Read Hadiyya Mazmuu'l Kitaaba 24 Bible Online

Mazmuu'l Kitaaba 24 - Hadiyya bible

Mazmuu'l Kitaaba 24

¹Uullii uullanne yoo luwwii hundim Waa'ane; ku uullii ka uullanne hee'oo luwwii hundim ixxane.

²Ixxim xilli danbalaqquwwi hanenne uulla kaasukko; uulli lugumom xilli wo'onne qoxxisaa uullisukko.

³Waa'i duunanne ayyi fireena xanookko? Ixxaannonne keesammi beyyondu ayyi uulleena xanookko?

⁴Ixxi angii jor baxiinsi ixxi wodanii jor sawwitiinsi muccur ihukkok; Waa'i bikkenne mulli luwwanne otossoobee'ek te'im qophphanonne hide'oobee'ek.

⁵Eehido'nne'i manchi Waa'iinsi maasso aa'ookko; odim ixxo gatisaanchi Waa'iinsim hanqa siixxookko.

⁶Waa'a hassam qaranchii Yaaqoob Waa'i kollonnem hincitam keenii eehido'i keeno.

⁷Lombi adil aagoo'isina; ki'nuwwi gooccuwwii hinaxxi xuffeewwii fooqi'llehe.

⁸Ku lombi adil ayyette? ku lombi adil Waa'a; ixxim hundiinsi qoxaraa malaayyaamoo; orannem kaa'oo malaayyaam Waa'a.

⁹Lombi adil aagoo'isina ki'nnuwwi gooccuwwii hinaxxi xuffeewwii fooqi'llehe.

¹⁰Ku lombi adil ayyette? ku lombi adil gogoxxi Moollanni Waa'a.