Read Hadiyya Mazmuu'l Kitaaba 58 Bible Online

Mazmuu'l Kitaaba 58 - Hadiyya bible

Mazmuu'l Kitaaba 58

¹Ki'nnuwwi gassaan, hanqo'i oogato oogattakkamuullannihe? Manni hundinam golo'llakkoo'n oogattakkamollanniyye?

²Hore'em eehid issitakka'a laqqakkamoyyo; ki'nnuwwi hundi ammanem jolle sawwitakkamo; uullanne issitakkam luwwi hundim boqqoo'm baxo.

³Jor keen ixxuwwi amo'i godabiinsim ki'isaa hanqo'i googiinsi fitto'ookko; qaranto'i balliinsim ki'isaa hushanto'oo keenoo qophphanaanoo.

⁴Ixxuwwi hamashshisa qubaammuwwa; macceesoobee'i woraqaallichchisam macce ifiissamo.

⁵Oo woroqallichchi macce ifiisookkok hamasha jallaa'llam kee'n sagara te'im gennoo kee'n sagara macceesoobee'isinatte.

⁶Waa'a! Ka hobbi inqe ixxuwwi suu'm woronnem iiqe; Moollaanna! Ixxuwwika gaangieera giggisse.

⁷Ixxuwwi qaqqisom higoo dirisisa bi'llona; xiyya chokkottota'nnim jungona.

⁸Ficiriiqamu qero'isa bukkanta'a bi'llona; lehaa qaramu ka'llisam caakka moo'lloone.

⁹Ixxuwwi laqqoo'nnim dangonnem shuqu'nnisa; xoqolanta'a uunjantamo. Waa'i ixxi malaayyaam quunqinne ixxuwwa binnaa'ookko.

¹⁰Baaxiilaan guzumo'antu'uuyyi muccur keen moo'lla'a liirantamo; jor kee'n xiigam hancaaccu'uuyyi taakke'llamo.

¹¹Ee ammane minaadab «Muccur keen ixxuwwi baxika siixxito'o; uullannem hanqa oogatoo Waa'i yookko» yitamo.