Read Hadiyya Mazmuu'l Kitaaba 62 Bible Online

Mazmuu'l Kitaaba 62 - Hadiyya bible

Mazmuu'l Kitaaba 62

¹I foor usheexxato siidookkok Waa'iinsette; eese gatisookkokim ixxotte.

²Ixxeensi bagaan eesenne jor afoobee'isa egerookkokii gatisookkokii bee'e; iina girbi ixxotte ihu bikkina an hore'em heekke'amoommoyyo.

³Mat kollonne boqqu gortannisaa ubeena ihu qashisaa ihaakkoo mancho hawwodakkamokii gafe'akkamokii hinki balli afeebe'ette?

⁴Ixxuwwi hassakkamok ixxo lombiinsi dilliisimma; ixxuwwi ixxi bikkina qophphano wocimmanne iittitamo; suuminne ixxo maasse'llakkamo; ihukkaarem wodanonne ixxo duuntakkamo.

⁵An xale'i Waa'anne bakke'oommo; i neeyyatam xale'i ixxonne issoommo.

⁶Ixxeensi bagaan eesenne jor afoobee'isa egerookkokii gatisookkokii bee'e; iina girbi ixxotte ihu bikkina an hore'em heekke'amoommoyyo.

⁷Iina gatimmaa lombaa uwwukkok Waa'a; eesennem jor afoobee'isa egeraanchi qoxxaalli kinii girbii ixxotte.

⁸Minaadaba, hundi ammanem Waa'anne amma'nnehe; nees yabo aangoommok ixxonnetti ihu bikkina ki'nnwwi sawwit hundam ixxena kullehe.

⁹Manni hundim hafachchisa; hoffokii lobokii hundim awwaad bee'ane; keennaanchonne hundam mat issakka'a keenakkota'n hafachchiinsi sholle'aalla.

¹⁰Manniinsi malaayyinne hoottakka'a siiddakkam luwwanne bakke'llakkotte; bogimminne siiddakko'i luwwannem neeyyata issitakkotte; amaxxi lophphimmannem bakke'llakkotte.

¹¹Waa'i mat woshsha wocukko; anim eekka lamaagge macceesummo; malaayyi Waa'ane!

¹²Waa'a! Eroommi kiihane; at ki gagim annannichchinam ixxi baxisanne miqqootto.