Read Hadiyya Mazmuu'l Kitaaba 61 Bible Online

Mazmuu'l Kitaaba 61 - Hadiyya bible

Mazmuu'l Kitaaba 61

¹Waa'a! I laachcha macceese; i uunxatom macceese.

²Waa'a! Neeyyata murummi bikkina qee'lli uullanne ihaa ki kollonne laaroommuulla; eese gatisoo lob ki'n beyyo awwonse.

³An yabo aagoommok keesennette; diina'iinsi daphphoommi qoxxaalli girbi atette.

⁴Ki minenne an heer heerinam hee'ane; ki laxxi woronnem aagaa maaxamane.

⁵Waa'a! An kiina uga'a aagummoka macceessaatto; keese baddoo keenina gudissitti gulumma uwwitto.

⁶Adi'lleka umura qeeraa'llise; ixxom qaranchi hundannem adil isse.

⁷Waa'a! Ixxo ki illagenne heer heerinam adil isse; ki eroomminnee amma'nnantaattoohaannoominnee ixxo egere.

⁸An hundi ammanem kiina galaxxi mazmuura zammaroommo; an kiina aagummi uga'am hundi ammanem uwwoommo.