Read Hadiyya Mazmuu'l Kitaaba 56 Bible Online

Mazmuu'l Kitaaba 56 - Hadiyya bible

Mazmuu'l Kitaaba 56

¹Waa'a! Manni eese hance'amolli ihu bikkina i maso'im hundi ammanem wor amadaan iinninne qasamoolli ihu bikkina at iina qishixxe.

²I diina'i hundi ammanem eese hance'amoolla; eesenne amaadinne ki'aa iinninne qasamoo keenim duta.

³Waa'a! An baddumta'nnim keesenne bakke'oommo.

⁴An Waa'anne bakke'oommi bikkina baddoommoyyo; iina uwwu neeyyaxxi bikkinam qalaxxoommo; an Waa'anne bakke'oommi bikkina manni eese ma'issoo?

⁵I maso'i hundi ammanem eesenne hawwo afissamuulla; eese hawwoddeenam sawwitamo.

⁶Eesenne ki'lla'a daphphit beyyonne wixxitamuulla; eese shiteena hassa'o'i bikkinam laseessu'uuyyi egettamuulla.

⁷Waa'a! Ixxuwwi issito'i jollinnem ixxuwwa guzumo'e; ki quunqinnem mulli minaadaba sholliise.

⁸I karkaadimma at xiggaatto; i indiiddam mu'utanne cee'llaatto; ee hundikam xigo ki kitaabanne kitaabbaattoollayyonnihe?

⁹An keese weeshoommi balla i diina'i lasonne daba'llitamo; Waa'i iinninne maqire yoo'isa eehanninne la'oommo.

¹⁰Ku iinninne maqire yoo Moollanni Waa'i ixxi sagara galaxxoommanee lonsoommi Waa'aa.

¹¹An ixxonne amma'nnoommi bikkina baddoommoyyo; manni eese maha isseena xanookko?

¹²Waa'a! An kiina aagummi uga'a uwwoommo; galaxxi kitimam hincaa'oommo.

¹³At i foore lehiinsi gatissaatto; i lokkom qolanchiinsi gatissaatto; ee bikkina an i Waa'i illagenne heechchi caakkanne daba'llamoommo.