Read Hadiyya Mazmuu'l Kitaaba 116 Bible Online

Mazmuu'l Kitaaba 116 - Hadiyya bible

Mazmuu'l Kitaaba 116

¹I uunxaxxi sagara macceesu bikkina an Waa'a iittoommo.

²Ixxi macce i kollonne dabaru bikkina i heechchi doollenne hundannem an ixxo weeshoommo.

³Lehik qaash eese amadukko; baddisoo waammim eese u'nnisukko; u'nnii kichchechim eese kaa'ukko.

⁴Anim ee ammane «Waa'a, ha'i eese gatise» yaa ixxi kollonne laarummo.

⁵Waa'i biijaallaa uroohanee; ni Waa'i qishixxoohane.

⁶Waa'i maashaalli keeno egerookko; anim hawwummi ammane eese gatisaakko.

⁷I foore, Waa'i kiina eroomma issu bikkina ki usheexxaxxi kollonne daba'lle.

⁸Waa'i eese lehiinsi i illem indiiddiinsi i lokkom qolatiinsi gatisaakko.

⁹Anim forinne heellam manni ullanne ixxi illagenne daba'llamoommo.

¹⁰«An lobakata u'nnamummo» yummi ammanem ihuta'n i amma'nnato egeraammo.

¹¹An hawwaa hee'ummi amman «Manni hundam qophphanaano» yummo.

¹²Waa'i iina issu eroommi hundinam an maha maqoommo?

¹³Waa'i eese gatisu bikkina ixxo galaxxoommo; woyi'n diqaasam kiti'mmisa issaa hincaa'oommo.

¹⁴Minaadaphphi dummichchi illagenne ihaa Waa'ina uwweena uga'a aagummi luwwa uwwoommo.

¹⁵Xummaan kee'n leh Waa'i illagenne lombaamo.

¹⁶Waa'a! An kiina awwaadaancho; iyyumma kiina awwaadaanchotte hee'llo'isam anim kiina awwaadoommo; iyyumma kiina awwaadaanchotte hee'llo'isam anim keena awwaadoommo; eese lehiinsi gatissittok atette.

¹⁷An kiina galaxxi kitima hincaa'oommo; ki summam weeshoommo.

¹⁸Minaadaphphi dummichchi illagenne ihaa Waa'ina uwweena uga'a aagummi luwwa uwwoommo.

¹⁹Eekkam Yerusaaleemanne yoo Waa'i Mi'n wixxixxi beyyonne hincaa'oommo. Waa'i galaxxamona!