Read Hadiyya Mazmuu'l Kitaaba 138 Bible Online

Mazmuu'l Kitaaba 138 - Hadiyya bible

Mazmuu'l Kitaaba 138

¹Waa'a! An wo'm wodaninne keese galaxxoommo. Asse'amaa'n illagenne kiina galaxxi mazmuura zammaroommo.

²Ki eroommi bikkinaa amma'nnannitaatoohaannoo'm bikkinaa ee'isam ki summaa ki neeyyaxxi sagaraa hundi luwwiinsim lonsitaa iimiimaa'l bikkinaa keesamaakkoo ki mi'n kollonne otossummuuyyi ki summa galaxxoommo.

³An keese weeshummi ammane macceessaatto; ki malaayyinnem eese qoxxissaatto.

⁴Waa'a! Ki sagara macceesso'i bikkina uulli adilluwwi hundim keese galaxxitamo.

⁵Moollanni lombi lophphaakkoohan ihu bikkina ixxi googonne zammattamo.

⁶Waa'i hundiinsim hanaanette; ihukkaarem hawwaano abooyyookko; amaadaano qee'llonnem la'ookko.

⁷An hawwi lambe'enne ihummita'nnim at i foore egettootto; quunqinne eesenne ki'llo'i i diina'innem uullixantootto; ki malaayyinnem eese gatissootto.

⁸Waa'i iina qoodu luwwa wonshookko; Waa'a! Ki eroommi heer heerinatte; Ki angi baxo xadditte.