Read Hadiyya Mazmuu'l Kitaaba 23 Bible Online

Mazmuu'l Kitaaba 23 - Hadiyya bible

Mazmuu'l Kitaaba 23

¹Waa'i eese allaaraancho; iina hanqatoo luwwi ma'lluchchim bee'e.

²Er danaam hix yoo allaachchi biiranne eese usheexxisookko; usheexxaxxi wo'i yoo beeyyom awwonsaa massookko.

³I foore dabaraa haarechchisookko; ixxi summi bikkinam eese muccuro'm googonne awwonsookko.

⁴Waa'a! At iinninne yoonti bikkina leh haforonne ganbabbi tunsonne taakke'umta'nnim; eesenne jor afookkoo yaa baddoommoyyo; ki biccii ki sikkii eese qoxxisookko.

⁵I diina'i moo'llu'uuyyim iina maadda gudissitto; i horoorennem zayta labbitto; i hunbullonnem wo'mmaa dunamoo'isa issitto.

⁶Ki iitii erommii i heechchi do'lli hundannem iinniins annanni ihoobee'isa erisa la'oommo; ee bikkina Waa'a! An hee'oommi doollenne hundannem ki minenne hee'oommo.