Read Hadiyya Mazmuu'l Kitaaba 52 Bible Online

Mazmuu'l Kitaaba 52 - Hadiyya bible

Mazmuu'l Kitaaba 52

¹Kaa malaayyaam mancho! Waa'i minaadabanne hundi ammanem jora issittuuyya mahina amaaddoolla? Waa'ik eroommi heer heerina hee'oo'isa laqqittuuyyim

²mulli keeno bi'isseena mahina dollottoolla? Ki allabim qare'aalli milaacisa; ki tiironnem hundi ammanem jora sawwitoolla.

³At eroommiinsi jolla hanqa wocimmiinsim qophphano lonsitaa iittitootto.

⁴Kaa hantaaraancho! At manna hawwodoo sagara wocimma iittitootto.

⁵Ee bikkina Waa'i heer heerinam keese bi'isookko; ki miniinsim fissa hollookko; foorinne yo'i keen hee'llam uulliinsim xoqolaa hoorookko.

⁶Muccur keenim eekka moo'lla'a badditamo; ee lasage keesenne osattu'uuyyi

⁷«Waa'anne bakke'oobee'i mancho moo'llehe; ihukkaarem ixxi bakke'ookkok ixxi gaqqi goddannette; jora baximminne malaayyaam ihaakkoo mancho moo'llehe» yitamo.

⁸Ihukkaarem an latukkuuyyi hee'oo wee'llisa Keesammi Waa'i Minenne hee'oommo; i heechchi doolli hundannem heer heerina hee'oo Waa'i eroommanne bakke'oommo.

⁹Waa'a! At iina issitti luwwi hundinam heer heerinam keese galaxxoommo; ki minaadaphphi illagenne danaam ihu bikkina ki summa alallaatoommo.