Read Hadiyya Mazmuu'l Kitaaba 4 Bible Online

Mazmuu'l Kitaaba 4 - Hadiyya bible

Mazmuu'l Kitaaba 4

¹Hanqo'i Waa'a! An keese weeshoommi ammane iina dabachcha uwwe; u'nniisem eese usheexxise; iina qishixxe; i uunxatom macceese.

²Manna, hinkaa'n balli afeebe'e i lomba sholliissakkamo? Hinkaa'n balli afeebeedu awwaad bee'i luwwa iittitakkamo? Odim hinkaa'n balli afeebeedu qophphano hassakkamo?

³Waa'i ixxo baddoo mancho ixxi gagina doo'llukkisa laqqehe; an uunxoommi ammanem i uunxato macceesookko.

⁴ Waa'a baddehe; baaxiilo baxxakkotte; iinse'llakkam ammanem ki'nnuwwika tiiro saarayyehe.

⁵Waa'ina hanqo'i kitima hincaa'llehe; Waa'annem amma'nnehe.

⁶Dut keen «Er luwwa niina ayyi moo'isookko» yitamuulla; Waa'a, ki caakka neesenne caakkise.

⁷At iina uwwitti liiranchi mulli keen arasikaa woy'nnekaa lobakat atoota siidda'a liirantam liiranchiinsi lophphookko.

⁸Waa'a, xale'i at eese xumminne egettoo bikkina an iinse'oommi ammane xummaanchi diriiro diriiroommo.