Read Hadiyya Mazmuu'l Kitaaba 48 Bible Online

Mazmuu'l Kitaaba 48 - Hadiyya bible

Mazmuu'l Kitaaba 48

¹Waa'i hundiinsi loban ihu bikkina ni Waa'i beero'onne keesamaakkoo duunanne lombaam galat ixxena hasisookko.

²Hanaa'n qaranne hee'oo hundiinsi lobanee danaamoo ihu Xiyoo'n duun hundiinsi lob adi'l beero'o; ixxi uulli hundam liiransoohane.

³Ee qashamaakkoo beero'onne ihaa Waa'i ixxi gagim ixxo egeraanchi ihukkisa la'isaakko.

⁴Adilluwwi Xiyoo'n beero'o qasseena wixxita'a mateeyyoominne waatto'o.

⁵Ihukkaarem ixxo moo'lla'a muggito'o; baddita'ahim gibbo'o.

⁶Ee beyyonnem ixxuwwi baddita'a huxe'llo'o; xuuchchi amadu meentichchosam u'nnanto'o.

⁷Eelliinchi fi'l hafachchinne iiqamoo Tarsees uulli qoxxaalli markabbuwwisa ixxuwwa iiqansitto.

⁸Neese macceensummisam gogoxxi Moollanni Waa'i ixxi beero'onne issu luwwa kaba ni illinnem moo'nnummo; ixxi ee beero'i heer heerinam qoxxaa hee'oo'isa issookko.

⁹Waa'a! Keesammi ki minenne inkaa ki eroomma sawwinoommo.

¹⁰Waa'a! Heer uullanne hee'oo minaadab keese galaxxookko; ki sadim uulli tochchiinsi tochcho afookko; at gassitoottokim hanqinnette.

¹¹Ki oogat hanqo'an ihu bikkina Xiyoo'n duunanne hee'llam minaadab liirantamo; Yihudanne hee'llam keenim lobakata liirantamo.

¹²Xiyoo'n beero'o kululitakka'a do'llakku'uuyyi moo'llehe; qoto'akka'a egerakkam beyyuwwam xiggehe.

¹³Qasha qoossitakka'a girbuwwam saarayyitakka'a moo'llehe; eeham lasaqqi qaranchina

¹⁴«Ku Waa'i heer heerinam ni Waa'a. Ixxi heer heerinam neese awwonsookko» yitakka'a kullehe.