Read Hadiyya Mazmuu'l Kitaaba 5 Bible Online

Mazmuu'l Kitaaba 5 - Hadiyya bible

Mazmuu'l Kitaaba 5

¹Waa'a, i sagara macceese; i laachcham at qoosse.

²I Waa'aa i adilaa! Keese uunxoommuulli ihu bikkina i laachcha macceese.

³Waa'a! Daranne i sagara macceese; soodaraaronnem i uunxato ki illagenne hincaa'aa kiinniinsi dabachcha egeroommo.

⁴At baaxiilonne liirantoobee'i Waa'a; jora issitam keen kiinninne maqire hee'llamoyyo.

⁵Amaaddam keenim ki illagenne uullitamoyyo; jora issoo keenom hundam ha'yyitooyyo.

⁶Qophphano woccam keen hundam bi'issootto; manna shitam keenoo qawwiissam keenoo shigigitootto.

⁷Ihukkaarem an lophphaakkoo ki eroomminne ki mine aagoommo; keese baddimminnem ki Keesammi minnenne kiina otossoommo.

⁸Waa'a, i diina'i bikkina ki muccuroomminne eese awwonse; ki googom iina xabbaa'e.

⁹I diina'i suumenne hanqo'i woshshi hore'em bee'e; ixxuwwi wodanim jollinne wo'mmaakkoohane; ixxuwwi leella'im fooqu waammisa; ixxuwwi allabinnem manna qawwiissamo.

¹⁰Waa'a! At ixxuwwanne oogate; ixxuwwi dollot'm ixxuwwa bi'isona; ixxuwwi keesenne boqqito'i bikkinaa lobakat ixxuwwi baaxii'l bikkinaa ixxuwwa bi'ise.

¹¹Ihukkaarem keesenne magannaato aaggam keen hundim liirantona; heer heerinam liiranchinne zammattona. Ki summa iittitam keen keesenne liirantamisina at ixxuwwa egere.

¹²Waa'a! At muccur keeno maasse'llootto; ki hibbinnem agi'llisa ikkaa egettootto.