Read Hadiyya Nahim Kitaaba 12 Bible Online

Nahim Kitaaba 12 - Hadiyya bible

Nahim Kitaaba 12

¹Salaatiyaal beet Zarubaabeelinnee hundiinsi lob qeessichchi Iyyaasinnee maqire qeefadanta'a hee'llam uulliinsi daba'llita'a waatto'i qeessuwwikii Leewi'i oosikii summi,

²Qeessuwwi Saraayatte, Ermiyaasette, Iziratte, Amaariyatte, Maalukatte, Haxuushatte, Shakaaniyatte, Rahuumatte, Marmootatte, Iido'otte, Giinaatotte, Abiiyatte, Miyaamiinatte, Ma'aadiyatte, Biiligatte, Shamaa'iyatte, Yooyaariibatte, Yidaa'iyatte, Saalu'utte, Amookatte, Hiilqiyattee Yidaa'iyattee hee'ukko. Ixxuwwim qeessuwwa awwonsaanchi Iyyaas hee'u doollenne ixxuwwi moolli qeessuwwina awwonsaan hee'llo'o.

⁸Leewi'i oosik Galaxxi mazmuurina awwonsaan hee'llo'i keen Iyyaasotte, Biinuyatte, Qaadimi'eelatte, Sherebiyatte, Yeshu'atte, Biinuyette, Qaadmi'eelatte, Sheereebiyatte, Yihudattee Maataaniyattee hee'llo'o.

⁹Zammaaraan zammattam ammane ixxuwwi midaadonne uullitam hee'llo'i ixxuwwi abbaayyuwwim Baqbuuqatte, Uno'ottee mulli keenoo hee'llo'o.

¹⁰Iyyaas Yooyaaqiima qarukko. Yooyaaqiim Eeliyaashiiba qarukko. Eeliyaashiibim Yooyaadaa'e qarukko.

¹¹Yooyaadaa'e Yoonaataana qarukko. Yoonaataanim Yaadu'a qarukko.

¹²Yooyaaqiim qeessuwwa awwonsaanchi hee'u doollenne qeessuwwi moollo awwonsaan hee'llo'i qeessuwwi, Saaraay moolliinsi Maraayatte, Ermiyaas moolliinsi Hanaaniyatte, Izir moolliinsi Mashulaamatte, Amaariy moolliinsi Yahohanaanatte, Maluuk moolliinsi Yoonaataanatte, Shabaaniy moolliinsi Yooseefatte, Haram moolliinsi Adiinatte, Maraayoot moolliinsi Helqaayatte, Iido'i moolliinsi Zakkaaryaasatte, Giinaatoon moolliinsi Mashulaamatte, Abiiy moolliinsi Ziikiratte, Minyaamii'n moolliinsi,[2] Mo'aad moolliinsi Phiilixayatte, Biilga'i moolliinsi Shamu'atte, Shamaa'iy moolliinsi Yahoonataanatte, Yoyaariib moolliinsi Maatinayatte, Yidaa'iy moolliinsi Uuzi'atte, Saalaay moolliinsi Qalaayatte, Amooq moolliinsi Ebeeratte, Hiilqiy moolliinsi Hashaabiyattee Yida'iy moolliinsi Naatinaa'eelattee hee'llo'o.

²²Hundiinsi lob qeessuwwi Eeliyaashiibatte, Yooyaadatte, Yoonaataanaa Yaadu'aa yakkam qeessuwwi awwonsaan hee'llo'i doollenne Leewi'i oosikii qeessuwwi abaroosa awwonsaa'nnekii annanni ikka'a la'antam doono'i gudaa hee'ukko. Oohim gudukkok Daaryoos Faariis uulli adil ihu doollennette.

²³Ihona bagaan Leewi'i abaroosina awwonsaan lophphita'a la'anto'ok Eeliyaashiib beet beet Yoonaataan foorinne hee'u doolli xale'ennetti hee'ukko.

²⁴Leewi'i oosina Awwonsaan ikko'i Hashaabiy, Sheereebiy, Iyyaas, Biinuyii Qaadmi'eelii ixxuwwi abbaayyuwwi illagenne ikka'a Waa'i manchi ihu adil Daawiit ijaaju ijaaccisinne mat matiinsi aa'aqqantu'uuyyi Waa'ina galataa lombaa hincaa'llam hee'llo'o.

²⁵Keesammi Mi'n ooxxi gooc gadanonne yoo mu'uta dissakkam minneewwa egattam egeraan odim Mataanyatte, Baqbuuqiyatte, Abdiyutte, Mashulaamatte, Xalmoonattee Aquubattee hee'llo'o.

²⁶Ixxuwwim Yooseedeeqina beet beet hee'u Iyyaas beet Yoo'aaqiim uulla gassaanchi hee'u Nahimii seera losisaanchoo qeessichchoo hee'u Izirii hee'llo'i doollenne awwaaddam awwaadaan hee'llo'o.

²⁷Yerusaalee'm beero'i ooxxi maassi uguxxi balla Leewi'i oos hee'llam beyyi hundiinsim weeshanta'a waatto'o. Ixxuwwina doolinnee diitta'innee maasiinqo'innee galaxxi mazmuura hincaa'llu'uuyyi ee uguda liiranchinne lonsito'o.

²⁸Ee ugudam lonsimmina Leewi'i abaroos ikko'i zammaaraan hundim wiiddanta'a hee'llam beyyi hundiinsim wixxito'o. Wixxita'a waatto'okim Yerusaalee'm kululleetiinsette, Naxoofannee ee hegeegguwwannee yoo beero'uwwiinsetee.

