Read Hadiyya Mazmuu'l Kitaaba 110 Bible Online

Mazmuu'l Kitaaba 110 - Hadiyya bible

Mazmuu'l Kitaaba 110

¹Waa'i i Moollannina «Ki diina'a ki lokkiinsi woroon isseembee'e i makki kollonne afuure» yukko.

²Waa'i malaayyika bicco kiina Xiyooniinsi asse'ookko; atim ki diina'i lambe'enne ikkaa daannoominne gassitotto.

³Orina fittoo ayyaamo ki gogot ixxuwwi doo'llinnem ki midaadonne uullitamo; at qaranti ammane ki keesammoom belecce'am hee'ukko; kiyyummi godabiinsi fitti ammaniinsi ki'isaa harde'uwwi ki beyyo waattamo.

⁴Waa'im ixxena «Malkaxedeq see'llsannem heer heerina qeessichchi ikkootto» yaa hide'ukko; oo hiditanim shaaramoobee'ane.

⁵Waa'i ki makkannette; ixxi quuqoo balla adilluwwa kaa'aa iiqansookko.

⁶Minaadab hundannem oogatookko; o'l biiranne hundannem leesh wo'mmoo'isa issookko; uullanne hee'llam adilluwwi hundam guullaa bi'isookko.

⁷Adil gooqqi inqenne yoo bu'iinsi agaa lasage ixxeka malaayye haareechchi issaa kaachchinne qoxxaa uullookko.