Read Hadiyya Nahim Kitaaba 11 Bible Online

Nahim Kitaaba 11 - Hadiyya bible

Nahim Kitaaba 11

¹Minaadaphphi awwonsaan ixxuwwi heechchi beyyo Yerusaaleemanne issito'o. Ee'isam minaadabiinsi tommiinsi mat suume ihoo qax Yerusaalee'm beero'onne gatto'o. Honsi suum odim ixxuwwi gaqqi beero'uwwannee hegeegguwwannee hee'llona saaminne annanni issito'o.

²Minaadabim ixxuwwi gaqqi doo'llinne Yerusaaleemanne afuutteena hasso'i manna hundam maasse'llo'o.

³Ee ammane mulli beero'uwwannee hageegguwwannee hee'llam hee'llo'i hofqax Isra'ee'l minaadab, qeessuwwi, Leewi'i oos, Keesammi Mi'n awwaadaanii Salamoon awwaadaa'n shumo'ii hee'llam beero'uwwanne hee'u amaxxa ixxuwwi gaqqi amaxxi issita'a amaddo'isam hee'llo'o. Yerusaaleemanne hee'llam Yuhuxxi uulla awwonsaa'nnek summi kanniinsi woroon yoohane.

⁴Yihuxxi sulliinsi Zakkaariyaasina beet beet hee'u Uziy beet Ataayye mulli gaassi ixxi anno'iinsi Yihud beet ihu Faarees shumo'iinsette ikkam Amaariya, Shafaaxiyaa Maahalaali'eelaa edoohan hee'ukko.

⁵Odim Kolihooz beet beet hee'u Baaruuk beet Maa'iseey mulli gaassi ixxuwwi anno'i Yihud beet hee'u Sheela'i shumo'iinsette ikkam Hazaaya, Aadaaya, Yoyaariibaa Zakaariyaasaa edoohan hee'ukko.

⁶Faarees shumo'iinsi la'anto'oo 468 manchi Yerusaaleemanne afuutto'o.

⁷Biiniyaam sulliinsi Mashulaam beet Saalu'u Yoo'eed beet, Fadaay beet, Qolayaan beet, Maa'iseey beet, Iitii'eelin beet, Shaa'iyaan beet,

⁸Saalu'una abbis qarmanni ikko'i Gaabaayyee Saalaayyee edaa 928 Biiniyaam uulli mannii Yerusaaleemanne hee'llam hee'llo'o.

⁹Ixxuwwi hundinam awwonsaanchi Ziikir beet Yoo'eelatti ihaa Hasinu'i beet Yihud odim ee beero'ina la'm beyyi awwonsaanchi hee'ukko.

¹⁰Qeessuwwim Yoyaariibinaa Yaakiininaa beet ihu Yidaa'iy,

¹¹Keesammi Mi'n awwonsaanchi hee'u Ahiixoob beet, Marayoot beet, Saadooq beet, Mashulaam beet, Hiilqiy beet Saaraayaa

¹²ee moolliinsi hundiinsim 822 manchi Keesammi Mi'n awwaadaan hee'llo'o. Yaroohoom beet hee'u Adaay, Phalaaliy beet, Amiixiin beet, Zakkaariyaas beet, Phaashuur beetoo Maalkiy beetoo hee'llo'o.

¹³Ee moolli hundiinsim 242 abaroos awwonsaan hee'llo'o. Azari'eel beet Amaashisaay, Ahizaay beet, Maashilmoot beet, Imiir beet,

¹⁴ixxuwwi moolliinsim 128 la'anto'oo gaadaan hee'llo'o. Ixxuwwi awwonsaanchim Zaabdii'eela yakkam Hagiidooliim beet hee'ukko.

¹⁵Leewi'i oos Hashuub bet Shamaa'iy, Azaariiqaam beet, Hashaabiy beet, Buniin beet,

¹⁶Shabtaayaa Yoozaabaadaa yakkam Leewi'i oos awwonsaan Keesammi Miniinsi biireen baxamoo baxina hundinam awwonsaan hee'llo'o.

