Read Hadiyya Nahim Kitaaba 7 Bible Online

Nahim Kitaaba 7 - Hadiyya bible

Nahim Kitaaba 7

¹Ootim ootamaa beeddukko; gooccuwwannem xuffeewwi aagaa hee'ukko; Keesammi Mine egettam waardiyyuwwi, zammaaraanii Leewi'i oosii annanni annanni baxina qoodanta'a hee'llo'o.

²Anim iyyabbaayyi Anaanaa girbina gassaanchi hee'u Hanaaniyaa Yerusaalee'm beero'o gassaan ikkona doo'llummo; Hanaaniy mulli keeniinsi lophphaa hanqo'anee Waa'a baddoohanee hee'ukko.

³Anim ixxuwwa «Da'l eelliinchi erisa fireebe'e Yerusaalee'm ooxxi gooccuwwi fooqoobee'isaa eelliinchi aagoo ammanem waardiyyuwwi uullita'a hee'llo'isam gooccuwwa qulfuwwinnee laqqo'uwwinnee qoxxissa'a xuffamisaa ijaajummo. Ee'isam Yerusaalee'm manniinsi waardiyyuwwa doo'llita'a egessiissamisaa annannichchim hee'oo mi'n hegeego qoxxaa egeroo'isaa issehe» yaa ijaajummo.

⁴Yerusaaleem haraar lob beero'i hee'ukko; ihukkaarem woronne hee'oo manni hoffan hee'ukko. Minneewwim lobakata baxamukkoyyi hee'ukko.

⁵Waa'im minaadabaa awwonsaanoo wixxaa'aa ixxuwwika qaranchi lugumo min mininnem xigoommisa issukko; qeefadanchiinsi uulliinsi gaassaa daba'llu mannika qaranchi lugumo moo'isoo doono'o siidummo. Ixxonnem

⁶Baabiloo'n adil Nabukadanaxoor qeefadaa massu manniinsi Yerusaaleemaa Yihudaa daba'llita'a annannichchim ixxuwwi gaqqi beero'uwwam aaggo'o.

⁷Daba'llito'okim ixxuwwi awwonsaan hee'llo'i Zarubaabeelinne, Iyyaasinne, Nahiminne, Azaaryinne, Ira'aamyinne, Nahaamaaninne, Mardookiyoosinne, Bilshaaninne, Mesapheereetinne, Bigwaayinne, Nahuuminnee Ba'aaninnettee.

⁸Qeefadanta'a hee'llam uulliinsi daba'llito'i Isra'ee'l minaadaphphek xig moolli moollinnee qaranchi lugu'mmisinnee kitaabamukkok Phaari'oosh moolliinsi 2,172

⁹Shafaaxiy moolliinsi 372

¹⁰Araah moolliinsi 652

¹¹Iyyaasaanniinsii Yoo'aab shumo'iinsii ihoo Pha'aat Moo'aab moolliinsi 2,818

¹²Eelaam moolliinsi 1,254

¹³Zaatu'i moolliinsi 845

¹⁴Zakaay moolliinsi 760

¹⁵Biinuy moolliinsi 648

¹⁶Beebay moolliinsi 628

¹⁷Azgaad moolliinsi 2,322

¹⁸Adooniiqaam moolliinsi 667

¹⁹Bigwaay moolliinsi 2,067

²⁰Aadiin moolliinsi 655

²¹Hizqiyaasa yakkam Axeer moolliinsi 98

²²Hashum moolliinsi 328

²³Beexaay moolliinsi 324

²⁴Hariif moolliinsi 112

²⁵Gaba'oon moolliinsi 95 hee'ukko.

²⁶Kanniinsi woroon yoo gaassi anno'i beero'uwwanne hee'llam hee'llo'i mulli keenim daba'llito'ookko. Beetaliheemiinsii Naaxoofiinsii 188

²⁷Anaatootiinsi 128

²⁸Beet Azmaawiitiinsi 42

²⁹Qiiriyaatyi'aariimiinsi, Kafiiriinsii Ba'eerootiinsii 743

³⁰Iraamiinsii Geeba'iinsii 621

³¹Mikmasiinsi 122

³²Beeteeliinsii Aayiinsii 123

³³La'm Naabo'iinsi 52

³⁴La'm Eelaamiinsi 1,254

³⁵Haariimiinsi 320

³⁶Yaarko'iinsi 345

³⁷Loodiinsi, Hadiidiinsii Ooniinsii 721

³⁸Sana'iinsi 3,930 hee'ukko.

³⁹Qeefadanta'a hee'llam uulliinsi daba'llito'i qeessuwwi moollik summi Iyyaas shumo'iinsetti ihu Yida'iy moolliinsi 973

⁴⁰Immeer moolliinsi 1,052

⁴¹Phashihuur moolliinsi 1,247

⁴²Haariim moolliinsi 1,017 hee'ukko.

