Read Hadiyya Mazmuu'l Kitaaba 109 Bible Online

Mazmuu'l Kitaaba 109 - Hadiyya bible

Mazmuu'l Kitaaba 109

¹An galaxxoommi Moollanna, he'i cawwititaa uttitte;

²Jor keenii qophphanaanii eese sabbo'ookko; i bikkina qophphano wocco'ookko.

³Mashkabee'ekam eese hawwoddoo'ookko; i bikkinam jora woccamuulla.

⁴An ixxuwwa iittummaarem ixxuwwi eese kasassamuulla; ihukkaarem an ixxuwwina Waa'a uunxoommo.

⁵Eroommi bikkenne jolla, iitti bikkennem jorancha dabattamuulla.

⁶I diinakkichchonne oogatoo daanna uullise; ixxi diina'iinsim mat ixxo kasasoo'isa isse.

⁷Fitamahim neegaramaa daba'llona; ixxi uunxatim baaxii'l ihaa xigamona.

⁸Ixxek umur gundona ixxi daannoomam mulli manni massona;

⁹Ixxi oos anni bee'i adaraar ihona; mi'n amam aro'i bee'etan ikkona.

¹⁰Ixxi oos karakaaddona; uunxataanom ikkona; gindammi ixxuwwi miniinsim hollantona.

¹¹Ixxena yoo luwwi hundim badaninne amadamona; ixxi badaraa siidu luwwi hundam allaggi manni bogona.

¹²Ixxena qishixxoo manchi hore'em hee'oone; ixxeka adaraar oosom abooyyo manchi siidamoone.

¹³Ixxi summa weeshisookkok mat qachchim gatoone; mat qaranchiinsi lasonne ixxo tiirookkok hee'oone.

¹⁴Waa'i gaassi ixxi anno'ika baaxiilo tiirona; ixxi am baaxiilim haafamoone.

¹⁵Waa'i ixxuwwika baaxiilo hundi ammanem tiirona; ihukkaarem ixxuwwi hore'em xadanto'oo keen ikkona;

¹⁶Buxa, hawwaanoo hoongaanoo sheena hollansam hee'ukko bagaan ixxuwwina qishixxam hee'ukkoyyo.

¹⁷Duumimma iittam hee'u bikkina ixxim duumamukko; maasse'imma iittoobee'i bikkina ixxeensim maassi qee'llukko.

¹⁸Duuncha eddechchisa edda'ukko; oohim wo'isa ixxi orachchonne zayxesam miq afeebe'e aagukko.

¹⁹Oohimixxena edde'oo eddechchisa hundi ammanem lade'oo saqisa ihona.

²⁰Waa'i eese sabbam keenina i bikkina jora woccam keenina miqoo bit eehan ihona.

²¹I Moollanni Waa'a! Ihukkaarem at ki summi bikkinaa yitaa iina hara'mme; ki eroommi eran ihu bikkina iina agaage.

²²An hoongaanchoo buxichchoo; eesenne afu hawwim i wodano kichche'isaakko.

²³Maaro'i balli hafisa higeena ihaammo; qawwaawwisam giggiraammo.

²⁴Soommaninne i malaayyi hoogaakko; i orachchim lobakata nacaakko.

²⁵An osachchina ihaammo; eese moo'lla'ahim horoore heekkeessamuulla.

²⁶I Moollanni Waa'a! At iina har'mme; ki eroommi bikkina yitaatim eese gatise.

²⁷Waa'a! Ki angi eekka issukkisa atim iina eekka issittisa i diina'i la'ona.

²⁸Ixxiwwi eese duuntamo; ihukkaarem at eese maasse'llootto; ixxuwwi eesenne ki'llam ammane sholle'llamo; ihukkaarem ki awwaadaanchi eese liiranse.

²⁹Eese sabbam keen shollello'nna; tuullem gunguu'llitona.

³⁰I sagara iimaa'aa Waa'a galaxxoommo; minaadaphphi dummichchi lambe'ennem lonsoommo.

³¹Mashka'oomim ixxi buxichchi manchi hanqi bikkina fitamookko; shiteena guddo'i manni angiinsim gatisookko.