⁰Aaseer Yimina, Yishiwaa'a, Yishiwii'aa Barii'aa soor goo'n ooso qarukko; ee'isam Seeraah yakkam mat landichchom qarukko.

³¹Barii'aam Heebeeraa Maaliki'eelaa lam goo'n ooso qarukko; Maaliki'eel Biirzaaw yakkam beeto qarukko.

³²Heebeer Yaafileexa, Shoomeeraa Hotaamaa sas goo'n ooso qarukko; Shu'aa yakkam mat landichchom eeda qarukko.

³³Yaafileex Phaasaaka, Biimihaalaa Aashiwaataa sas goo'n ooso qarukko.

³⁴Yaafileet abbaayyi Shoomeer Roohigaa Yeehuubaa Araamaa yakkam sas goo'n ooso qarukko.

³⁵Yaafileet abbaayyi Hootaam Xoofaahaa Yuumnaa'aa Sheeleeshaa Aamaalaa yakkam soor goo'n ooso qarukko.

³⁶Xoofaah Shumo'i Suuha, Harneefeera, Shuu'aala, Beera, Yuumeera,

³⁷Beexeera, Hooda, Shaamaa'a, Shiilisha, Yuutiraanaa Ba'eeraa yakkam keen hee'llo'o.

³⁸Yeeteer shumo'i Yaafuna, Phiisiphphaa Araa'aa yakkam keen hee'llo'o.

³⁹Uulaa'i shumo'i Araaha, Hanii'eelaa Riixiyaa yakkam keen hee'llo'o.

⁴⁰Ku keen hundim Aaseer shumo'i hee'llo'o; ixxuwwim abaroosina awwonsaanoo doo'llanto'oo mannaa oranne la'anto'oo keenoo hee'llo'o; Aaseer shumo'ina oranteena xantam 26,000 goo'n oosii hee'llo'o.