Read Hadiyya Mazmuu'l Kitaaba 54 Bible Online

Mazmuu'l Kitaaba 54 - Hadiyya bible

Mazmuu'l Kitaaba 54

¹Waa'a! Ki summinne eese gatise; ki malaayyinnem iina oogate.

²Waa'a! I uunxaxto macceese; i sagaram macceese.

³Allaggi keen eesenne ki'llo'ookko; Waa'a badditambee'i mogaalli keenim eese shiteena hassamuulla.

⁴Ihukkaarem i Moollanni Waa'i iina hara'mmaancho; ixxim eesenne jor afoobee'isa egeraancho.

⁵Waa'i i diina'a ixxuwwi jollinnem bi'isookko; ixxi amma'nnamaakkoohan ihu bikkina ixxuwwa guullaa bi'isookko.

⁶Waa'a! An liiranchinne kiina kitima hincaa'oommo; danaam ihu bikkina an ki summa galaxxoommo.

⁷At eese hawwi hundiinsim fissitaatto; i diina'im kaa'antu'uuyyi i illinne moo'aammo.