⁴³Leewi'i oosiinsi Hoodaayiw shumo'iinsetti hee'llo'i Iyyaasaanniinsii Qadmi'eel moolliinsii 74

⁴⁴Asaaf shumo'iinsetti ikko'i zammaaraaniinsi 148

⁴⁵Shaluumina, Axeerina, Xaalmoonina, Aquubina, Haxiixinaa Shobaayinaa shumo'i ikko'i waardiyyuwwiinsi 138 hee'ukko.

⁴⁶Waa'i Mi'n baxaa'n shumo'i moollinne moollinnem Xihatte, Hasuufatte,

⁴⁷Xaaba'ootatte, Qeeroosatte, Sii'atte

⁴⁸Faadoonatte, Labaanatte,

⁴⁹Hagaabatte, Shalmaayatte, Hanaanatte, Giideelette, Gaaharatte,

⁵⁰Ira'aayatte, Iraxiinatte, Naqoodatte,

⁵¹Gaazaamatte, Uuzatte, Phaaseehatte,

⁵²Beesaayyatte; Ma'uuniimatte,

⁵³Nafuushaasiimatte, Baqbuuqatte, Haquufatte, Harhuuratte,

⁵⁴Baaxiliitatte, Mahiidatte, Harsha'atte,

⁵⁵Baarqoosatte, Siisiratte,

⁵⁶Teemaahatte, Naxiihattee Haxiifattee hee'llo'o.

⁵⁷Salamoonina awwaaddam awwaadaa'n moollik summi Sooxaayatte, Soofeereetatte, Fariidatte,

⁵⁸Yaa'ilatte, Darqoonatte, Giideelatte,

⁵⁹Shafaaxiyatte, Haxiilatte, Fakereetatte, Haxabayimattee Amoonettee hee'ukko.

⁶⁰Keesammi Minenne baxxam baxaa'nnekii Salamoon awwaadaa'n shumo'ikii xig mat ihaa 392 hee'ukko.

⁶¹Telemelaaha, Telharsha, Karuuba, Adoonaa Imeeraa yakkam beero'uwwiinsi daba'llito'ok

⁶²Daalaayik, Xoobbiyikii Naaqood shumo'ikii xig mat ihaa 642 hee'ukko. Ihukkaarem oo keen ixxuwwi shumo'i Isra'eeliinsetti ihukkisa caakkissa'a kutteena xanto'oyyo.

⁶³Ee'isam qeessuwwiinsi Hoobaayik, Haqooxikii Gala'aadiinsetti ihoo Baarzilaay moolliinsi landichcho eebu ixxi summinne weeshamu Baarzilaayikii

⁶⁴moolli ixxuwwi gaassi anno'ika qaranchi lugumo laqqeena xanto'oyyo. Ee bikkina qeessoomaninne awwaaddeena xanto'oyyo.

⁶⁵Yihuxxan ihu Hatersaatim Uriiminnee Tumiiminnee awwaadoo qeessichchi doo'llameebe'e Waa'ina kitim issakka'a hincaa'akkam keesammi hurbaatiinsi itteena xantambee'an ihukkisa kurukko.

⁶⁶Qeefadanta'a hee'llam uulliinsi daba'llita'a waatto'i Isra'ee'l minaadab hundikim xig 42,360 hee'ukko. Odim ixxuwwina awwaaddam goo'nnekii meentikii xig 7, 337 hee'ukko. Zammaaraan 245 hee'llo'o. Ee'isam ixxuwwik farad 736 Baqulli 245 Gaameela'i 435 Halli 6,720 hee'ukko.

⁶⁷

⁶⁸

⁶⁹

⁷⁰Mat mat moolli awwonsaan Keesammi Mine dabarakka'a baximmina hara'mmoo luwwa uwwito'ookko. Ixxuwwiinsim Gassaanchi 8 kiilo'i worqa, 50 loqooqo'i saahinaa 530 qeessuwwi eddechchaa uwwukko. Moolli awwonsaan 168 kiilo'i worqaa 1,250 kiilo'i kin biraa uwwito'o. Mulli minaadab 168 kiilo'i worqa, 1,100 kiilo'i kin biraa 67 qeessuwwi eddechchaa uwwito'o.

⁷¹

⁷²

⁷³Qeessuwwi, Leewi'i oos, Keesammi Mine egettam waardiyyi, zammaaraan, minaadabiinsim lobakat, Keesammi Mi'n awwaadaanii Isra'ee'l minaadabii hundim Yihuxxi uulli beero'uwwanne afuutto'o.