Read Hadiyya Mazmuu'l Kitaaba 146 Bible Online

Mazmuu'l Kitaaba 146 - Hadiyya bible

Mazmuu'l Kitaaba 146

¹Waa'i galaxxamona; I foore, Waa'a galaxxe.

²An hee'oommi doollenne hundannem Waa'a galaxxoommo; i heechchi doollenne hundannem i Moollannina zammaroommo.

³Gassaanonne amma'nnantakkotte; gatiseena xanoobee'i manchi beetonnem bakke'llakkotte.

⁴Ixxuwwi letam ammane buchchanne daba'llitamo; ee ammanem ixxuwwi sawwit hundim bi'ookko.

⁵Yaaqoob Waa'i hara'mmaanchi ihukkok ixxi Moollanni Waa'annem neeyyata issoo manchi maasse'amaakkoohane.

⁶Waa'i iimanee uullaa, dambalaqaa ee kee'n woronne yoo luwwaa hundam qooccaakkoohane; amma'nnamaakkoohaannoomam heer heerinam egeroohane.

⁷Ixxi wor amadamu keenina oogatoohane; sibaaru keenina hurbaata uwwoohane. Waa'i karamu keeno karatiinsi tiroohane.

⁸Waa'i qoqquwwika ille fooqaa'ookko; Waa'i ubu keeno ki'isookko; Waa'i muccur keeno iittookko.

⁹Waa'i waaraano egerookko; busar meentinaa adaraar oosinaa hara'mmookko; ihukkaarem jor kee'n sawwite gindookko.

¹⁰Waa'i heer heerinam adila; Xiyoona, ki Moollanni qaranchi hundinam adila. Waa'i galaxxamona.