Read Hadiyya Mazmuu'l Kitaaba 57 Bible Online

Mazmuu'l Kitaaba 57 - Hadiyya bible

Mazmuu'l Kitaaba 57

¹Waa'a! Iina haafihe; at iina haafihe; an keesenne yabo aagaammo; baddisoo bichchi higeebee'e ki laxxi woronne yabo aagoommo.

²Iina hasisoo luwwi hundam issoo hundam xanoo Waa'i kollonne laaroommo.

³Waa'i iimaniinsi heer heerina hee'oo ixxi eroommaa amma'nnamaakkoohaannoomaa asse'aa eese gatisookko; eese hawwissam keenom sholliisookko.

⁴I maso'i manna itoo hobbisa eese kibbito'ookko; ixxuwwi inqim baqaxxisaa xiyyisaa; ixxuwwi allabim qare'aalli bisa'i'nnoohane.

⁵Waa'a! At iimanenne iimiimihe; ki lombim uulli hundannem ihona.

⁶I maso'i eese amaddeena qaasha qaashsho'ookko; an kichchechchinne aad quutaammo; i googonne bare hinto'o; ihukkaarem ee barenne ixxuwwi gagim ubbo'o.

⁷I Waa'a! I wodan hundinnem an keesenne bakke'oommo; mazmuurinnem guullaa keese galaxxoommo.

⁸I foore, baqihe; odim i diitta'ii i maasiinqo'ii ki'llehe; anim soodaraar daram ki'oommo.

⁹I Moollanna! Keese minaadaphphi lambe'enne galaxxoommo; minaadaphphpi lambe'ennem kiina qalaxxi mazmuura zammaroommo.

¹⁰Ki eroommi iiman afeebe'e afaakkoohane; amma'nnantaattoohaannoomim duuba afaakkoohane.

¹¹Waa'a! At iimanenne iimiimihe; ki lombim uulli hundannem ihona.