Read Hadiyya Mazmuu'l Kitaaba 141 Bible Online

Mazmuu'l Kitaaba 141 - Hadiyya bible

Mazmuu'l Kitaaba 141

¹Waa'a! An ki kollonne laroommo; qaqqissaa iina hara'mme; ki kollonne laaroommaarem macceese.

²I uunxat ki illagenne aduruusisa ihona; biddiqu i angim maaro'i balli kiti'mmisa ihona.

³Waa'a! I suumina egeraancho, i yaburinam waardiyya uullise.

⁴Jor keen baxxam jor baxo baxeena i wodan jor kollonne maroobee'isa egere; ixxuwwi maaddannem hamaaramoombee'isa eese egere.

⁵Muccur manchi eese guzumo'ona; ookki iina erane; eesem axeerona; ookki iina i horoorenne zayta dunimmisa; anim eekka saboommoyyo; Ihukkaarem i uunxat jor kee'n baxo sabimminnette.

⁶Ixxuwwik gassaan baalli wo'l kinanne darabantam ammane ixxuwwi minaadab i sagar hanqi ihukkisa laqqamo.

⁷Uulli abuullamoo'isaa dimar xaamoo'isaa ixxuwwik miq waammanne binnookko.

⁸I Moollanni Waa'a! An keesenne neeyyato issoommo; yabo aagummokim keesennette ihu bikkina an lehona cawwititte.

⁹Iina qaashsho'i qaashiinsi eese egere; jora baxxam kee'n shikkiinsim gatise.

¹⁰An ixxuwwi qaashiinsi xummam xoroommaare jor keen ixxuwwi qaashannem amadantona.