Read Hadiyya Mazmuu'l Kitaaba 49 Bible Online

Mazmuu'l Kitaaba 49 - Hadiyya bible

Mazmuu'l Kitaaba 49

¹Minaadab hundim kaka macceessehe; uullanne hee'llakkam hundim kaka qoossitakka'a macceessehe.

²Lob keenii hoffi keenii, goddaanii buxii mateeyyoomanne kaka macceessehe.

³An qooroo'm woca wocoommo; i woda'n sawwitim qoossimma uwwoohane.

⁴I macce kobi'llishshi kollonne dabaroommo; i heessuwwi tiratom diitta'a lellummuuyyi caakkisoommo.

⁵Hawwi eesenne afoo ammanee jolli i sinxichcho kibboo ammanee an baddoommoyyo.

⁶Ixxuwwi malaayyenne bakke'llam keenoo ixxuwwi amaxxannem amaaddam keenoo an mahina baddoommo?

⁷Ayyim ixxi gagina tissa miqeena xanooyyo; te'im ixxi foo'l bikkina bito Waa'ina miqeena xanooyyo.

⁸Manni foor lobakata xee'aalli ihu bikkina hinkaa'n bitinnem siidameena xanooyyo.

⁹Ayyi manchim lehaa ba'l woronne aagoobee'isinaa heer heerinam hee'oo'isinaa maham miquta'n iheena xanooyyo.

¹⁰Mashka'oomim ayyim la'oo'isam qoor mannim qawwuwwisaa awwaadbeekee'nnisaa lehookko; ixxi amaxxam mulli keenina uraa marookko.

¹¹Dut uulli ixxuwwi summinne weeshamuta'nnim ixxuwwi waammi ixxuwwina heer heerinam min ihookko; eekke'em heer heerina hee'llamo.

¹²Manchi maham goddaanchi ihuta'nnim lomba siidukkisinne hee'ooyyo; diinaxxisam lehookko.

¹³Kuk qawwuwwi keenonnee oo keen yito'oka awwontam keenonnee afoohane.

¹⁴Ixxuwwik lasaanchi durakkam gereechchisa leho; lehim allaaraanchisa ixxuwwa egerookko; ixxuwwi maarim ixxuwwi danaam miniinsi qee'llaa waammoronne shamookko; er keenim daram ki'lla'a daannooma aa'llamo.

¹⁵Ihukkaarem Waa'i i foore lehiinsi gatisookko; eesem taqeebalookko.

¹⁶Mat manchi goddaanchi ihoohaaree ixxi amaxxim exxukkuuyyi maroohaaree baddititte.

¹⁷Ixxi lehoo ammane maham massooyyo; ixxi amaxxik mahim ixxenne marooyyo.

¹⁸Manchi ixxi umu'l doollenne liiramuta'nnii ixxena luwwi hundim makkaa weeshamuta'nnim

¹⁹lehinne annannihaa la'mmaagge caakka moo'oobee'i beyyo gaassi ixxi anno'i beyyo marookko.

²⁰Manchi maham goddaanchi ihuta'nnim qoossimmi beelas diinaxxisam ixxim lehookko.