¹⁷Miika'i beet Maataaniy, zammaraa'n awwonsaanchi Asaaf beet, ixxo bikkaanchi hee'u Baaqbuuqiy beet, Shaamu'i beet hee'u Abda'a Galaal beet, Yuuduutuun beet,

¹⁸Keesammi Yerusaalee'm beero'onne hee'llo'i Leewi'i oos hundim 284 mancho hee'ukko.

¹⁹Keesammi Mi'n gooca egeraa'nnek xig Aquuba, Xaalmoonaa ixxuwwi abbaayyuwwaa hundam edaa 172 mancho hee'ukko.

²⁰Isra'ee'llek Gatto'i minaadab, Qeessuwwii Leewi'i oosii ixxuwwi gulummi issita'a a'llito'i Yihuxxi beero'uwwannee hegeegguwwannee hee'llo'o.

²¹Keesammi Mi'n awwaadaan Yerusaalee'm beero'aannonne Oofeela yakkam hoffi duunanne afuutto'o. Siihi'ii Gishiphphii ixxuwwi ijaajaan hee'llo'o.

²²Yerusaaleemanne hee'llam Leewi'i oosina awwonsaanchi Hashaabiy beet beet hee'u Baani'i beet Uze'etti hee'ukko. Ixxi lob anno'im Maataaniyannee Miikaa'ana edoohanee ihaa ixxim Keesammi Minenne zammarakkam mazmuur hundinam awwonsaan hee'llo'i Asaaf oosiinsi mat hee'ukko.

²³Hundem ballam zammarakkam mazmuu'l awwaaxxi ogor adil ijaaju ijaaccisinnetti hee'ukko.

²⁴Yihuxxi sulliinsi Zaarah shumo'iinsette ihu Mashezaabeel beet Phataahiy Faariis uulli adi'l minenne Isra'ee'l minaadaba moo'oo quux hundinam bikkoohan hee'ukko.

²⁵Yihuxxi sulliinsi lobakat manni abuulli uulli gadanonne annannannem Qiiryaat Arba'anne, Giiboonanne, Yaqabxi'eelanne, ee beero'uwwi hegeegonne,

²⁶ee'isam Iyyaasonne, Moolaadanne, Beetiphaaleexanne,

²⁷Haxaarshu'aalanne, Bersaabehanne, ixxi gada'n hegeegguwwanne,

²⁸Xiqlaaqqi beero'onne, Makoonannee ixxi gada'n hegeegguwwannee,

²⁹Enraamoonanne, Xari'anne, Yaarimuutanne,

³⁰Zanoohanne, Aduulaamanne, ee beero'uwwi hegeegguwwanne, Laakiishanne, ixxi gada'n abuulli uulluwwanne, Azeeqannee ixxi gada'n hegeegguwwannee hundim hee'am hee'ukko. Ee bikkina Yihuxxi oosik uulli woroo'n qarinne Bersaabehiinsi kid hanaa'n qarinne odim Hiinoo'm cebbiinsi kid hooraa yoo uulli lambe'i hundim ixxuwwina heechchi uulli hee'ukko.

³¹Biiniyaam oosim Geeba'anne, Miikmaasanne, Aayanne, Beeteelannee ee gadanonne yoo heegeegguwwannee hee'llam hee'llo'o.

³²Anaatoot, Noob, Anaaniy,

³³Haaxoor, Iraamaa'i, Giitaayim,

³⁴Hadiid, Xoboo'iim Naabalaax,

³⁵Loodii Ono'ii ee'isam «Angi lachchi baxaa'n cebba» yakkam beyyii hundim ixxuwwina heechchi beyyi hee'ukko.

³⁶Yihuxxi uullanne hee'llam Leewi'i oosiinsi kolli Biiniyaam oosinne maqirem hee'llamisa issamukko.