Read Hadiyya Mazmuu'l Kitaaba 3 Bible Online

Mazmuu'l Kitaaba 3 - Hadiyya bible

Mazmuu'l Kitaaba 3

¹Waa'a! I diina'i hinkaa'nna duta! Dut keenim eesenne ki'llo'ookko.

²Dut manni iina «Waa'i ixxo gatisooyyo» yitamuulla.

³Ihukkaarem Waa'a, at iina agira; iina kaachcha uwwimminne eese lonsitoottok atette.

⁴Waa'i kolli sagara iimaa'aa laaroommo; ixxim keesammi ixxi duunanne ihaa iina dabachcha uwwookko.

⁵An iinse'ummo; diriirummom; Waa'i eese egeru bikkina xummam baqaa ki'ummo.

⁶Eese kolli hundinnem kibbu dut kum diina'a an baddoommoyyo.

⁷I Moollanna, at ki'e; i Waa'a, at eese gatise; i diina'ika gaangeera iiqe; ixxuwwi inqem xaamse.

⁸Gatisookkok Waa'a; ki maassim ki minaadabanne ihona.