Read Hadiyya Mazmuu'l Kitaaba 46 Bible Online

Mazmuu'l Kitaaba 46 - Hadiyya bible

Mazmuu'l Kitaaba 46

¹Waa'i neese egeraanchoo niina malaayyee; neesenne afoo hawwi hundannem ixxi niina hara'mmaancho.

²Ee bikkina uulli hee'kke'uta'nnim duunnuwwi dambalaq lugumonne dilluta'nnim

³dambalaq wo'i heekke'amaa guguta'nnim ixxuwwi heekkechchinne duunnuwwim heekke'amuta'nnim neese hore'em baddinoommoyyo.

⁴Waa'ika beero'oo Waa'i hee'oo ixxi Keesammi Minee liiransoo daajji yookko.

⁵Waa'i ee beero'i lambe'nne hee'oo bikkina oo beero'i bi'ooyyo; Waa'im soodaraar daram ee beero'ina hara'mmookko.

⁶Minaadab dambaqukko; adilluwwim ubbo'o; Waa'i ixxi sagara macceesisukkaare uulli bukkamukko.

⁷Gogoxxi Moollanni Waa'i niinninne maqire yookko; Yaaqoob Waa'im ni egeraancho.

⁸Waallehe, Waa'ika baxo moo'llehe; uullanne hinkido'i maalalsiisoo luwwa issuda'ee moo'llehe.

⁹Ixxi heer uulliinsi ora bi'isookko; ixxim xiyyuwwa iiqookko; bagadduwwam xaamsookko; agilluwwam giirinne shokkiisookko.

¹⁰Waa'im «Usheexxehe; an Waa'i ihummisam laqqehe; an minaadaphphi lambe'ennee uulli hundannee lobane» yukko.

¹¹Gogoxxi Moollanni Waa'i niinninne maqire yookko; Yaaqoob Waa'i ni egeraancho.