Read Hadiyya Mazmuu'l Kitaaba 20 Bible Online

Mazmuu'l Kitaaba 20 - Hadiyya bible

Mazmuu'l Kitaaba 20

¹At hawwitaa uunxitoo ammane Waa'i macceesona; Yaaqoob Waa'i keese egerona.

²Keesammi ixxi miniinsi kiina hara'mmato asse'ona; Xiyoo'n Duunanne ihaatim keese bakkiisona.

³At uwwitti luwwi hundam ixxi aa'ona; at hincaa'lloo shokkiisakka'a hincaa'akkam kitimannem Waa'i liiramona.

⁴At ki wodanonne mixxitti luwwa uwwona; ki sawwit hundam Waa'i wonshona.

⁵Ki kaachchanne neese liirammaa ililinoommo; odim ni Waa'i summinne ni kaachchi mare'e iimiimaa'nnoommo; at uunxitti luwwi hundam Waa'i wonshona.

⁶Waa'i doo'llu adila gatisoo'isa kaba la'ummo; ixxi malaayyaam gatisimminnem keesamaakkoo iimanenne ihaa adilina dabachcha uwwookko.

⁷Mat mat keen o'l gaare'enne, mulli keen odim ixxuwwi fardonne bakke'llamo; ihukkaarem neese ni Moollanni Waa'anne bakke'nnoommo.

⁸Ixxuwwi qolanta'a ubbamo; ihukkaarem neese ki'nnaa qoxxinaa uullinoommo.

⁹Waa'a! Adila gatise; neese keese weenshoommi ammanem macceese.