Read Hadiyya Mazmuu'l Kitaaba 2 Bible Online

Mazmuu'l Kitaaba 2 - Hadiyya bible

Mazmuu'l Kitaaba 2

¹ Mulli minaadab mahina dollottamuulla? minaadabdu awwaad bee'i woshsha mahina a'llantamuulla?

²Heer uulli adilluwwim Waa'annee Waa'i doo'llukkaannonnee ki'llo'o; gassaanim ixxuwwinnem mat ikka'a ki'llo'o.

³Ixxuwwim «Neese ixxuwwi chimchima ni lokkiinsi muransinona; ni lokko katto'i xaaram tillaa uunjinona» yito'o.

⁴Iimanenne yoo Moollanni Waa'i ixxi adilla'n barcumanne afuuraa ixxuwwanne osarookko; ixxuwwannem naacookko.

⁵Ee lasage ixxi quunqinne ixxuwwa axeerookko; nadajjinnem bi'isookko.

⁶Odim ixxuwwina «Ihukkaarem an i keesammi Xiyyo'n duunanne i adila doo'llummo» yookko.

⁷Adilim «Waa'ika seera alallaatoommo; Ixxim iina ‹At i beeto; an keese kaballa qaraammo.

⁸At eese xa'mme; mulli minaadab hundim kiina ijaajantamisa issoommo; heer uulli hundam kiihan issoommo.

⁹Atim ixxuwwa xaa'l muginne iiqansitootto; buchchi mu'uxxisam xaamsitootto› yaakko» yukko.

¹⁰Ee bikkina Ki'nnuwwi adilluwwi qoossehe; uulla gassaanim la'aqqehe.

¹¹Waa'a baddimminne awwaaddehe; huxe'llakku'uuyyim ijaajammehe.

¹²Ixxi ki'nnuwwanne quuqaa ixxi googiinsi bi'llakkambee'isa ixxi beetina otossillehe. Ixxek quunqi gaaggaabaalla; ixxonne yabo aaggam keen hundim maassaammuwwa.