²⁹Beetigilgaaliinsi, Geeba'iinsettee Azmaawiitiinsettee hee'ukko.

³⁰Qeessuwwi Leewi'i ooii see'llisinne ixxuwwi gaga muccussita'a lasage minaadabaa ooxxi goocaa beero'i ootaa muccussito'o.

³¹An Nahimim Yihuxxi uulli manna awwonsaano gimbi ooxxi hanenne wixxa'aa zammaaraano lam lob geejji tuuttuwwanne baxxansaa Waa'a mazmuurinne galaxxitu'uuyyi fitta'a ee beero'o do'llamisa issummo. Luxxi tuutim ooxxi gimbi haninne hurura uunjakkam ooxxi gooca yakkam kollo marukko.

³²Hoshaa'iyii Yihuxxi awwonsaanii ee zammaaraano awwonanita'a mattam hee'llo'o.

³³Xurunba fuggam qeessuwwim Azariy, Izir, Mashulaam, Yihud, Biiniyaam, Shamaa'iyii Ermiyaasii ee'isam Yoonaataan beet Zakkaariyaas, Shamaa'iy beet, Maataaniy beet, Mikkiy beet, Zaakuur beetii Asaaf beetii higgo'o.

³⁶Ixxi moolliinsetti ikko'i Shamaa'iy, Azaari'eel, Miilalaay, Giilalaay, Maa'aay, Naatinaa'eel, Yihudii Hanaanii Waa'i manchi Daawiit mazmuurina awwaaxxam hee'u mu'uta iyyita'a awwonta'a matto'o. Ixxuwwam awwonsam hee'ukkok kitaabaanchi Iziratte hee'ukko.

³⁷Ixxuwwim Wo'i bu'i Gooca affo'isam Daawiit beero'inne aa'lla'a gimbi ootanne firakkam gardabinne fitta'a Daawiit adilla'n mine higga'a beero'iinsi eelliinchi firinne hee'oo Wo'i ooxxi Gooc kolli daba'llito'o.

³⁸La'm finajjim ee gimbi ooxxi tochchiinsi ki'isaa yoo qeddi kollonne marukko. Anim kolli minaadabinne maqirem awwonam hee'ummo. Gimbi bu'anam hingaa haraar ooxxi gimba amfummo.

³⁹Ee beyyiinsi hingaa Efireem ooxxi Gooc, Yishaan Ooxxi Goocaa Qurxumme'i ooxxi Gooca yakkam beyyoo Hanaani'eel Oota, Xibbuwwi Ootaa Gereebbi Ooxxi Gooca yakkam beyyuwwi afeebe'e waallummo. Ee finajja uullinsummok Keesammi Mi'n gadanonne yoo Waardiyyuwwi Ooxxi Gooca yakkam beyyonnette.

⁴⁰Lamem kolli zammaaraanim mazmuurinne Waa'a galaxxitu'uuyyi Keesammi Mi'n gadano affo'o. Anim iinninne maqire hee'llo'i awwonsaaninne uullummo.

⁴¹An maqire marummi finajji lasinne xurumba fuggu'uuyyi awwontam hee'llo'i qeessuwwa, Eeliyaaqeema, Maa'iseeya, Miniyaamiina, Makaaya, Eeliyo'enaaya, Zakkaariyaasaa Hanaaniyaa edoohane.

⁴²Ixxuwwam Maa'iseey, Shamaa'iy, Ali'aazar, Uuz, Yahoohaanaan, Maalkiiy, Eelaamii Eezeerii awwontam hee'llo'o. Neesem ee beyyonne uulliinummisam zammaaraan sagara iimaa'lla'a zammatto'o. Ixxuwwi awwonsaanchim Yizrahiyaa'atti hee'ukko.

⁴³Minaadabim Waa'i liiransu bikkina lobakat liiranchinne ee ballam lobakat kitima hincaa'llo'o. Oosii meentim ee ugudanne hee'llo'i bikkina Yerusaaleemanne hee'u ilillaaxxi sagar qee'l beyyi afeebe'e macceesamam hee'ukko.

⁴⁴Ee ballam Keesammi Mi'n awwaadina hincoo tommika mato, hurbaaxxi ludoo haqqi mishaa dissakkam mine egeraan doo'llamukko. Ixxuwwim seer ijaajo'isannem annanni annanni beero'uwwi hegeegonne hee'oo abuulli uulluwwiinsi Qeessuwwinaa Leewi'i oosinaa uwwamoo sharada Keesammi Mi'n mu'uxxi minenne wixaa'llam keeno. Yihuxxi minaadabim qeessuwwaannonnee Leewi'i oos awwaadonnee lobakata liiranta'a hee'llo'o.

⁴⁵Mashka'oomim Waa'i ijaaccisinne issimmi hasisoo ogoraa muccussimmi seeraa guullita'a issito'i bikkinatte. Keesammi Minenne zammattam zammaaraanii egeraanim Daawiitii ixxi beet Salamoonii ijaajjo'i ijaaccisanne hasisoo awwaado guullita'a issito'o.

⁴⁶Adil Daawiitaanniinsii Asaaf doolliinsii ki'isaa hee'ukkisam galaxxi mazmuuraa lombi mazmuuraa zammattam zammaaraanina awwonsitam keen hee'llo'o.

⁴⁷Zarubaabeelii Nahimii hee'llo'i doollenne Isra'ee'l minaadab hundim zammaaraaninaa Keesammi Mine egattam keeninaa ballina ballina hasisoo sharada uwwitam hee'llo'o. Leewi'i oosinam ixxuwwi sharada uwwitam hee'llo'o; Leewi'i oosim Aaroon shumo'ina ihoo sharada uwwitam hee'llo'o.